ބޮލީވުޑުގައި މިހާރު އެންމެ ނަންވިދާ "އައިޓަމް ގާލް" ނޯރާ ފަތޭހީ އާއި ލަވަ ކިޔުންތެރިއާ ގުރޫ ރަންދާވާ ލޯބީގެ ގޮތުން ގުޅިގެން އުޅޭކަމުގެ އަޑުތައް ފެތުރިއްޖެއެވެ.
ނޯރާއަކީ މޮރޮކޯ ދަރިކޮޅުގެ، ކެނެޑާއަށް ނިސްބަތްވާ ނެށުންތެރިއެކެވެ. ނަމަވެސް އޭނާ އެތައް ބައެއްގެ މަގުބޫލުކަން ހޯދާފައި ވަނީ ބޮލީވުޑްގައެވެ. ނޯރާ އެންމެ ވިދާލާފައިވަނީ "ދިލްބަރް" އަދި "ގަރްމީ" ފަދަ ލަވަތަކުންނެވެ. އެއަށް ފަހު އޭނާގެ ލަވަ އަކަށް ފަހު ލަވައެއް ހިޓްވެ އާންމުންގެ މެދުގައި އޭނާ މަގުބޫލުވެ ބޮލީވުޑްގެ އެންމެ ޑިމާންޑުބޮޑު ނެށުން ތެރިއަކަށް ނޯރާ ވެގެންދިޔައެވެ.
ނޯރާ އާއި ގުރޫގެ ވާހަކަ ދެކެވެން ފެށީ މި ދެތަރިން އެކުގައި ގޯއާގެ ބީޗް ގައި ނަގާފައިވާ ފޮޓޯތަކެއް ވައިރަލް ވުމާއެކުގައެވެ. ބެލެވޭ ގޮތުގައި މިއީ މި ދެމީހުން ގޯއާގައި ޗުއްޓީ ހޭދަކުރަނިކޮށް އެމީހުންނަށް ނޭނގި ނަގާފައިވާ ފޮޓޯ ތަކެކެވެ. މި ދެމީހުން ވަނީ މީގެ ކުރިން އެކުގައި ލަވައަކުން ފެނިފައެވެ. އެއީ މިދިޔަ އަހަރު ނެރުނު "ނާޗް މެރީ ރާނީ" އެވެ.
View this post on Instagram
ނޯރާގެ މަގުބޫލު ލަވަ ތަކުގެ ތެރޭގައި "ދިލްބަރް"، "ގަރްމީ"، "އޮ ސާކީ" އަދި "ކުސޫ ކުސޫ" ފަދަ ލަވަތައް ހިމެނެއެވެ. ނޯރާ އާއި ގުރޫ އެކުގައި ފޮޓޯ ތަކުން ފެނިގެން ދިޔައިރު އެމީހުން ގޯއާއަށް ގޮސްފައިވަނީވެސް ޕްރޮފެޝަނަލް މަސައްކަތެއްގައި ކަމަށް މައުލޫމާތު ލިބެއެވެ.
ލަވަކިއުންތެރިޔާ ގުރޫ އަންނަނީ ބޮލީވުޑުން އޭނާގެ އެކްޓިންގ ކެރިއާ ފެށުމަށް ތައްޔާރު ވަމުންނެވެ.
