ހުޅުމާލޭ ދެވަނަ ފިޔަވހީގެ ހިޔާ ފްލެޓަކުން 1300 އަށް ވުރެ ގިނަ ޑޮލަރު ނުވަތަ 20,085 އަށްވުރެ ގިނަ ރުފިޔާ ވަގަށް ނަގައިފިއެވެ.
މި ވައްކަން ހިނގާފައިވަނީ 113 ވަނަ ފްލެޓްގައެވެ. ރޭ ދަންވަރު 3 ޖަހާ އެހާކަންހާިރު ހިނގި މި ވައްކަމުގައި ޑޮލަރުގެ އިތުރުން ތިން ފޯނުވެސް ވަގަށް ނަގާފައިވާކަމަށް ފުލުހުން ބުންޏެވެ.
މި މައްސަލާގައި އަދި މިހާތަނަށް މީހަކު ހައްޔަރުކޮށްފައި ނުވާކަމަށާއި، އެ މައްސަލަ ތަޙްޤީޤްކުރަމުން އަންނަކަމަށް ފުލުހުން ބުންޏެވެ.
ހިޔާ ފްލެޓުން ވައްކަން ކޮށްފައިވާއިރު، ހިޔާ ފްލެޓްގެ ސެކިއުރިޓީ ބެލެހެއްޓުމަށް އިއްޔެ ވަނީ ބަޔަކާ ހަވާލުކޮށްފައެވެ. ސެކިއުރިޓީ ހަވާލު ކޮށްފައި ވަނީ ވަށި ޕްރައިވެޓް ލިމިޓެޑާއެވެ.
މިއާއެކު ހިޔާ ފްލެޓްތަކުގައި ސީސީޓީވީ ކެމެރާ ހަރުކޮށް 24 ގަޑިއިރު ސެކިއުރިޓީ ބެލެހެއްޓުމަށް ވަނީ ހަމަޖެހިފައެވެ.
