މަޖިލީހަށް ބޭނުންވަނީ އިސްލާމީ ޝަރީޢަތް ކިޔަވައިގެން ތިބޭމީހުން، ފަތުޙީއަށް ވޯޓުދެއްވާ: ޝައިޚު ލަތީފް

މަޖިލީހަށް ބޭނުންވަނީ އިސްލާމީ ޝަރީޢަތް ކިޔަވައިގެން ތިބޭމީހުން، ފަތުޙީއަށް ވޯޓުދެއްވާ: ޝައިޚު ލަތީފް

މިއަދު ރައްޔިތުންގެ މަޖިލީހަށް ބޭނުންވަނީ އިސްލާމީ ޝަރީޢަތް ކިޔަވައިގެން ތިބޭ މީހުން ކަމަށާއި، ކޮމަންޑޫ ދާއިރާގެ ބައި-އިލެކްޝަންގައި އެފަދަ ތައުލީމެއް ހުރި، މޫސާ ފަތުހީއަށް ވޯޓު ދެއްވުމަށް ދިނީ އިލްމުވެރިޔާ ޝައިޚު މުހައްމަދު ލަތީފް ގޮވާލައްވައިފިއެވެ.

ކޮމަންޑޫ ދާއިރާގެ ބައި-އިލެކްޝަންގައި ވާދަކުރާ ތިން ކެނޑިޑޭޓުންގެ ތެރެއިން އިސްލާމީ ޝަރީއާއިން ތައުލީމު ހާސިލް ކުރައްވާފައިވާ ހަމައެކަނި ބޭފުޅަކީ ޕީޕީއެމްގެ ކެނޑިޑޭޓް މޫސާ ފަތުޙީއެވެ. ޝައިޚު މުހައްމަދު ލަތީފް ވިދާޅުވީ މުސްލިމުންނަށް ޤާނޫނު ހަދާޏ މަޖިލީހަށް ބޭނުންވަނީ އިސްލާމީ ޝަރީއަތް ކިޔަވައިގެން ތިބޭ މީހުން ކަމަށެވެ. އެކަންކަން ނުދަންނަ ޖާހިލުން މަޖިލީހަށް ހޮވުމަކީ ކޮށްގެންވާނެ ކަމެއްނޫންކަމަށް ޝައިޚު މުހައްމަދު ލަތީފް ވިދާޅުވިއެވެ.

މުސްލިމުންނަށް ޤާނޫނު ހަދާ މަޖިލީހަށް ބޭނުމީ އިސްލާމީ ޝަރީޢަތް ކިޔަވައިގެން ތިބޭ މީހުން. އެކަންކަން ނުދަންނަ ޖާހިލުންނެއް ނޫން. ކޮމަންޑޫ ދާއިރާއަށް ވާދަކުރައްވާ މޫސާ ފަތުޙީ އަކީ އެރޮނގުން މަތީ ތަޢުލީމު ޙާޞިލްކުރައްވަމުން ގެންދަވާ ބޭފުޅެއް. އެންމެން އޭނާއަށް ވޯޓު ދެއްވާ!

– ޝައިޚު މުހައްމަދު ލަތީފް ވިދާޅުވިއެވެ.

ރާއްޖޭގައި ތިއްބެވި ދީނީ އިލްމުވެރިގެ ތެރެއިން ގިނަ ބޭފުޅުން ތާއީދު ކުރައްވާ ކެނޑިޑޭޓަކީ ފަތުހީކަމަށް ދަނީ ހާމަކުރަމުންނެވެ. ވެރިކަން ކުރާ ކޯލިޝަންގައި ހިމެނޭ އަދާލަތު ޕާޓީން އެމްޑީޕީގެ ކެނޑިޑޭޓަށް ތާއީދުކުރަން ނިންމި ނަމަވެސް އެޕާޓީގެވެސް ބައެއް އިލްމުވެރިން ގެންދަވަނީ އެމްޑީޕީގެ ކެނޑިޑޭޓަށް ވޯޓު ނުދެއްވުމަށް ގޮވާލަމުންނެވެ.

ކޮމަންޑޫ ދާއިރާގެ ބައި އިލެކްޝަންގެ ވާދަވެރިކަން ބޮޑުވެފައިވާއިރު، ސަރުކާރު ހިންގާ މައި ޕާޓީ އެމްޑީޕީގެ ކެނޑިޑޭޓަށް މިގޮޑި ކާމިޔާބު ކުރުމަށް ސަރުކާރުން ދަނީ ގިނަ މަސައްކަތްތަކެއް ކުރަނުންނެވެ. އަދި ކޯލިޝަންގައި ހިމެނޭ ޕާޓީތަކުގެ ތެރެއިން އަދަލާތާއި، ޖުމްހޫރީ ޕާޓީގެ ތާއީދުވެސް ވަނީ އެމްޑީޕީގެ ކެނޑިޑޭޓަށް ހޯދާފައެވެ.

ހިޔާލުފާޅު ކުރައްވާ!

One Response

Leave a Reply

Your email address will not be published. Required fields are marked *