އިދިކޮޅު ޕްރޮގްރެސިވް ކޯލިޝަނުން "އިންޑިއާ އައުޓް" ހަރަކާތުގައި މިއަދު ހަވީރު ކުރިއަށް ގެންދާ ސުލްހަވެރި އިހުތިޖާޖުގައި މަގުތަކަށް ނިކުތުމަށް ޖާގަނުދީ ފުލުހުން ހުރަސް އަޅައިފިއެވެ.
މިއަދގެ ހަރަކާތަށްވެސް އިދިކޮޅު ޕީޕީއެމްގެ އޮފީސް ހުންނަ ބޮޑު ތަކުރުފާނު މަގުގައި އިންޑިއާ އައުޓް ޓީޝާޓާއި، ބެނާތަކާއިއެކު ގިނަ ބަޔަކު ދަނީ ހަރަކާތްތެރިވަމުންނެވެ. ފުލުހުން ދަނީ އެއްވި މީހުންނަށް މަގުތަކަށް ނުނިކުމެވޭނެހެން އެސަރަހައްދުގައި ބެރިކޭޑްޖަހައި މަގު ބަންދުކޮށްފައެވެ.
Citizens of the Maldives are demanding that the Indian military presence on our soil be removed immediately.#IndiaOut pic.twitter.com/ndAMFqr9Hf
— Progressive Party of Maldives (@ProgressPartyMV) January 7, 2022
މިހަރަކާތުގައި މަޖިލީހުގެ އިދިކޮޅު ބައެއް މެމްބަރުންނާއި، ކައުންސިލް މެމްބަރުންނާއި، ގިނަ އަދަދެއްގެ އާންމު ރައްޔިތުނވެސް ދަނީ ބައިވެރިވަމުންނެވެ. މިހަރަކާތަކީ ސުލްހަވެރި ސިޔާސީ ހަރަކާތެއް ކަމަށް އިދިކޮޅުން ބުނަމުން ދިޔަ ނަމަވެސް ސަރުކާރުން ބުނެފައިވަނީ މިހަރަކާތް ހިންގަން ޖާގަ ނުދޭނެކަމަށެވެ.
އިއްޔެ މާލޭގައި އިިދިކޮޅުން އިންޑިއާ އައުޓާއި ދެކޮޅަށް ބޭއްވި ހަރަކާތުގައި ފުލުހުން ވަނީ އިންޑިއާ އައުޓް އިނގިރޭސި ބަހުން ބޭނުން ކުރާނަމަ، ހަރަކާތް ހުއްޓުވާނެ ކަމަށް ބުނެފައެވެ. އަދި ފުލުހުން ވަނީ ދިވެހި ބަހުން އިންޑިއާ އައުޓް ޖެހުމަށް އަންގާފައިކަމަށް ހީނާ ވަނީ ވިދާޅުވެފައެވެ. ނަމަވެސް ފުލުހުން ބުނެފައިވަނީ އިންޑިއާއައުޓް ޓީޝާޓުގައި މުޒާހަރާ ނުކުރެވޭނެކަމަށް ނުބުނާކަމަށެވެ.
In pictures:
Protest against Indian Military presence in the Maldives.#IndiaOut pic.twitter.com/t3H7Wsg2fK— Progressive Party of Maldives (@ProgressPartyMV) January 7, 2022
ރާއްޖޭގައި ތިބި އިންޑިއާ ސިފައިން ބޭރު ކޮށްލުމަށް ކުރިއަށް ގެންދާ "އިންޑިއާ އައުޓް" ހަރަކާތް ކުރީގެ ރައީސް އަބްދުﷲ ޔާމީން މިނިވަން ވުމާއި އެކީ އިތުރަށް ވަނީ ފުޅާ ކޮށްފައެވެ. އެގޮތުން މި ހަރަކާތް މާލޭގެ އިތުރުން ރާއްޖޭގެ ރަށްތަކުގައި ވެސް ވަނީ ކުރިއަށް ގެންގޮސްފައެވެ.
އިންޑިއާގެ އައުޓް ހަރަކާތުގައި ބައިވެރިވި ބައެއް މީހުން ހައްޔަރު ކޮށްފައިވާއިރު، މިއަދުވެސް މާލޭގައި އިންޑިއާ އައުޓްގެ ނަމުގައި ބޮޑު ހަރަކާތެއް ބޭއްވުމަށް ވަނީ ނިންމާފައެވެ.
