ދުނިޔޭގައި ހުރި އެންމެ ދުވަސްވީ ފިރިހެން ގޮރެއްލާ އިއްޔެ މަރުވެއްޖެއެވެ.
އުމުރުން 61 އަހަރުގައި ގޮރެއްލާ މަރުވެފައި އޮއްވާ ފެނުނީ އޭތި ދިރިއުޅޭ އެޓްލާންޓާ ޒޫގެ ތެރޭގައެވެ. އޯޒީ ނަމަކަށް ކިޔާ މި ގޮރެއްލާ މަރުވެފައި އޮއްވާ ފެނުނީ ޒޫ ބަލަހައްޓާ މީހުންނަށެވެ.
ގޮރެއްލާ މަރުވަން ދިމާވި އަސްލު ސަބަބު އަދި ނޭނގުނު ނަމަވެސް ޒޫ ބަލަހައްޓާ މީހުން ބުނިގޮތުގައި ފާއިތުވި ހަފްތާއެއްހާ ދުވަހުގެ ތެރޭގައި އޯޒީ ކެއުމާއި ވަރަށް ދުރެވެ. އަދި މޫނު ދުޅަވެ، ބަލިކަށިވެ، ކާ އެއްޗެއް ނުކެވުމުގެ ސަބަބުން އޮޒީއަށް ފަރުވާ ދީފައި ވާކަމަށްވެސް ޒޫއިން ބުނެފައިވެއެވެ.
މީގެ އިތުރުން އޯޒީއަށް މިދިޔަ އަހަރު ވަނީ ކޯވިޑް ޖެހިގެންވެސް ފަރުވާ ދީފައެވެ. މިއީ ދުނިޔޭގެ 3 ވަނަ އަށް އެންމެ ދުވަސްވީ ގޮރެއްލާއެވެ.
އެޓްލާންޓާ ޒޫގެ ރައީސް އަދި ސީއީއޯ ރޭމަންޑް ކައިންޑް ބުނެފައިވަނީ މިއީ ވަރަށް ހިތާމަވެރި ހާދިސާއެއް ކަމަށާއި މިއީ ޒުލަށްވެސް ލިބުނު ވަރަށް ބޮޑު ދެރައެއް ކަމަށެވެ.
މި ގޮރެއްލާ ފެނިފައިވަނީ އެފްރިކާގެ ރެއިން ފޮރެސްޓުން 1988 ވަނަ އަހަރުއެވެ.
