ދެކުނު އެފްރިކާގެ ނަސްލީ އިމްތިޔާޒާ ދެކޮޅަށް ކުރެވުނު ސިޔާސީ މަސައްކަތުގެ އެންމެ ކުރީގައި ހުންނެވި އެއް ލީޑަރު، އަދި ދެކުނު އެފްރިކާގެ އެއް ބާނީގެ ގޮތުގައި ސިފަ ކުރެވޭ ޑެސްމޮންޑް ޓުޓު އުމުރުން 90 އަހަރުގައި ނިޔާ ވެއްޖެ ކަމަށް، ދެކުނު އެފްރިކާގެ ރައީސް ސިރިލް ރަމަފޯސާ ވިދާޅު ވެއްޖެއެވެ.
"އާކިބިޝޮޕް އެމެރިޓަސް ޑެސްމޮންޑް ޓުޓު ވަކިވެގެން ދިއުމަކީ، ދެކުނު އެފްރިކާ މިނިވަން ކުރުމަށް ގުރުބާންވީ ޖީލުގެ ހިތްވަރުގަދަ ބަތަލުންނަށް އަލްވަދާއި ކިއުމުގައި ދެކުނު އެފްރިކާއިން ދައްކަމުންދާ ހިވްވަރުގެ އާ ސަފުހާއަކަށް އަނެއްކާވެސް އަލްދާޢުކިޔާ ކިޔުމެއް،" ދެކުނު އެފްރިކާގެ ރައީސް ނެރުއްވި ބަޔާނެއްގައި ވިދާޅުވެފައިވެއެވެ.
ދެކުނު އެފްރިކާގައި އޮތް، ބައިމަދު ދޮން މީހުންގެ ވެރިކަމާ ދެކޮޅަށް، ހިތްވަރުގަދަ އެކްޓިވިސްޓެއްގެ ގޮތުގައި ޓުޓު ކުރައްވާފައިާ ސުލްހަވެރި ސިޔާސީ މަސައްކަތަކަށް 1984ވަނަ އަހަރު އޭނާއަށް ނޯބެލް ސުލްހައިގެ އިނާމް ލިބިލައްވާފައި ވެއެވެ.
ދެކުނު އެފްރިކާގައި އޮތް، ބައިމަދު، ނަސްލީ އިމްތިޔާޒު ދަމަހައްޓަމުން އައި، ބައިމަދު، ދޮންމީހުންގެ ސަރުކާރު ބަދަލު ވެގެން ދިއުމަށްފަހުވެސް ޓުޓު ގެންދެވީ އެގައުމުގައި އޮތް ބޭއިންސާފާ މެދު އޭގެ ފަހުން އައިސްފައިވާ ސަރުކާރުތަކާއި ދެކޮޅަށް ފާދު ވިދާޅުވަމުން ގެންދަވާފައެވެ.
