މާލޭގައި ޓެކްސީތައް ދަތުރުކުރުން މިހާރު ހުއްތާލާފައިވާކަމަށް ވިދާޅުވެ މާލެ ސިޓީގެ ކުރީގެ މޭޔަރު ސިފާ މުޙައްމަދު ކަންބޮޑުވުން ފާޅުކުރައްވައިފިއެވެ.

ހުޅުމާލޭ ދެވަނަ ފިޔަވަހީގައި މީހުން އާބާދުވެ ގިނަ ޢާއިލާތަކެއް މިހާރު ހިޔާ ފްލެޓަށް ބަދަލުވެފައިވާތީ، ޓެކްސީތައް ގިނައިން ދަތުކުރަނީ ހުޅުމާލެއަށްކަމަށް ބުނެ، މާލެއިން ތެކްސީ ހޯދަން ދަތިކަމުގެ ޝަކުވާ ޢާންމުންވެސް މިހާރު ކުރަމުން ގެންދެއެވެ. މިކަމާއި ގުޅޭގޮތުން މާލެ ސިޓީގެ ކުރީގެ މޭޔަރު ސިފާ މުޙައްމަދު ވިދާޅުވީ، މާލެއިން މިހާރު ޓެކްސީތައް މުޅިން ދަތުކުރުތައް ހުއްޓާލާފައިވާކަމަށާއި، ހުޅުމާލެއަށް ނޫނީ މިހާރު ޓެކްސީތައް ދަތުރު ނުކުރާކަމަށެވެ.

ކުދި ދަރިން ގޮވައިގެން މަގުތަކުގައި އެތަކެއް ވަގުތު ކޮޅަށް މައިން އެބަ ތިބޭ. ކޮންއިރަކުންތޯ ބަހުގެ ޚިދުމަތް ތަޢާރަފްކުރެވޭނީ؟

– ޓްރާންސް ޕޯޓް މިނިސްޓަރ އައިޝަތު ނަހުލާ ޓެގްކުރައްވާ ސިފާ ސުވާލުކުރެއްވިއެވެ.

Malé mihaaru taxi thah mulhin dhathuru thah huhtaalaafi HML ah nooni nudhey Kudhi dharin govaigen maguthakugai ethakeh vaguthu kolhah main eba thibey . ⁦@aishath_nahula⁩ .kon irakunthoa ???? thaaraf kureveyni? ⁦@MaleCitymv⁩ ⁦@MDPMaleCity⁩⁦⁦@Mihaarunews⁩ pic.twitter.com/0t9QPFelXe

— Shifa Mohammed???????????? (@SifaMohammed) December 8, 2021

މާލެއިން ޓެކްސީ ނުލިބޭކަމުގެ ކަންބޮޑުވުން ސިފާ ފާޅުކުރައްވާފައިވާއިރު، މާލޭގައި ޢާންމު ބަހުގެ ޚިދުމަތް ސަރުކާރުގެ 100 ދުވަހުގެ ތެރޭގައި ފެށުމަކީ ސަރުކާރުގެ ވަޢުދެކެވެ. ނަމަވެސް އެ ވާއުދު މިހާތަނަށް ފުއްދިފައި ނުވާ ސަބަބާއި ގުޅޭގޮތުން ވާހަކަފުޅު ދައްކަވަމުން މިނިސްޓަރ ނަހުލާ ދާދި ފަހުން މަޖިލީހުގައި ވިދާޅުވެފައިވަނީ، މާލޭގައި މިނީ ބަސް ފެށުމަށް ބޭނުންވާ މިންވަރަށް އަދިވެސް ބަޖެޓު ހަމަނުޖެހޭ ކަމަށެވެ. މީގެ ކުރިން ވެސް ނަހުލާ ވަނީ އެ ހިދުމަތް ނުފެށި ލަސް ވަނީ ބެޖޓް  ނެތުމުންކަަމަށް އެކި ފަހަރުމަތިން ވިދާޅުވެފައެވެ.

ނިސްޓަރު ނަހުލާ ވިދާޅުވީ މިނީ ބަހުގެ ހިދުމަތަކީ ޓްރާންސްޕޯޓް މިނިސްޓްރީއާ ހަވާލުކުރި މަސައްކަތްތަކުގެ ތެރެއިން މިހާރު ނުފުއްދި އޮތް ހަމައެކަނި ވައުދު ކަމަށެވެ.

ޓްރާންސްޕޯޓް މިނިސްޓްރީއާ ހަވާލުވެފަ ހުރި މަސައްކަތުގެ ތެރެއިން، ރައީސުލްޖުމްހޫރިއްޔާގެ ވައުދުފުޅުތަކުގެ ތެރެއިން ހަމައެކަނި ނުވެ އޮތް މަސައްކަތަކީ އެއީ ކަން އަޅުގަނޑު ފާހަގަކޮށްލަން.

– ނަހުލާ ވިދާޅުވިއެވެ.

ނަހުލާ ވިދާޅުވީ މި ހިދުމަތް ފެށުމަށް ގިނަ މަސައްކަތްތަކެއް ކުރެވިއްޖެ ކަމަށާއި އަދިވެސް ފަށައި ނުގަނެވިގެން އުޅެނީ ބަޖެޓުގައި ހުރި ތާށިތަކެއްގެ ސަބަބުން ކަމަށެވެ. އަންނަ އަހަރުގެ ބަޖެޓުގައި މިނީ ބަހުގެ ހިދުމަތް ފެށުމަށް 16.9 މިލިއަން ރުފިޔާ ހަމަޖައްސައިފައިވީނަމަވެސް އެ އަދަދަކީ އެ ހިދުމަތް ފެށޭނެ ވަރަށް ވުރެ މާ ކުޑަ އަދަދެއް ކަމަށް ނަހުލާ ވިދާޅުވިއެވެ.