ދުނިޔޭގެ ބައެއް ގައުމުތަކަށް މިހާރު ފެތުރެން ފަށާފައިވާ، ކޯވިޑް19ގެ މުޅިންއާ، އަދި ނުރައްކާތެރި އޮމިކްރޯން ވޭރިއެންޓް އެގައުމުން ފެނުމާއި ގުޅިގެން އެގައުމަށް އަދަބު ދެމުންކާ ކަމުގައި ދެކުނު އެފްރިކާގެ ސަރުކާރުން ބުނެފިއެވެ.

ދެނުކު އެފްރިކާއިން މިހެން ބުނެފައިވަނީ، ފަސޭހަމަކާއެކު ގައިންގަޔަށްއަރާ އަދި، ކޯވިޑާ ދެކޮޅަށް މިހާރު ބޭނުން ކުރެވެމުންދާ ވެކްސިންތައް މި ވޭރިއެންޓާއި ދެކޮޅަށް މަސައްކަތް ކުރާކަމުގެ ޔަގީންކަމެއްނެތް އޮމިކްރޯން ވެރިއެންޓް އެގައުމުން ފެނުމާއި ގުޅިގެން އެފްރިކާ ބައްރުގެ އެތައް ގައުމަކުން މީހުން އެތެރެވުން ދުނިޔޭގެ ގައުމުތަކުން މަނާކުރަން ފަށާފައިވަނިކޮށެވެ.

ނުރައްކާތެރި އޮމިކްރޯން ވޭރިއެންޓް ދުނިޔޭގެ ގައުމުތަކުގައި މިހާރު ފެތުރެން ފަށާފައިވާއިރި، ދުނިޔޭގެ ގައުމުތަކުން ބޯޑަރުތައް ބަންދު ކުރުމުގެ އިތުރުން އަނެއްބައި ގަމުތަކުންވަނީ މި ވޭރިއެންޓް ފެތުރިގެން ހިގައިދާނެކަމުގެ ބިރަށް  އަލުން ލޮކްޑައުންތައްވެސް ތައާރަފްކުރަން ފަށާފައެވެ.

ވޭރިއެންޓް ފެނުމާއެކު ދަތުރުފަތުރު ކުރުން މަނާކުރުމަކީ، "އާ ވޭރިއެންޓްތައް އަވަހަށް ދެނެގައުމުގައި ހޯދާފައިވާ ކުރިއެރުމާއެކުވެސް ދޭ އަދަބަކާ އެއްފަދަ ކަމެއް،" ދެކުރުން އެފްރިކާގެ ފޮރިން އެފެއާރޒް މިނިސްޓްރީން ނެރެފައިވާ ބަޔާނެއްގައި ބުނެފައި ވެއެވެ.

ދެކުނު އެފްރިކައިންނާއި އަދި އެފްރިކާގެ ގިނަ ގައުމުތަކުން ގިނަ އެހެން ގައުމުތަކަށް މީހުން އެތެރެވުން މަނާކޮށްފައިވަނީ އޮމިކްރޯން ވޭރިއެންޓަކީ "ކަންބޮޑު ވާންޖެހޭ" ވޭރިއެންޓެއްކަމަށް ދުނިޔޭގެ ސިއްހަތު ޖަމިއްޔާއިން ނިންމުމާ ގުޅިގެންނެވެ.

B.1.1.529ގެ ނަންދެވިފައިވާ މިވޭރިއެންޓް ސައުތު އެފްރިކާގެ އެކި ހިސާބުތަކަށް މިހާރު ވަނީ ފެތުރިފައެވެ. އަދި ދުނިޔޭގެ ސައިންސްވެރިންގެ ކަންބޮޑު ވުމަކީ، މި ވޭރިއެންޓޭޓް އަވަސް އަވަހަށް، ގިނައިން މިއުޓޭޓް ވަމުން ދިއުމާ ގުޅިގެން ގިނަ ބަޔަކަށް ބަލި ޖެހުމުގެ ފުރުސަތު ފައިވެގެން ދިއުމުގެ އިތުރުން، އޭގެ ނަތީޖާއެއްގެ ގޮތުން ހަށިގަޑުގެ ދިފާއީ ނިޒާމަށް ނޭދެވޭ އަސަރު ކުރާނެކަމަށް ވާތީއެވެ.

މިވޭރިއެންޓް މިހާތަނަށް އައިއިރު ސައުތު އެފްރިކާގެ އިތުރުން ބޮޓްސުވާން، ހޮންގކޮންގ އަދި ބެލްޖިއަމްއިންވަނީ ފެނިފައެވެ.

މިހާތަނަށް ފެނިފައިވާ ކޯވިޑް19ގެ ވޭރިއެންޓުތަކާ އަޅާބަލާއިރު އެތައް ގުނައެއް ނުރައްކާތެރިކަން ބޮޑު، ގައިންގަޔަށް ފެތުރުމުގެ ގާބިލްކަންވެސް އެތައް ގުނައެއް އިތުރަށް ލިބިގެންގޮސްފައިވާ ކޯވިޑް19ގެ މި ވޭރިއެންޓް އެންމެ ފުރަތަމަ ސައުތު އެފްރިކާއިން ފެނި، އަދި މިހާރު ދުނިޔޭގެ ގައުމުތަކަށް ފެތުރެން ފަށާފައި ވާއިރު މިވޭރިއެންޓްގެ އަސްލު ދެނެގަތުމަށް ދުނިޔޭގެ ސިއްޙަތުޖަމިއްޔާގެ ތަޖުރިބާކާރުން މިހާރުވަނީ މަސައްކަތް ފަށާފައެވެ.

