މޫސުން ގޯސްވުމާއި ގުޅިގެން އިދިކޮޅު ކޯލިޝަންގެ ޒުވާނުންގެ ގޮފިން އިސްނަގައިގެން މިއަދު ބޭއްވުމަށް މަސައްކަތް ކުރި ސައިކަލު ބުރު ފަސްކޮށްފިއެވެ.
ރާއްޖޭގެ މޫސުން ގޯސްވާނެ ކަމަށް ލަފާ ކުރެވޭތީ މޫސުމާ ބެހޭ ގައުމީ އިދާރާ އިން ބޮޑު ސަރަހައްދަކަށް ހުދު ސަމާލު ވަނީ ނެރެފައެވެ. މިއަދު ހެދުނުން ފެށިގެން މާލެއަށް ދަނީ ބޯކޮށް ވާރޭ ވެހެމުންނެވެ. މޫސުން ތަން ނުދޭތީ މިއަދުގެ ސައިކަލު ބުރު އެހެން ދުވަހަށް ފަސްކޮށްފައިވާކަމަށް ޕީޕިއެމްއިން ވަނީ ބުނެފައެވެ.
މިއަދު ބޭއްވުމަށް މަސައްކަތްކުރި ސައިކަލު ބުރަކީ ރާއްޖޭގައި ތިބި އިންޑިއާ ސިފައިން ބޭލުމަށް ގޮވާލުމަށާއި، ދިވެހި ޒުވާނުން ރާއްޖޭގައި އިންޑިޔާގެ މިލިޓަރީ ސިފައިން ތިބުމާއި ދެކޮޅަށް ބޭއްވޭ ބޮޑު ހަރަކަތެއްކަމަށް ޒުވާނުންވަނީބުނެފައވެެ. މީގެ ކުރިންވެސް ޕީޕީއެމްއިން ވަނީ މާލޭގައި ސައިކަލު ބުރުތަކެއްބާވާފައެވެ. މިސައިކަލު ބުރުގައި ގިނަ އަދަދެއްގެ ބަޔަކު ބައިވެރިވެ، ވަނީ އަޑުއުފުލާފައެވެ.
މިސައިކަލު ބުރަކީ ދިވެހި ޒުވާނުންގެ ރައީސް ރައީސް އަބްދުﷲ ޔާމީން މިނިވަން ވުމާއިގުޅުވައިގެން އެކަމުގެ އުފާވެސް ފާޅު ކުރެވިގެންދާނެ ސައިކަލު ބުރެއްކަމަށް ޒުވާނުންގެ ގޮފިން ވަނީ ބުނެފައެވެ. ރައީސް ޔާމީން މިނިވަން ވުމާއި ގުޅިގެން މިހާތަނަށް މާލޭގައި ވަނީ ބޮޑު ދެޖަލްސާ ބާއްވާފައެވެ. މިޖަލްސާތަކުގައި ގިނަ އަދަދެއްގެ ބަޔަކު ވަނީ ބައިވެރިވެފައެވެ.
ރައީސް ޔާމީން މިނިވަން ވުމަށްފަހު އަތޮޅު ތެރޭގެ ރަށްތަކަށް ކުރައްވާ ދަތުރުފުޅުތައް މިހަފްތާގައި ފެށުމަށް ވަނީ ހަމަޖެހިފައެވެ. ދަތުރުތައް ފެށުމަށް ހަމަ ޖެހިފައިވަނީ ކ.އަތޮޅުންކަމަށް ޕީޕީއެމްއިން ވަނީ ބުނެފައެވެ.
