ރ.ދުވާފަރު މަގުހެދުމުގެ މަޝްރޫޢު (ދެވަނަ ފިޔަވަހި) ގެ ދަށުން، އޭބީސީ އަޅަން ބޭނުންވާ މެޓީރިއަލްސް ޕްރޮޖެކްޓު ސައިޓަށް ގެންގޮސްފިއެވެ.
ރ.ދުވާފަރުގެ މަގު ހެދުމުގެ މަސައްކަތް ކުރިއަށްދަނީ 2 ފިޔަވައްސަކަށް ބަހާލައިގެންނެވެ. ޕްލޭނިންގ މިނިސްޓްރީއިން މި މަސައްކަތް ކުރިއަށްގެންދިއުމަށް ހަވާލުކޮށްފައިވަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ އެމްޓީސީސީއާއެވެ. މިރަށުގެ މަގު ހެދުމުގެ މަސައްކަތުގެ ފުރަތަމަ ފިޔަވަހީގެ މަސައްކަތް ނިމުމަކާއި ގާތްވެފައިވާއިރު، ދެވަނަ ފިޔަވަހީގައި ތަރައްގީކުރާ މަގުތައްވެސް ހެދުމަށް ހަމަޖެހިފައިވަނީ ތާރު އަޅައިގެން ޒަމާނީ ފެންވަރަށެވެ.
ރ. ދުވާފަރު މަގުހެދުމުގެ މަޝްރޫޢު (ދެވަނަ ފިޔަވަހި) ގެ ދަށުން، އޭބީސީ އަޅަން ބޭނުންވާ މެޓީރިއަލްސް މިހާރުވަނީ ޕްރޮޖެކްޓް ސައިޓަށް ގެންދެވިފައި. އަދި ފެންހިންދާ ނިޒާމު ޤާއިމުކުރުމުގެ މަސައްކަތުގެ 57 ޕަސެންޓް ވަނީ ނިމިފައި.#MTCCProjects #RayyithungeKunfuni pic.twitter.com/06aPvIY5bM
— MTCC Plc (@MTCCPlc) December 13, 2021
ދެވަނަ ފިޔަވަހީގައި ރަށުގެ މައި 7މަގުގައި ތާރުއަޅާނެވެ. މި މަޝްރޫޢުގެ ދަށުން، 17790 އަކަ މީޓަރުގެ ދުއްވާ ސަރަޙައްދެއް ޤާއިމުކުރުމާއި، 4960 އަކަ މީޓަރުގެ ހިނގާ ސަރަޙައްދެއް ޤާއިމުކުރުމާއި، ފެންހިންދާ ނިޒާމެއް ޤާއިމުކުރުމާއި، މަގުބައްތި ހަރުކުރުމުގެ މަސައްކަތް ހިމެނެއެވެ.
މި މަޝްރޫޢަކީ 37.8 މިލިއަން ރުފިޔާގެ މަޝްރޫޢެއް. މީގެ އިތުރުން އެރަށުގެ ފެންހިންދާ ނިޒާމު ޤާއިމުކުރުމުގެ މަސައްކަތުގެ 57 ޕަސެންޓްގެ މަސައްކަތްވެސް މިހާރު ވަނީ ނިމިފައެވެ.
ކޮމެންޓު ފޮނުވާ