އަންނަ މަހުގެ ފަސްވަނަ ދުވަހު ބޭއްވުމަށް ހަމަޖެހިފައިވާ ކޮމަންޑު ދާއިރާގެ ބައި އިލެކްޝަންގައި އިދިކޮޅު ޕީޕީއެމުން ވާދަކުރާ ކެނޑިޑޭޓް މޫސާ ފަހުތީ ކޮމަންޑޫއަށް ވަޑައިގަތުން، އޭނާއަށް އަރަށުން އޮތް ތާއީދު ދައްކާލައިފިއެވެ.
މޫސާފަތުހީއާއި، ޕީޕީއެމްގެ ލީޑަރޝިޕްގެ ބައެއް ބޭފުޅުންނާއިއެކު ކުރި މިދަތުރުގައި، ކޮމަންޑޫގެ ގިނަ އަދަދެއްގެ ބަޔަކު ވަނީ ބަނދަރު މައްޗަށްނިކުމެ އޭނާއަށް މަރުހަބާ ދަންނަވާފައެވެ. ކޮމަންޑޫއަކީ ފަތުހީ ނިސްބަތްވާ ރަށެވެ. ޕީޕީއެމްއަށް ބޮޑު ތާއީދެއް އޮންނަ، ކޮމަންޑޫއިން ފަތުހީއަށް ލިބިގެންދިޔަ ބޮޑު ތަރުހީބާއިއެކު، މިއިންތިޚާބުގައި ވާދަކުރާ އަނެއް ދެކެނޑިޑޭޓުންގެ ކެމްޕެއިން ހަރަކާތްތައްވެސް ގެންދަނީ އިތުރަށް ފުޅާކުރަމުންނެވެ.
PPM ge candidate Moosa Fathuhy Adam adhi campaign team dhaairaage 3 rashah Kuravva Dhathuru ge thereyn Sh Komandoo Ah vadaigathumun dhenevy v hoonu marhabaa eh. 2✅#tick2#VoteFathuhy#VoteRukah #MeeMageyRaajje#IndiaOut pic.twitter.com/ZLcjuZBRny
— Progressive Party of Maldives (@ProgressPartyMV) January 6, 2022
ފަތުހީގެ ޓީމުން ރޭވަނީ ކޮމަންޑޫގެ ކެޕްއިން ޓީމާއި ބައްދަލުކޮށް، މަސައްކަތް ކުރިއަށް ދާގޮތް އޮޅުންފިލުވާފައެވެ. އަދި މިކެމްޕެއިންގައި ޕީޕީއެމްގެ ރައީސް އަބްދުﷲ ޔާމީން އަންނަ ހުކުރު ދުވަހު، ކޮމަންޑޫ ދާއިރާއަށް ވަޑައިގަތުމަށް ހަމަޖެހިފައިވަތީ އެކަމުގެ އިންތިޒާމުތައްވެސް ކުރުމާއި ގުޅޭގޮތުން ވަނީ މަޝްވަރާކޮށްފައެވެ.
ޕީޕީއެމްގެ ކެނޑިޑޭޓުގެ ކެމްޕެއިން ހަރަކާތްތައް ބާރަށް ކުރިއަށްދާއިރު ރޭވަނީ އެމްއެންޕީގެ ކެނޑިޑޭޓް ހަންނާނުގެ ކެޕްއިންޖަލްސާއެއް ކޮމަންޑޫގައި ބާއްވާފައެވެ. އަދި މިރޭ ވެރިކަން ކުރާ މައި ޕާޓީ އެމްޑީޕީގެ ކެނޑިޑޭޓްގެ ކެމްޕެއިން ލޯންޗުކުރުން ބޭއްވުމަށް ވަނީ ހަމަޖެހިފައެވެ. މިހަރަކާތުގައި ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ބައިވެރިވެ ވަޑައިގަތުމަށް ވަނީ ހަމަޖެހިފައެވެ.
Raeesul Jumhooriyya Ibrahim Mohamed Solih baiverive vadainnavaa,
Rayyithunge Majlis #KomandooDhaairaa bi-election MDP Candidate @Rashid141221 ge Campaign launching Jalsa furaavadhaigathun.#HappeningNow pic.twitter.com/cmc9C4zTBM
— ???????????? (@Simwarr) January 7, 2022
ކޮމަންޑޫ ދާއިރާގެ ގޮނޑީގެ ވާދަވެރިކަން ބޮޑުވެފައިވާއިރު ކުރިން އެ ދާއިރާ ތަމްސީލުކުރެއްވި ޙުސެއިން ވަހީދު އެ ގޮނޑި ކާމިޔާބުކުރެއްވީ 332 ވޯޓްގެ ތަފާތަކުންނެވެ. އެފަހަރު އޭނާއާއި އެންމެ ވާދަކުރީ ޕީއެންސީގެ ކެންޑިޑޭޓް އިބްރާހިމް ރަޝީދެވެ.
އަންނަ ފެބްރުއަރީ މަހުގެ 5 ވަނަދުވަހު އޮންނަ ބައި އިލެކްޝަންގައި 6 ވޯޓް ފޮއްޓެއް ބެހެއްޓުމަށް އިލެކްޝަންސް ކޮމިޝަނުން ވަނީ ނިންމާފައެވެ. މި ފޮށިތަކުގެ ތެރެއިން މާލޭގައި އުޅޭ އެ ދާއިރާގެ ރައްޔިތުން ވޯޓްލާން ޖެހޭ ފޮށި ހުންނާނީ އިންތިހާބާއި ބެހޭ މަރުކަޒު ބާ ޖަމާލުއްދީނުގައެވެ.
ކޮމަންޑޫއާއި ފޯކައިދޫ އަދި މަރޮށި ހިމެނޭ މި ދާއިރާގައި 3316 މީހުންނަށް ވޯޓްލުމުގެ ހައްޤު ލިބިގެންވެއެވެ.
