މާފުށީ ޖަލުން ޕޮޒިޓިވްވީ ޤައިދީންގެ ޢަދަދު 76އަށް އަރައިފިއެވެ.
މާފުށީ ޖަލުގައި ކޯވިޑް ފެތުރެމުންދާތީ މިހާރު ވަނީ އެ ޖަލު ކުއްލި ހާލަތަށް ގެނެސްފައެވެ. މިއަދު އިރުއޮއްސި 6 ޖެހުމާއި ހަމައަށް މާފުށީ ޖަލުން 76 މީހުން ޕޮޒިޓިވްވެފައެވެ. އަދި 5 ޕްރިޒަން އޮފިސަރުން ޕޮޒިޓިވްވެފައިވެއެވެ. މިހާރު ކަރަންޓީގައި 400އަށް ވުރެ ގިނަ ޤައިދީން ކަރަންޓީން ކޮށްފައިވާއިރު، 3 އޮފިސަރަކުވެސް ވަނީ ކަރަންޓީން ކޮށްފައެވެ.
މާފުށީ ޖަލުން ނެގިފައިވާ ސާމްޕަލް ތަކުގެ އަދާހަމަ #COVID19 pic.twitter.com/kMJyIA8g8z
— Maldives Correctional Service (@CorrectionsMv) January 19, 2022
ރާއްޖޭގެ ކޯވިޑްގެ ހާލަތު ގޯސްވެ، ބައްޔަށް ޕޮޒިޓިވްވާ މީހުންގެ އަދަދުވަނީ ވަރަށް ބޮޑަށް އިތުރުވެފައެވެ. އިއްޔެ އެކަނިވެސް ރާއްޖެއިން 1600އެއްހާ މީހުން ވަނީ ކޯވިޑަށް ޕޮޒިޓިވްވެފައެވެ.
މާފުށީ ޖަލު ޢާންމު ޙާލަތަށް ގެނެވެންދެން ރައްކާތެރިކަމުގެ ފިޔަވަޅެއްގެ ގޮތުން ޤައިދީންނާއި ބަންދު މީހުންނަށް ޢާއިލީ ބައްދަލުވުމާއި ވަކީލް ބައްދަލުވުން އަދި ކޯޓުގެ އަޑުއެހުންތައް ކުރިއަށްގެންދާނީ އޮންލައިންކޮށް ކަމުގައި ކަރެކްޝަނުން މައުލޫމާތު ދީފައިވެއެވެ.
