ސައުދީ އަރަބިއާގައި، ކޯވިޑް19ގެ ދެވަނަ ޑޯޒް ޖެހުމަށްފަހު، 3 މަސްފަހުން ބޫސްޓަރ ޑޯޒް، ނުވަތަ 3ވަނަ ޑޯޒް އެގައުމުގައި ދިރިއުޅޭ ހުރިހާ އެންމެންނަށްވެސް ޖެހޭނެ އިންތިޒާމް މިހާރު ހަމަޖެހިފައިވާ ކަމަށް، ސައުދީ އަރަބިއާގެ ހެލްތު މިނިސްޓްރީން ހޯމަ ދުވަހު ހާމޮކޮށްފިއެވެ.
އޮމިކްރޮން ވޭރިއެންޓްގެ ސަބަބުން ކޯވިޑް ކޭސްތައް އާދަޔާ ޚިލާފަށް މަތިވަމުން ދާން ފަށާފައި ވުމާއި ގުޅިގެން، މި ހަފްތާގައި ސައުދީ އަރަބިއާގެ ބަޕްލިކް ހެލްތު އޮތޯރިޓީންވަނީ، އެގައުމުގެ ރައްޔިތުންނާއި އަދި ދިރިއުޅޭ އެންމެންވެސް ކޮންމެހެން ބޭނުންވާ ހާލަތެއްގައި މެނުވީ ގައުމުން ބޭރަށް ދަތުރު ނުކުރުމަށް އިލްތިމާސް ކޮށްފައެވެ.
"މިހާރު ފެނިފައިވާ އޮމިކްރޮން ވޭރިއެންޓުގެ ސަބަބުންނާއި، އަދި ކޯވިޑް ކޭސްތައް އާދަޔާ ޚިލާފަށް މަތިވަމުންދާ ދިއުމާއި ގުޅިގެން، އަދި ބައެއް ގައުމުތަކުގައި ކޯވިޑް ފެތުރެމުންދާ ނިސްބަތް އާދަޔާ ޚިލާފަށް މަތިވެފައި ވުމުގެ ސަބަބުން، ގައުމުން ބޭރަށް ދަތުރު ނުކުރުމަށް، އަދި ވަކީން ޚާއްސަކޮށް، ހައި ރިސްކު އެއްވެސް ގައުމަކަށް ދަތުރު ނުކުރުމަށް ޕްބްލިކް ހެލްތު އޮތޯރިޓީން ވަނީ އިލްތިމާސް ކޮށްފަ،" ސައުދީގެ ރަސްމީ ޕްރެސް އޭޖެންސީ (SPA)އިން ރިޕޯޓު ކޮށްފައި ވެއެވެ.
ސައުދީ ޕްރެސް އޭޖެންސީ (SPA) އިން ހާމަ ކޮށްފައިވާ ގޮތުގައި، އަންނަ އަހަރުގެ ފެބްރުއަރީމަހުގެ 1 ވަނަ ދުވަހުން ފެށިގެން އިވެންޓްތަކަށް ދިއުމާއި އަދި އާންމު ދަތުރުފަތުރުގެ ބޭނުން ކުރެވޭނީ ބޫސްޓަރ ޑޯޒް ޖަހާފައިވާ ފަރާތްތަކަށް އެކަންޏެވެ.
ދެވަނަ ޑޯޒް ޖެހުމަށްފަހު 3 ވަނަ ޑޯޒް ނުވަތަ ބޫސްޓަރ ޑޯޒް ނުހަޖާތާ 8 މަސް ފާއިތުވެގެން ދިއުމަށްފަހު، ސައުދީ އަރަބިއާގައި ކޮންޓެކް ޓްރޭސިންއަށް ބޭނުންކުރާ ތަވައްކަލްނާ އެޕްލިކޭޝަންގައި އެމީހަކު ފާހަގަ ވެގެންދާނީ ބައްޔަށް ރައްކާތެރިކަމެއް ނެތް މީހެއްގެ ގޮތުގައެވެ.
