ވެރިކަން ކުރާ މައި ޕާޓީ އެމްޑީޕީގެ ޗެއާޕާސަންގެ މަޤާމަށް ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެންބަރު އިމްތިޔާޒް ފަހުމީ (އިންތި) ގެނައުމަށް ކެމްޕޭން ކުރަން ފަށައިފިއެވެ.
އިންތި ގެނައުމަށް ކެމްޕެއިން ކުރަމުންދާ އެންމެ އިސްފަރާތަކީ "ހަސަން ކުރުސީ" ނަމުގައި އުފައްދާފައިވާ ޓްވިޓާ އެކައުންޓުންނެވެ. ހަސަން ކުރުސީއަކީ ކުރީގެ ރައީސް މުހައްމަދު ނަޝީދުގެ ވަގު ޓުވިޓާ އެކައުންޓެއްކަމަށް ބައެއް ފަރާތްތަކުން ދަނީ ބުނަމުންނެވެ.
Please show support for @Imthiyazfahmy for the post of @MDPSecretariat Chairperson.
Voting @faya_i is giving a vote to @ibramandhu and Munavvar.
Voting Faya is voting against MDP values & principles.
Voting Faya is voting big cash settlements.
Voting Faya is voting bro-ship. pic.twitter.com/0sI83fXdBX
— Hassan Kurusee (@HKurusee) February 11, 2022
ހަސަން ކުރުސީގެ އެކައުންޓުންވަނީ އިންތިއަށް ތާއީދު އޮތްތޯ ބެލުމަށް ޕޯލްއެއްވެސް ނަގާފައެވެ. މިޕޯލްގައި ގިނަ ބަޔަކު ވަނީ އިންތިއަށް ތާއީދުކޮށް ވޯޓު ދީފައެވެ. އިންތިގެ ނަން ޗެއާޕާސަންގެ މަޤާމަށް ގެންނަން އަޑު ގަދަވެފައި މިވަނީ، މިނިސްޓަރ ފައްޔާޒު އިސްމާއިލް އެމަޤާމަށް ވާދަކުރައްވާނެކަން އިއުލާންކޮށްފައި ވަނިކޮށެވެ. އަދި އެސްޓީއޯގެ އެމްޑީ އަމްރުވެސް ވަނީ މިމަޤާމަށް ވާދަކުރައްވާނެކަމަށް އިއުލާންކޮށްފައެވެ.
އެމްޑީޕީގެ އަސާސީ ޤަވާޢިދުގައި ބުނެފައިވަނީ، އިންތިޚާބު ބޭއްވުމުގެ 60 ދުވަސް ކުރިން އެއިންތިޚާބަކަށް ވާދަކުރުމުގެ ފުރުސަތު ހުޅުވާލައި، ކެމްޕެއިން ކުރުމުގެ ފުރުސަތު ދޭންވާނެކަމަށެވެ. އެމްޑީޕީގެ ޗެއަރޕަރސަންގެ އިންތިޚާބު އޭޕްރީލް މަހުގެ 16 ވަނަ ދުވަހު ބޭއްވުމަށް ވަނީ ނިންމާފައެވެ.
އެމްޑީޕީގެ ޗެއާޕާސަންގެ މަޤާމުގައި ހުންނެވި ހަސަން ލަތީފްގެ ފަސް އަހަރުގެ ދައުރު ހަމަވާނީ މިއަދަށެވެ.
