ކޮމަންޑޫ ދާއިރާގެ މަޖިލިސް ކެމްޕެއިންގައި އިދިކޮޅު ކެނޑިޑޭޓު މޫސާ ފަޠުހީ އާދަމްގެ ކެމްޕެއިންގައި ބައިވެރިވެ ވަޑައިގެންނެވުމަށް އިދިކޮޅު ލީޑަރު އަދި ޕީޕީއެމްގެ ރައީސް އަބްދުﷲ ޔާމީން އެދާއިރާގެ މަރޮއްޓަށް ވަޑައިގެންފިއެވެ. ރައީސް ޔާމީން އެރަށަށް ވަޑައިގަތުމުން ވަނީ ހޫނު މަރުޙަބާއެއް ވިދާޅުވެފައެވެ.
ރައީސް ޔާމީން ވަނީ ކޮމަންޑޫ ދާއިރާގެ ބައި އިލެކްޝަނަށް ކެމްޕެއިންކުރެއްވުމަށް ކޮމަންޑުއަށްވެސް ވަޑައިގެންފައެވެ. އެރަށުންވެސް ވަނީ ހޫނު މަރުހަބާއެއް ވިދާޅުވެފައެވެ. ރައީސް ޔާމީން ވަނީ ކޮމަންޑޫއަށްފަހު އިއްޔެ ށ.ފުނަދޫއަށްވެސް ވަޑައިގެން އެރަށުގައި އިންޑިއާ އައުޓް ހަރަކާތް ހިންގަވާފައެވެ.
PPM ge candidate Moosa Fathuhy Adam ge campaign ah Raees Yameen Sh Marottah vadaigathun. #tick2#VoteFathuhy#VoteRukah #MeeMageyRaajje#IndiaOut pic.twitter.com/SWXqrEJlsS
— Progressive Party of Maldives (@ProgressPartyMV) January 15, 2022
މޫސާ ފަތުހީގެ ކެމްޕެއިންގައި ޕީޕީއެމްގެ ލީޑަރޝިޕްގައި ހިމެނި ވަޑައިގަންނަވާ ގިނަ ބޭފުޅުން މިހާރުވެސް ތިއްބެވީ ކޮމަންޑު ދާއިރާގެ ތިން ރަށުގައި ކެމްޕެއިންގައެވެ.
ކޮމަންޑޫ ދާއިރާގެ ކެމްޕެއިން ފޯރިގަދަވެފައިވާއިރު، ސަރުކާރުގެ ކެނޑިޑޭޓާއި، އިދިކޮޅު އެމްޑީޕީގެ ކެނޑިޑޭޓުގެ މެދުގައި ވާދަވެރިކަން ބޮޑުވެ، އެމްޑީޕީއާއި، ޕީޕީއެމްގެ ލީޑަރޝިޕުން ދަނީ މިއިންތިޚާބު ކާމިޔާބް ކުރުމަށް ގިނަ މަސައްކަތްތަކެއް ކުރަމުންނެވެ. އަދި އެމްއެންޕީންވެސް ދަނީ އިންތިޚާބު ކާމިޔާބު ކުރުމަށް ގިނަ މަސައްކަތްތަކެއް ކުރަމުންނެވެ. އިންތިޚާބާއި ދިމާކޮށް، ސަރުކާރުން ގިނަ މަޝްރޫޢުތަކެއް ކޮމަންޑޫ ދާއިރާގައި ކުރުމަށް މަސައްކަތް ކުރަމުންދާއިރު، އެފަދަ ކަންކަން ނުކުރުމަށް އިލެކްޝަން ކޮމިޝަނުންވެސް ވަނީ އިލްތިމާސް ކޮށްފައެވެ.
PPM ge candidate Moosa Fathuhy Adam ge campaign ah Raees Yameen Sh Marottah vadaigathun. #tick2#VoteFathuhy#VoteRukah #MeeMageyRaajje#IndiaOut pic.twitter.com/AqIAmAf9fc
— Progressive Party of Maldives (@ProgressPartyMV) January 15, 2022
އަންނަ ފެބްރުއަރީ މަހުގެ 5 ވަނަދުވަހު އޮންނަ ބައި އިލެކްޝަންގައި 6 ވޯޓް ފޮއްޓެއް ބެހެއްޓުމަށް އިލެކްޝަންސް ކޮމިޝަނުން ވަނީ ނިންމާފައެވެ. މި ފޮށިތަކުގެ ތެރެއިން މާލޭގައި އުޅޭ އެ ދާއިރާގެ ރައްޔިތުން ވޯޓްލާން ޖެހޭ ފޮށި ހުންނާނީ އިންތިހާބާއި ބެހޭ މަރުކަޒު ބާ ޖަމާލުއްދީނުގައެވެ. ކޮމަންޑޫއާއި ފޯކައިދޫ އަދި މަރޮށި ހިމެނޭ މި ދާއިރާގައި 3316 މީހުންނަށް ވޯޓްލުމުގެ ހައްޤު ލިބިގެންވެއެވެ.
