ކޮމަންޑޫ ދާއިރާގެ ބައި އިލެކްޝަން ކުޑަތަންވެފައިވަނިކޮށް، ސަރުކާރުގެ ކުންފުނި ފެނަކައިނ،ް އޭސީތަކާއި ޓީވީ ކޮމަންޑޫ ސިއްޙީ މަރުކަޒަށް ހަދިޔާކުރި މައްސަލައެއް ފެންމަތިވެއްޖެއެވެ.

އިންތިޚާބާއި ދިމާކޮށް ކޮމަންޑޫގައި ތަރައްޤީއަށް ސަރުކާރުން ކުއްލި ގިނަ މަޝްރޫޢުތަކެއް ހިންގަން ފެށުމުން ގިނަ ބައެއްގެ ފަޑުކިޔުން ވަނީ އަމާޒުވެފައެވެ. މިއީ އިންތިޚާބަށް ސަރުކާރުން ނުފީޒް ފޯރުވުންކަމަށް ބައެއް ފަރާތްތަކުން އަންނަނީ ބުނަމުންނެވެ.

ސަރުކާރަށް މި ފާޑުކިޔުންތައް އަމާޒުވެފައިވަނިކޮށް، އަނެއްކާވެސް ފެންމަތިވެފައިމިވަނީ ފެނަކަ ކޯޕަރޭޝަންގެ ސީ.އެސް.އާރުގެ ދަށުން، ށ.ކޮމަންޑޫ ސިއްހީމަރުކަޒް ވާޑް އަޕްގުރޭޑް ކުރުމައް ބޭނުންވާ 4 އޭސީ އަދި ޓީވީ  ށ.ކޮމަންޑޫ ސިއްހީމަރުކަޒާ ހަވާލުކުރުމެވެ.

މިކަން ސޯޝަލް މީޑިއާގައި ހިއްސާކުރި ފަރާތްތަކުން ވަނީ މިއީ އިންތިހާބައް އަތްބާނަންތޯ ސުވާލުކުރައްވާފައެވެ. އަދި މިކަން ބެލޭނެ ގޮތެއް ނެތްކަމުގެ ކަންބޮޑުވުންވެސް ފާޅުކޮށްފައިވެއެވެ.

ފެނަކަ ސީ.އެސް.އާރު ގެ ދަށުން ، ށ.ކޮމަންޑޫ ސިއްހީމަރުކަޒް ވާޑް އަޕްގުރޭޑް ކުރުމައް ބޭނުންވާ 4 އޭސީ އަދި ޓީވީ ވަނީ ށ.ކޮމަންޑޫ ސިއްހީމަރުކަޒާ ހަވާލު ކުރީ އިންތިހާބައް އަތްބާނަންތޯ؟
މިކަންތައް ބަލާނެ މުއައްސަސާއެއްނެތް، ޒިންމާ ކުރުވޭނެ ގޮތެއްނެއް!@ElectionsMv @ACC_Maldives pic.twitter.com/eLTEVQHieK

— Sameer (@Sameer_thalabo) January 30, 2022

އިންތިޚާބާއި ކައިރިވެފައިވަނިކޮށް ސަރުކާރުން ވަނީ ދެ ކޮމަންޑޫ ގުޅުވާލުމުގެ މަސައްކަތް ފަށާފައެވެ. އަދި އިއްޔެ ވަނީ ކޮމަންޑޫީގައި އައިސްޕްލާންޓެއް އެޅުމަށްވެސް ފެނަކައާއި ހަވާލުކޮށްފައެވެ. މީގެ އިތުރުން ފުޓްބޯޅަ ދަނޑު އެޅުންފަދަ ގިނަ މަޝްރޫޢުތަކެއް އެ ދާއިރާގައި މިހާރު ސަރުކާރުން އަންނަނީ ހިންގަމުންނެވެ.