ހުޅުމާލެ އިތުރަށް ފެހިކޮށް، ދިރިއުޅުމަށް އިތުރަށް ހިތްގައިމު ތަނަކަށް ހެދުމުގެ ބޮޑު މަސައްކަތެއް މޫސުމީ ބަދަލުތަކާއި ތިމާވެށްޓާއި ހަކަތައާ ބެހޭ ވުޒާރާއާއި އެޗްޑީސީން ގުޅިގެން ފަށައިފިއެވެ.
މި ހަރަކާތަކީ، ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވައުދެއްގެ ގޮތުގައި މުޅި ރާއްޖޭގައި ފަސް މިލިއަން ގަސް އިންދުމަށް ފަށާފައިވާ ގައުމީ މަޝްރޫއުގެ ބައެކެވެ.
ވުޒާރާއިން ބުނީ، ހުޅުމާލޭގައި ގަސް އިންދުމަށް އެންމެ ރަނގަޅު ސަރަހައްދުތައް ކަނޑައެޅުމާއި، މަސައްކަތް ފުޅާކޮށް ހިންގާނެ ގޮތުގެ މައްޗަށް އެޗްޑީސީއާއެކު މަޝްވަރާކޮށްފައިވާ ކަމަށެވެ. މި ހަރަކާތުގައި ވީހާ ގިނަ ރައްޔިތުންނާއި މަދަނީ ޖަމްއިއްޔާތައް ބައިވެރިކުރުމަށް ދެފަރާތުން އެއްބަސްވެފައިވެއެވެ.
އެޗްޑީސީން ބުނެފައިވާ ގޮތުގައި، ހުޅުމާލޭގައި ގަސް އިންދުމުގެ މަސައްކަތް ވަރަށް އަވަހަށް ފެށޭނެއެވެ. މިއީ ހުޅުމާލޭގެ ވެށި ފެހިކުރުމާއެކު، ސަރުކާރުގެ ފަސް މިލިއަން ގަހުގެ ލަނޑުދަނޑި ހާސިލުކުރުމަށް ބޮޑު އެހީތެރިކަމެއް ވާނެ ކަމެކެވެ.
ކޮމެންޓު ފޮނުވާ