ބިލިއަނުން ޑޮލަރާއި، އިންތިޚާބުގައި ވާދަކުރާނެ ޓިކެޓް ދީފައި ކޮމަންޑޫ ދާއިރާއަށް ވާދަކުރަން ބުނިނަމަވެސް ނުކުރާނެކަމަށް ވިދާޅުވެ ފޭދޫ ދާއިރާގެ މެންބަރު މުޙައްމަދު ނިހާދު އިދކޮޅަށް ފާޑުވިދާޅުވެއްޖެއެވެ.

އެމްޑީޕީގެ ދާއިރާއެއްގެ ގޮތުގައި އެދާއިރާގެ މެންބަރު ޙުސައިން ވަހީދު އަވަހާރަވުމާއި ގުޅިގެން އެދާއިރާގެ ބައި އިލެކްޝަނަށް ހުޅުވާލުމުން އެމްޑީޕީއާއެކު ތިން ޕާޓީއަކުން ވާދަކުރެއެވެ.

ނިހާދު ވިދާޅުވީ ކޮމަންޑޫ ދާއިރާއަށް އެހެން ޕާޓީތަކުން މިފަހަރު ކުރިމަތިލުމަކީ ވަރަށް ލަދުވެތިކަމެއްކަމަށެވެ. އެ ދާއިރާއަށްޓަކައި އަދި އިސްލާހަށް ޤުރުބާންވެވަޑައިގެންނެވި އެދާއިރާގެ ކުރީގެ މެންބަރު މަރްހޫމް ޙުސައިން ވަޙީދުގެ ހައްގުގައިވެސް އެއްވެސް ޚުލްގެއް ހުރިބަޔަކު އެ ދާއިރާއަށް ވާދަކުރުމަށް ނުނިކުންނާނެކަމަށްވެސް ނިހާދު ވިދާޅުވިއެވެ.

އޭނާ ވަނީ ބިލިއަނުން ޑޮލަރާއި، އެ ދާއިރާގެ ޓިކެޓް ދީފައި ވާދަކުރަން ބުނިނަމަވެސް ނުކުރާނެކަމަށް ބުނެ، އިދިކޮޅު ފަރާތްތަކަށް ފާޑުވިދާޅުވެފައެވެ.

Komandoo Dhaairaa ah Ehen party thakun mi faharu kurimathi lumakee varah ladhuvethi kameh! E dhaairaa ah takai + Islaah ah Gurubaan vevadaigennevi MP HussAin ge haggugai ves ehves khulgeh huri bayaku nunikunnaane! Billion $ + ticket dheefa buni namaves alhugandu nunikutheemus!

— Feydhoo Meehaa (Mohamed Nihad) (@nihad_m) January 9, 2022

ކޮމަންޑޫ ދާއިރާގެ ގޮނޑި ހުސްވީ ކުރިން އެދާއިރާގެ މެންބަރުކަންކުރެއްވި ޙުސައިން ވަޙީދު އަވަހާރަވުމާއި ގުޅިގެންނެވެ. ޙުސައިން ވަޙީދު އަވަހާރަވީ ކެންސަރުގެ އާލާސްކަންފުޅުގައެވެ.

ކޮމަންޑޫ ދާއިރާއަށް ތިން ޕާޓީން ވާދަކުރެއެވެ. އެއީ ވެރިކަންކުރާ މައި ޕާޓީ އެމްޑީޕީންނާއި، އިދިކޮޅު ޕީޕީއެމުންނާއި ދާދިފަހުން އުފެދުނު އެމްއެންޕީންނެވެ. އެދާއިރާގެ ގޮނޑިއަށް ވާދަކުރުން ފޯރިގަދަވެ ވާދަވެރިކަން ވަނީ އިތުރުވެފައެވެ. އިންތިޚާބު އޮންނާނީ އަންނަ މަހުގެ 5 ވަނަ ދުވަހުއެވެ.