ބޮލީވުޑްގެ މަޝްހޫރު ލަވަ ކިއުންތެރިއާ ނޭހާ ކައްކަރު ފަލަވާކަމަށް ބުނެ ސޯޝަލް މީޑިއާގައި އެތަށް ބައެއްގެ މަލާމާތް ރައްދުވެއްޖެއެވެ.
2020 ގައި ރޯހަން ޕްރީތް ސިންގް އާއި ކައިވެނި ކުރިފަހުން ނޭހާގެ ހަށިގަނޑަށް ވަރަށް ބޮޑަށް ވަނީ ބަދަލުއައިސްފައެވެ.
ގިނަ ބަޔަކު ހީކުރީ ކައިވެންޏަށްފަހު ނޭހާ ފަލަވުމުން އޭނާ ބަނޑުބޮޑުކަމަށެވެ. އެ ސުވާލު ސޯޝަލް މީޑިއާގެ އެތައް ޕްލެޓްފޯމެއްގައި ނޭހާ އާއި ކުރިމަތިވިއެވެ.
ނަމަވެސް ނޭހާ އާއި ރޯހަން ވަނީ އެ ވާހަކަތަކުގެ އެއްވެސް ހަގީގަތެއް ނެތް ކަމަށް ބުނެ ވީޑީއޯއެއްގެ ޒަރިއްޔާއިން ފޭނުންނަށް ޖަވާބުދީފައެވެ.
ވީޑިއޯގައި ނޭހާ ބުނީ އޭނާ ބަނޑުބޮޑު ނޫން ކަމަށާއި ކައިވެންޏަށް ފަހު ތަންކޮޅެއް ބޮޑަށް ބަނޑުގައި މަސްޖަހައި ފަލަވި ކަމަށެވެ. އަދި ހިކެން ބޭނުން ކަމަށް އޭނާ މި ވީޑިއޯގައި ބުނެފަވެއެވެ.
View this post on Instagram
ދާދިފަހުން ނޭހާ އާއި ރޯހަން އެކުގައި ވަނީ އެއާޕޯޓުން ފެނިގެން ގޮސްފައެވެ. ގޯއާގައި އޮތް ކޮންސެޓެއްގައި ލަވަކިޔުމަށްފަހު ނޭހާ އެނބުރި އައިސް މުމްބާއީ އެއާޕޯޓަށް ފޭބި ތަނުން ނަގާފައިވާ ފޮޓޯތަކެއް ސޯޝަލް މީޑިއާގައި ދައުރުވަމުން ދާއިރު އެފޮޓޯތަކުން ނޭހާ ވަރަށް ފަލަކަމަށް ބުނެ ބައެއް މީހުން ވަނީ އޭނާ ސިފަ ގެއްލޭވަރަށް ފަލަވެފައި ވާކަމަށް ބުނެފައެވެ. އަދި ބައެއް މީހުން ބުނެފައިވަނީ ފަލަކަމުން އޭނާ މިހާރު ވައްތަރީ ކޮމޭޑީއަން ބާރްތީއާ ކަމަށެވެ.
ނޭހާއަކީ އިންޑިއާގެ އެންމެ މަޝްހޫރު އެއް އަންހެން ލަވަކިއުން ތެރިއާއެވެ. އޭނާ ވަނީ މަޝްހޫރު ލަވަތަކެއް ކިޔައި ބޭލުންތެރިންގެ ލޯބި ހޯދާފައެވެ.
