ވެރިކަން ކުރަމުންދާ މައި ޕާޓީ، އެމްޑީޕީއަށް ރާއްޖޭގެ ވެރިކަން ކުރަން 10 ދުވަސް ދިން ނަމަވެސް، ކުރާނެ ކަމަކީ އަރުވާޖަހާފަ ރައްޔިތުންގެ މުދާ ވިއްކުން ކަމުގައި ޕީއެންސީގެ ނައިބް ރައީސް އަދި ކުރީގެ އިކޮނޮމިކް މިނިސްޓަރ މުހައްމަދު ސައީދު ވިދާޅުވެއްޖެއެވެ.

ވެރިކަން ކުރާ މައި ޕަޓީ އެމްޑީޕީން ރޭ ފޯކައިދޫގައި ބޭއްވި ޖަލްސާގައި އެމްޑީޕީގެ ރައީސް މުހައްމަދު ނަޝީދު ވަނީ ރާއްޖޭގެ ވެރިކަން އަދި އިތުރު 10 އަހަރު ދުވަހު އެމްޑީޕީއަށް ލިބެންޖެހޭކަމަށް ވިދާޅުވެފައެވެ. ރައީސް ނަޝީދުގެ މިވާހަތަކާއި ގުޅިގެން ސައީދު ވިދާޅުވީ، 10 ދުވަހަށް ވެރިކަން ދިނަސް އެމްޑީޕީން ކުރާނެ ކަމަކީ ރައްޔިތުންގެ ހަރުމުދާ ވިއްކާލުންކަމަށެވެ.

އެމްޑީޕީއަކީ އެއްވެސް އިޚުލާސްތެރިކަމެއް އޮވެގެން ވެރިކަން ކުރާ ބައެއް ނޫންކަމަށާއި، ރާއްޖޭގެ ތަރައްޤީއަށް މަސައްކަތް ކުރާ ކޮންމެ ޤައުމަކުން ރާއްޖޭގައި އަސްކަރީ ސިފައި ބައިިތިއްބަން ވެއްޖެނަމަ ލައްކަ ޤައުމަކުން ރާއްޖޭގައި އަސްކަރީ ސިފައިން ބައިިތިއްބަން ޖެހޭނެކަމަށް ސައީދު ވިދާޅުވިއެވެ.

އަނެއްކާ އަނެއްވާހަކަ. މާލެވަށާ ތޮށިލީ ޖަޕާނުން، އެހެންވީމަ ޖަޕާނު ސިފައިން ތޮށިމަތީ ތިބެންޖެހޭތަ. އެއަޕޯޓަށް 30މ ޑޮލަރު ފުރަތަމަ ދިނީ ކުވެއިތުން، ކުވެއިތަށް ކަނޑުއަޑި ވިއްކާލަންޖެހޭތަ؟ 10އަހަރު ބާއްވަމާ، 10ދުވަސް ދިނަސް އަރުވާޖަހާފަ ރައްޔިތުންގެމުދާ ވިއްކުން!

– ސައީދު ވިދާޅުވިއެވެ.

ރައްޔިތުންގެ މަޖިލީހުގެ ކޮމަންޑޫ ދާއިރާގެ ބައި އިލެކްޝަނުގައި އެމްޑީޕީގެ ފަރާތުން ވާދަކުރައްވާ މުހައްމަދު ރާޝިދުގެ ކެމްޕެއިން ޖަލްސާގައި މިރޭ ވާހަކަފުޅު ދައްކަވަމުން އުނގޫފާރު ދާއިރާގެ މެމްބަރު މުހައްމަދު ވަހީދު (ވައްޑެ) ވިދާޅުވީ، އިންޑިއާއަކީ ދިވެހިރާއްޖެއަށް އަބަދުވެސް މުހިންމު ބައިވެރިއެއް ކަމަށާއި އިންޑިއާގެ އެހީތެރިކަން ހުރިހާ ދާއިރާއަކުން އަބަދުވެސް ދިވެހިންނަށް ލިބެމުން އަންނަ ކަމަށެވެ.

މިގޮތުން ރާއްޖޭގައި އިންޑިއާގެ ޓީޗަރުން އެންމެ ކުރިއްސުރެ އުނގަންނައިދިނުމުގައި އުޅޭކަން ފާހަގަ ކުރައްވަމުން ވައްޑެ ވިދާޅުވީ، މި ހުރިހާ ދުވަހަކުވެ ސް ތައުލީމީ ނިޒާމް ހިންގީ އިންޑިއާގެ އެހީތެރި ކަމާއެކުގައި ކަމަށެވެ.