އަދި މިފަހްތާގެ ހުކުރުދުވަހު ދުނިޔޭގެ ސިއްޙަތު ޖަމިއްޔާގެ ތަޖުރިބާކާރުން ބައްދަކޮށް ވަނީ، މިއީ ދުނިޔޭގެ ގައުމުތަކުން "ކަންބޮޑުވާން ޖެހޭ މިންވަރުގެ" ނުރައްކާތެރި ވޭރިއެންޓެއް ކަމުގައި ނިންމާފައެވެ. މީގެއިތުރުން ޑަބްލިއުއެޗްއޯއިންވަނީ "އޮމިކްރޯން"ގެ ނަމުން މިވޭރިއެންޓަށް ނަންދީފައެވެ.

"މިހާރު ފެންނަންހުރި ހެލިތަކަށް ބަލާއިރު، އަދި ކޯވިޑް19 އާލަމީ ވަބާއަށް އައިސްފައިވާ ނުރައްކާތެރި ބަދަލުތަކަށް ބަލާއިރު، ދުނިޔޭގެ ސިއްޙަތު ޖަމިއްޔާއިންވަނީ B.1.1.529 ވޭރިއެންޓަކީ ކަންބޮޑުވާން ޖެހޭވަރުގެ ވޭރިއެންޓެއްކަމަށް ނިންމާ، އަދި މި ވޭރިއެންޓަށް ވަނީ އޮމިކްރޯންގެ ނަންދީފައި،" ޔޫއެން ހެލްތު އޭޖެންސީން ނެރެފައިވާ ބަޔާނެއްގައި ބުނެފައި ވެއެވެ.

މިހަފްތާގެ ހުކުރު ދުވަހު، ދުނިޔޭގެ ސިއްޙަތު ޖަމިއްޔާ، ޑަބްލިއުއެޗްއޯއިން ބުނެފައިވަނީ، ރިސާޗަރުންނަށް މި ވޭރިއެންޓްގެ އަސްލު ހަގީގަތް ދެނެގަނެ އަދި މި ވައިރަހުން ކުރަމުންދާ އަސަރުތައް ދެނެގަތުމަށް ހަފްތާތަކެއް ނަގާނެ ކަމަށެވެ.

ސައުތު އެފްރިކާއިން މި ފެނުނު ކޯވިޑް19ގެ އާ ވޭރިއެންޓްގެ ނުރައްކާތެރިކަން އިހުސާސްވެ، ވޭރިއެންޓް ދުނިޔޭގެ ގައުމުތަކަށް ފެތުރެން ފެށިތާ މަދު ދުވަސްކޮޅެއްގެ ތެރޭގައި ދުނިޔޭގެ ގައުމުތަކުގައި މިވަނީ އިންތިހާއަށް ބިރުބެރިކަން ފެތުރެން ފަށާފައެވެ. އަދި ގިނަ ގައުމުތަކުން މިހާރުވެސް ވަނީ ވޭރިއެންޓް ފެތުރެން ފަށާފައިވާ ގައުމުތަކުން އެގައުމަތަށް މީހުން ވަނުން މަނާކޮށް ބޯޑަރުތައް ބަންދު ކުރަންވެސް ފަށާފައެވެ.

މިގޮތުން އެމެރިކާއާއި ޔޫރަޕްގެ ގިނަ ގައުމުތަކުން މިހާރުވެސް ވަނީ އެފްރިކާ ބައްރުގެ ގިނަ ގައުމުތަކަށް އެގައުމުތަކުގެ ބޯޑަރުތައް ބަންދު ކޮށްފައެވެ.

އެމެރިކާގެ ރައީސްވަނީ މިހަފްތާގެ ހޯމަ ދުވަހުން ފެށިގެން ސައުތު އެފްރިކާއިން އެމެރިކާއަށް ދަތުރު ކުރުން މަނާކުރުމަށް އަމުރު ކޮށްފައެވެ. މީގެ ތެރޭގައި، ބޮޓްސުވާނާ، އެސްވާޓިނި، ލެސޯތޯ، މަލާވި، މޮޒަމްބީކް، ނެމްބިއާ، ޒިންބާބުވޭ ހިމެނެއެވެ. މި ގައުމުތަކަށް ވަނުމަށްފަހު ކުރިޔަށް ހިނގާ 14 ދުވަހުގެ ތެރޭގައި މިގައުމުތަކުން އެމެރިކާއަށް އެއްވެސް މީހަކު ދަތުރުކުރުން މަނާކުރުމަށްވެސް ބައިޑްން ވަނީ އަންގާފައެވެ.

އޮމިކްރޯން ވޭރިއެންޓް ފެނުމާއި ގުޅިގެން މިވަނީ އަދަބު ދީފައި: ދެކުނު އެފްރިކާ