ހުސްވެފައިވާ ކޮމަންޑޫ ދާއިރާގެ ގޮޑިއަށް އެމްއެންޕީގެ ޓިކެޓްގައި ވާދަކުރައްވާ ށ. ކޮމަންޑޫ އަބުދުލް ހަންނާނު އިދުރީސްއަކީ ޖީލެއް ބިނާ ކުރެއްވި ބޭއްފުޅެއްކަމުގައި އެމްއެންޕީގެ ރައީސް، ދަނގެތީ ދާއިރާގެ މެމްބަރު، ކާނަލް ރިޓަޔަރޑް މުހައްމަދު ނާޒިމް ވިދާޅުވެއްޖެއެވެ.

ކުރިޔަށް އޮތް ކޮމަންޑޫ ދާއިރާގެ ބައި އިލެކްޝަންގައި އެމްއެންޕީގެ ޓިކެޓްގައި އެދާއިރާއަށް ވާދަކުރައްވާ ހަންނާނަށް އެޕާޓީގެ ޓިކެޓް ރަސްމީކޮށް ހަވާލުކުރުމަށް ބޭއްވުނު ޖަލްސާގައި ވާހަކަ ދައްކަވަމުން، ނާޒިމް ވިދާޅުވީ އަބުދުލް ހަންނާނަކީ ވަރަށް ހިތްހެޔޮ، މީހުންނާ ދޭތެރެ އަޅާޅުމުގެ ސިފަތައް ހުރި، އަދި ގިނަ ބަޔަކާއެކީ މަސައކްތް ކުރެއްވޭނެ ބޭފުޅެއް ކަމުގައެވެ.

ކޮމަންޑޫ ދާއިރާގެ އިއްޒަތްތެރި ބޭފުޅުންނަށް ދަންނަވާނީ މިއަދު ލިބިވަޑައިގަންނަވަނީ ރަން މަލެއް ފަދަ ބޭފުޅެކޭ. ތަޖުރިރާބުހުރި އިޚްލާސްތެރި މަސައްކަތްތަކެއް ކުރެއްވި ބޭފުޅެއް ކަމުގަ.

އެމްއެންޕީގެ ޓިކެޓްގައި ކޮމަންޑޫ ދާއިރާގެ ބައި އެލެކްޝަންގައި ވާދައްކުރައްވާ ހަންނާންގެ ތައާރަފެއް ދެއްވަމުން މިޖަލްސާގައި ނާޒިމް ވިދާޅުުވެފައިވެއެވެ.

މި ޖަލްސާގައި ވާހަކަ ދައްކަވަމުން ނާޒިމް ވިދާޅުވީ، އޭނާއަށް އެންމެ ފުރަތަމަ ހައްނާނާއި ބައްދަލުވެ ވަޑައިގަތީ، އެމްއެންޕީ އުފެއްފުމުގެ މަސައްކަތުގައި އުޅުއްވަނިކޮށް، ހަންނާން އަމިއްލަފުޅަށް ޕާޓީގެ އޮފީހަށް ވަޑައިގެންނެވުމުން ކަމުގައެވެ. އަދި ޕާޓީގެ އޮފީހަށް ވަޑައިގެން، އޭނާއަކީ އަބަދުވެސް ގައައުމަށް ޚިދމަތް ކުރުމުގެ ޝައުގުވެރިކަން ހުންނަ ބޭފުޅެއް ކަމުގައި ވިދާޅުވި ކަމަށާއި، އެމްއެންޕީއަށް ހަންނާން ގުޅިވަޑައިގެންނެވީ އެބޭނުންފުޅުގައި ކަމަށެވެ.

ނާޒިމް ވިދާޅުވި ގޮތުގައި، ރައްޔިތުންގެ މަޖިލީހުގައި މަސްކަތް ކުރާ މެމްބަރަކީ ތައުލީމީ ގޮތުން ގާބިލް، ކިޔޭ ނުކިޔޭ އެއްޗެއް އިގޭ ބޭފަޅުންނަށް ވާންޖެހޭނެ ކަމަށާއި، ހަންނާނަކީ މިސިފަތައް އޭނާގެ ކިބައިގައި ހުރި ބޭފުޅެއް ކަމުގައެވެ. އަދި ހަންނާނަކީ ކޮމަންޑޫއަށް ނިސްބަތްވާ ބޭފުޅަކަށް ވިނަމަވެސް، އޭނާއަކީ މަރޮށީގެ ވަރަށް ގިނަ ބޭފުޅުންނާއި، އަދި ފޯކާިއދޫގެ ވަރަށް ގިނަ ބަޔާކާވެސް ގާތްގުޅުމެއް ބާއްވާ ބޭފުޅެއް ކަމުގައެވެ. އަދި އޭނާގެ ދަރިވަރުން ހުރިހާ ރަށެއްގައިވެސް ތިބިކަމަށް ނާޒިމް ވިދާޅުވިއެެވެ.

ނާޒިމް ވިދާޅުވީ ހަންނާން ވެވަޑައިގަންނަވާނީ، އެދާއިރާގެ މެމްބަރުކަން ކުރެއްވި މަރުހޫމް ހުސެއިން ވަހީދުގެ މަސްކަތް ނަމޫނާއަކަށް ބައްލަވައިގެން ކުރިޔަށް ވަޑަިގަންނަވާނޭ ބޭފުޅެއް ކަމުގައެވެ.

މިޖަލްސާގައި އެމްއެންޕީގެ ޓިކެޓުގައި ވާދަކުރައްވާ ހަންނާންގެ އާއިލާގެ ބޭފުޅުންވެސް ބައިވެރިފައި ވެއެވެ. އަދި ކޮމަންޫު ދާއިރާގެ މެމްބަރުކަން ކުރެއްވި ހުސެއިން ވަހީދުގެ ހަދާނުގައި މި ޖަލްސާގައި ހަމަހިމޭންކަމުގެ ސުކޫތެއް ގެނެސްފައި ވެއެވެ.