ކޮމަންޑޫ ދާއިރާގެ މަޖިލިސް އިންތިޚާބުގައި އެދާއިރާއަށް ކުރިމަތި ލައްވާފައި ޕީޕީއެމްގެ ކެނޑިޑޭޓް މޫސާ ފަތުޙީ ނޫން ކެނޑިޑޭޓަކަށް އެދާއިރާގެ ރައްޔިތުންގެ ވޯޓުދޭންވީ އެއްވެސް ސަބަބެއް ނެތްކަމުގައި ޕީޕީއެމްގެ ރައީސް އަބްދުﷲ ޔާމީން ވިދާޅުވެއްޖެއެވެ.
ކޮމަންޑޫ ދާއިރާގެ ކެމްޕެއިންގައި ރައީސް ޔާމީން މިއަދު މަރޮއްޓަށް ވަޑައިގެން މަރޮށި ރައްޔިތުންނާއި މުޙާތަބު ކުރައްވައި ވާހަކަ ދައްކަވަމުން ވިދާޅުވީ، ފާއިތުވެދިޔަ 15 އަހަރު ކޮމަންޑޫ ދާއިރާގެ ގޮޑި އެމްޑީޕީއަށް ރައްޔިތުން ދިންކަމަށެވެ. ނަމަވެސް ނިމިދިޔަ ވެރިކަމުގައި ނޫނީ ކޮމަންޑޫ ދާއިރާގެ ރަށްތަކަށް ތަރައްޤީގެ ކަމެއް ކޮށްދިން ބަޔަކު ނެތްކަމަށެވެ. މަރޮށީގައި ގާއިމްކޮށްފައިވާ ގިނަ ބިނާތައް މިއަދު ވީރާނާވެގެންދާއިރު އެތައްތަނަށް މިސަރުކާރުން އެއްވެސް އަޅާލުމެއް ނުދޭކަމީ ކަންބޮޑުވާ ކަމެއްކަމަށެވެ.
PPM ge candidate Moosa Fathuhy Adam ge campaign ah Raees Yameen Sh Marottah vadaigathun. #tick2#VoteFathuhy#VoteRukah #MeeMageyRaajje#IndiaOut pic.twitter.com/vuecX1naup
— Progressive Party of Maldives (@ProgressPartyMV) January 15, 2022
މި ސަރުކާރަކީ މަރާމާތު ކުރުމަށް އެއްވެސް ވަރަކަށް އަހައްމިއްޔަތުކަމެއް ދޭނެ ސަރުކާރެއް ނޫން. މަރޮށީގެ މުނައްވަރާ ސްކޫލް މަރާމާތު ކޮއްދޭނީވެސް ހަމަ ޕީޕީއެމްގެ ސަރުކާރުން. އެހެން ކަމުން ފަތުހީއަށް ވޯޓު ދެއްވާ!
– ރައީސް ޔާމީން ވިދާޅުވިއެވެ.
ރައީސް ޔާމީން ވިދާޅުވީ ކޮމަންޑޫ ދާއިރާގެ ތަރައްޤީއާއި ގުޅިފައިވަނީ ޕީޕީއެމްގެ ކެނޑިޑޭޓް މޫސާ ފަތުހީއާއި ކަމަށެވެ. ސަރުކާރުން ދާއިރާތަކުގެ ތަރައްޤީއަށް ކޮށްދޭ ކަންކަމަށް ރައްޔިތުން ޝުކުރުވެރިވާންވެސް ޖެހޭކަމަށެވެ. ނަމަވެސް ސަރުކާރުން ވާ ވައުދުތައް ފުއްދުމަށް ކަނޑައެޅޭ މަންދޫބަކީ ރައްޔިތުންގެ ހައްގުގައި ވަކާލާތު ކުރެވޭ ވަރުގެ މީހަކަށް ވާންޖެހޭކަމަށެވެ. އެނޫނީ އެވޯޓު ވެގެންދާނީ ބޭކާރު ވޯޓަކަށް ކަމަށް ރައީސް ޔާމީން ވިދާޅުވިއެވެ.
ޕީޕީއެމް ނޫން އެހެން ކެނޑިޑޭޓަކަށް ވޯޓު ދިނުމަކީ މި ރަށުގައި ހުރި ވޭސްޓް މެނޭޖްމަންޓް ސެންޓަރަށް ކަރުދާސް ކޮޅެއް ވައްޓާލުން ކަހަލަ ކަމެއް.
– ރައީސް ޔާމީން ވިދާޅުވިއެވެ.
ރާއްޖޭގެ މިނިވަންކަމާއި ގުޅިގެން ގިނަ ސުވާލުތަކެއް އުފެދިފައިވާ މިދަނޑިވަޅުގައި، ރައީސް ޔާމީން ވިދާޅުވީ، ރާއްޖޭގެ މިނިވަންކަން ދިފާއު ކުރެއްވުމަށް މަޖިލިސް ތެރެއިންވެސް ގިނަ މަސައްކަތްތަކެއް ކުރަންޖެހޭ ކަމަށެވެ. އެކަން ކުރުމުގައި ފަތުހީނޫން ކެނޑިޑޭޓަކު އިންތިޚާބު ކޮށްފިނަމަ އެކަމާއި ދެކޮޅަށްވެސް ވަކާލާތު ކުރާނެ ބޭފުޅަކު މަޖިލީހުގައި ނުހުންނާނެކަމަށެވެ.
ޕީޕީއެމް ނޫން އެހެން ޕާޓީއެއްގެ ކެނޑިޑޭޓެއް ހޮވައިފި ކަމުގައި ވަނީނަމަ މަޖިލީހުގައި އިންޑިއާއާއި ދެކޮޅަށް އެއްޗެއް ބުނާކަށް ނުކެރޭނެ. އެ ފުރުސަތެއް މި ސަރުކާރަކުންވެސް ނުދޭނެ.
– ރައީސް ޔާމީން ވިދާޅުވިއެވެ.
ކޮމަންޑޫ ދާއިރާގެ ކެމްޕެއިން ވާދަވެރިފައިވާއިރު، މުޅި ސަރުކާރު އޮތީ ކޮމަންޑޫ ދާއިރާގައެވެ. ޚާއްސަކޮށް ހަފްތާ ބަންދުގައި ދައުލަތުގެ ވަޒީރުންނާއި، ނައިބް ރައީސް ފައިސަލް ނަސީމްވެސް ހުންނެވީ އެދާއިރާގައެވެ. މިގޮޑި ނެގުމަށް ސަރުކާރުން ބޮޑެތި މަޝްރޫޢުތަކެއް ކުއްލިއަކަށް އުފަންކޮށް، ފައްޓަވާފައިވާއިރު، މިއީ ސީދާ އިންތިޚާބަށް ނުފޫޒު ފޯރުވުމަށް ހިންގާ ކަންތައްތަކެއްގެ ގޮތުގައި ގިނަ ބަޔަކު ދަނީ ބުނަމުންނެވެ.
