ކޮމަންޑޫ ދާއިރާގެ ތިން ރަށުގައި އިދިކޮޅު ޕްރޮގްރެސިވް ކޯލިޝަންގެ ކެނޑިޑޭޓް މޫސާ ފަތުޙީއަށް އޮތް ތާއީދު ދައްކާލައި، ކެމްޕެއިން ނިންމާލައިފިއެވެ.
ވެރިކަން ކުރާ އެމްޑީޕީން ފޯކައިދޫ، މަރޮށި، ކޮމަންޑޫގައި ކެމްޕެއިން ނިންމާލާފައިވަނީ ހިނގާލުންތަކުންނެވެ. މިހިނގާލުންތަކުގައި އެރަށްތަކުން ރާޝިދުއަށް އޮތް ތާއީދު ވަނީ ދައްކާލާފައެވެ. މި ހިނގާލުމުގައި ބައިވެރިވުމަށް ކައިރި އެހެން ރަށްތަކުންވެސް ގިނަ އަދަދެއްގެ ބަޔަކު ވަނީ ގެންގޮސްފައެވެ.
އެމްޑީޕީގެ ދިދައާއިއެކު ކުރިއަށްދިޔަ މިހިނގާލުންތަކުގައި އެމްޑީޕީގެ ލީޑަރޝިޕްގެ އިސްބޭފުޅުން ވަނީ ބައިވެރިވެފައެވެ. ފޯކައިދޫގައި ކުރިއަށްދިޔަ ހިނގާލުމުގައި ރާޝިދުއާއި، އެމްޑީޕީގެ ބައެއް މަޖިލިސް މެމްބަރުން ވަނީ ބައިވެރިވެފައެވެ.
Saabahay????????????????
Saabahay ????????????????????#HapenningNow Foakaidhoo#ThilafathahVote pic.twitter.com/i1xsBGqBIg— Ahmed Anwar (@Simwarr) February 4, 2022
ކޮމަންޑޫ ދާއިރާގައި އެންމެ ގިނަ އަދަދަކަށް މީހުން ރަޖިސްޓްރީ ކޮށްފައިވާ ސަރަހައްދަކީ މާލެއެވެ. ކޮމަންޑޫ ދާއިރާގެ ވޯޓު ލިބުމުގެ ހައްގު ލިބިގެންވާ މީހުންގެ ފައިނަލް ލިސްޓާއެކު، ވޯޓު ލެވޭނެ ފޮށިތައް އެނގޭނެހެން އާންމުކުރި ލިސްޓުގައި މާލެ ސަރަހައްދުގައި އިތުރު ވޯޓު ފޮއްޓެއް ބެހެއްޓުމަށް އިލެކްޝަނުން ވަނީ ނިންމާފައެވެ. މާލެ ސަރަހައްދަށް ފޮއްޓެއް އިތުރުވެފައިވަނީ ރީ-ރަޖިސްޓްރީ ވުމަށް ހުޅުވާލި ފުރުސަތުގައި ރަޖިސްޓްރީ ކުރި މީހުންގެ ނިސްބަތަށް ބެލުމަށް ފަހުއެވެ. މިއިންތިޚާބުގައި ޖުމްލަ 7 ފޮށި ބެހެއްޓުމަށް އިލެކްޝަންސް ކޮމިޝަނުން ވަނީ ނިންމާފައެވެ. އޭގެ ތެރެއިން މާލޭގެ އިސްކަންދަރު ސްކޫލުގައި ދެ ފޮށި ބެހެއްޓުމަށް ވަނީ ހަމަޖެހިފައެވެ.
އިލެކްޝަން ކޮމިޝަނުން ވަނީ ވޯޓުލުން ކުރިއަށްދާއިރު، އިންތިޚާބާގުޅޭ ޝަކުވާ ނުވަތަ މައްސަލަ ހުށަހަޅަން ބޭނުންވެއްޖެ ހިނދެއްގައި، އިލެކްޝަންސް ކޮމިޝަނަށް މައްސަލަ ހުށަހެޅުމުގެ އިންތިޒާމް ހަމަޖައްސައިފައެވެ. މާދަމާ ބާއްވާ ތިން އިންތިޚާބުގައިވެސް ވޯޓުލުން ކުރިއަށްދާނީ ހެނދުނު 8 އިން ހަވީރު 4 ޖަހަންދެނެވެ. މެންދުރުފަހު 3 އިން ފެށިގެން ވޯޓުލުމަށް ޚާއްސަ ކޮށްފައިވަނީ ކޯވިޑަށް ޕޮޒިޓިވްވެފައިވާ މީހުންނާއި، ކަރަންޓީނުގައި ތިބޭ މީހުންނަށެވެ.
ކޮމަންޑުއާއި ފޯކައިދޫ އަދި މަރޮށި ހިމެނޭ މި ދާއިރާގައި 3،309 މީހުންނަށް ވޯޓުލުމުގެ ހައްޤު ލިބިގެންވެއެވެ.
