ކޮމަންޑޫ ދާއިރާގެ އިންތިޚާބުގައި އިދިކޮޅު ޕީޕީއެމުން ވާދަކުރާ މޫސާ ފަތުޚީއަށް މާލޭގައި އޮތް ތާއީދު ދައްކާލައިފިއެވެ.
މިރޭ މާލޭގައި ރައީސް ޔާމީން ބައިވެރިވެ ވަޑައިގެން ކޮމަންޑޫ ދާއިރާގެ ރައްޔިތުންނާއިއެކު ބޭއްވި ބައްދަލުވުމުގައި، ގިނަ އަދަދެއްގެ ކޮމަންޑޫ ދާއިރާގެ ރައްޔިތުން ވަނީ ބައިވެރިވެފައެވެ. މިޖަލްސާގައި ރައީސް ޔާމީން ވަނީ މިއިންތިޚާބު ކާމިޔާބު ކުރުމުގެ މުހިންމު ކަމާއި ގުޅޭގޮތުން ރައްޔިތުންނާއި ވާހަކަ ދައްކާފައެވެ.
މިއީ މާލޭގައި ތިއްބެވި ފަތުޚީއަށް ތާއީދުކުރާ ކެނޑިޑޭޓުންނާއި ބައްދަލުކޮށް ބޭއްވި މިފަދަ ބޮޑު ފުރަތަމަ ބައްދަލުވުމެވެ. ގިނަ ބަޔަކު ބައިވެރިވި މިޖަލްސާގައި ޕީޕީއެމް، ޕީއެންސީގެ ލީޑަރޝިޕްގެ އިސްބޭފުޅުން ވަނީ ބައިވެރިވެފައެވެ. ރައީސް ޔާމީން ވަނީ ފަތުޚީއަށް ތާއީދު ހޯއްދެވުމަށް ކޮމަންޑޫ ދާއިރާގެ ތިން ރަށަށްވެސް ވަޑައިގެންފައެވެ.
އެމަނިކުފާނު ވަނީ ދާއިރާގެ ތަރައްޤީއާއި ކުރިމަގަށްޓަކައާއި، ރާއްޖޭގެ މިނިވަންކަމަށްޓަކައި މިގޮޑިއަށް ފަތުޚީ އިންތިޚާބު ކޮށްދެއްވުމަކީ ވަރަށް މުހިންމު ކަމެއްކަމަށެވެ. ކޮމަންޑޫ ދާއިރާގެ ކެމްޕެއިންގައި ރައީސް ޔާމީން ފެބުރުއަރީ މަހުގެ ފުރަތަަމަ ދުވަހުވެސް ކޮމަންޑޫ ދާއިރާއަށް ވަޑައިގަންނަވާކަމުގެ މައުލޫމާތު ވަނީ ލިބިފައެވެ.
ކޮމަންޑޫ ދާއިރާގައި ފޯރިއާއާއިކު ކެމްޕެއިން ކުރިއަށްދާއިރު، މާލޭގައި ޕީޕީއެމްގެ ކޮމަންޑޫ ދާއިރާގެ ބޮޑު ހަރަކާތެއް ބާއްވާއިރު، ފޯކައިދޫގައިވެސް ބޮޑު ޖަލްސާއެއް މިރޭ ކުރިއަށް ދެއެވެ.
ފެބްރުއަރީ މަހުގެ 5 ވަނަދުވަހު އޮންނަ ބައި އިލެކްޝަންގައި 7 ވޯޓް ފޮއްޓެއް ބެހެއްޓުމަށް އިލެކްޝަންސް ކޮމިޝަނުން ވަނީ ނިންމާފައެވެ.
