އިންޑިއާގައި ކޯވިޑްގެ ކޭސްތައް ގިނަވުމުގެ ސަބަބުން "ބްރަހްމަސްތުރަ"ގެ ޝޫޓިންގ އަނެއްކާވެސް ފަސްކޮށްފިއެވެ.
މި ފިލްމު އުފެއްދުމުގެ މަސައްކަތް ޑައިރެކްޓަރު އަޔާން މުކަރުޖީ ކުރަމުން އަންނަތާ 5 އަހަރުވަނީއެވެ. އަދިވެސް ޝޫޓިންގ އެއްކޮށް ނުނިމި އަނެއްކާވެސް މިވަނީ ލަސްވެފައެވެ. ކޯވިޑްގެ ކުރިންވެސް ތަފާތު ސަބަބުތަކާހެދި ވަނީ މި ފިލްމުގެ ޝޫޓިން ލަސްވެފައެވެ.
މި ފިލްމް އަކީ އާލިއާ ބަޓާއި ރަންބީރު ކަޕޫރުގެ އަލަތު ފިލްމެއެވެ. ދެލޯބިވެރިން އެކުގައި ކުޅެމުން އަނަން މި ފިލްމުގެ ޕްރޮޑަކްޝަން ޓީމުން މިހާރު ފިލްމު ރިލިޒް ކުރުމަށް ނިންމާފައިވަނީ 9 ސެޕްޓެމްބަރ 2022 ގައެވެ.
2018 ވަނަ އަހަރު ފެށި މި ފިލްމްގެ ޝޫޓިން ނުނިމި ލަސްވެފައި ވުމުގެ ސަބަބުން ފިލްމްގެ މުހިންމު ރޯލުތައް ކުޅޭ ތަރިންނަށްވެސް ވަނީ ގިނަ އުނދަގޫތަކާ ކުރިމަތިވެފައެވެ.
ބޮޑު ކާސްޓެއް ހިމެނޭ މި ފިލްމުގެ މުހިންމު ރޯލުތަކުން އަމީތާބް ބައްޗަން، މޯނީ ރޯއީ، ޑިމްޕަލް ކަޕާޑިއާގެ އިތުރުން ސައުުތުގެ ސުޕަސްޓަރ ނާގައަރުޖުނާ ވެސް ފެނިގެންދާނެއެވެ.
އާންމުކޮށް ބޮލީވުޑް ފިލްމްއެއް ޝޫޓުކުރުމަށް ނަގާ މުއްދަތަަށް ވުރެ ދެގުނަ އިތުރަށް ވަގުތު ނެގި މި ފިލްމުގެ އިންތިޒާރުގައި ރަންބީރާއި އާލިއާގެ ފޭނުން ތިބި އިރު މިއީ މިހާރު ބޮލީވުޑްގެ އެންމެ ލޯބި ކަޕުލްގެ ގޮތުގައި މަޝްހޫރު ވެފައިވާ ޖޯޑެކެވެ. މިދެ މީހުންގެ ލޯބީގެ ގުޅުމުގެ ފެށުން ކަމުގައިވެސްވީ މި ފިލްމެއެވެ.
