ވަރަށް ފޯރީގައި ޕްރޮމޯޓް ކުރަމުން އަންނަ ފިލްމު "އާރްއާރްއާރް" އަންނަ ޖަނަވަރީ މަހުގެ 7 ވަނަ ދުވަހު ސިނަމާތަކަށް ގެނާނެކަން ފިލްމުގެ ޕްރޮޑަކްޝަން ޓީމުން ކަށަވަރު ކޮށްދީފިއެވެ.
މި ފިލްމަކީ ސައުތުގެ މަޝްހޫރު ސުޕަރސްޓާރުން ކަމުގައިވާ އެންޓީއާރް ޖޫނިއާ އާއި ރާމް ޗަރަން ލީޑުން ފެނިގެންދާ ފިލްމެކެވެ. މީގެ އިތުރުން ފިލްމްގެ ބަތަލާއަކީ ބޮލީވުޑްގެ މަޝްހޫރު ތަރި އާލިއާ ބަޓެވެ. މިއީ އާލިއާ މި އެކްޓަރުންނާއި އެކު މަސައްކަތް ކުރާ ފުރަތަމަ ފިލްމެވެ.
RAM & BHEEM…. ???????? #RRRonJan7th #RRRMovie pic.twitter.com/9tlcLYqnTr
— RRR Movie (@RRRMovie) December 28, 2021
ވަރަށް ފޯރީގައި ފިލްމްގެ ތަރިން އަންނީ ފިލްމު ޕްރޮމޯޓް ކުރުމުގެ މަސައްކަތް ކުރަމުންނެވެ. މި ފިލްމަކީ މި އަހަރު އެޅުވުމަށް ކުރިން ތާވަލް ކުރި ފިލްމެއް ކަމުގައިވިޔަސް ފިލްމު އެޅުވުން ލަސްވެގެން ގޮސްފައިވަނީ ކޯވިޑްގެ ސަބަބުންނެވެ. ޑިސެމްބަރު 31 ގައި ފިލްމް އެޅުވުމަށް ވެސް ތާވަލް ކުރުމަށްފަހު އަނެއްކާވެސް ފިލްމު ރިލީޒް ކުރުން ލަސްކޮށްލީއެވެ.
އަދި ކޯވިޑްގެ އޮމިކްރޯން ވޭރިއަޓުގެ ސަބަބުން އިތުރަށް ފިލްްމު ލަސްވެދާނެ ކަމަށް ހީކުރެވުނު ނަމަވެސް ފިލްމު ޖެނުއަރީ 7 ގައި ރިލީޒް ކުރާނެކަމަށް މިހާރު ވަނީ ކަށަވަރު ވެފައެވެ.
ސައުތުގެ ވަރުގަދަ، މޮޅެތި ފިލްމް ތަކެއް ޑައިރެކްޓް ކޮށްފައިވާ އެސްއެސް ރާޖަ މޯލީގެ މި ފިލްމަކީ އިންޑިއާގެ ގިނަ ބަސްތަކަކުން ނެރުމަށް ހަމަޖެހިފައިވާ ފިލްމެކެވެ.
