ދުނިޔޭގެ ބޮޑެތި ޤައުމުތަކުގައި މުއްސަދިންގެ ފައިސާއިން ފަގީރުން ބެލެހެއްޓި ނަމަވެސް ރާއްޖޭގައި ފެނިގެންދަނީ ފަގީރުންގެ ފައިސާއން ދައުލަތުގެ ބޮޑުންގެ ކަންކަން ބަލަހައްޓާ މަންޒަރުކަމުގައި ކުރީގެ ނައިބް ރައީސް ޑރ.މުހައްމަދު ޖަމީލް އަހުމަދު ވިދާޅުވެއްޖެއެވެ.

ރައްޔިތުންގެ މަޖިލީހުގެ ރައީސް ދިރިއުޅުއްވަން ދައުލަތުން ހަމަޖައްސަވާ ވަގުތީ ގެކޮޅު "މުރައިދޫގެ" ސަރަހައްދުގައި ރަތް ރޮނގުދަމައި ރެޑް ޒޯނެއްކަމަށް އެ ސަރަަހައްދު ކަނޑައަޅުމާއި ގުޅިގެން ޑރ.ޖަމީލް ވިދާޅުވީ ނަޝީދަކީ އަބަދުވެސް ހުޅަނގުގެ މޮޅުވާހަކަ ދައްކަވާ ބޭފުޅާކަމަށެވެ. ހުޅަނގުގައި ބޮޑެތި މުއްސަދިން ފަގީރުން ބަލަހައްޓާއިރު، ރާއްޖޭގައި މިއޮތީ ފަގީރުންގެ ފައިސާއިން ނަޝީދު ބަލަހައްޓަން ޖެހިފައިކަމަށް ޑރ.ޖަމީލް ވިދާޅުވިއެވެ.

ހުޅަނގުގެ މޮޅު ވާހަކަ ދައްކާ ރައީސް ނަޝީދަށް: އެތަންތަނުގެ މުއްސަނދިންގެ ޓެކްސް ފައިސާއިން ފަޤީރު ރައްޔިތުން ސަލާމަތްކުރަނީ. ރާއްޖޭގައި މިޖެހެނީ ފަޤީރުންގެ ފައިސާއިން މަނިކުފާނު ފަދަ މުއްސަނދިން ބަލަހައްޓަން. މިވެރިކަމުގައި އޮތީ މުޅިންވެސް ވެރިންނަށް މޮޅު ގޮތް ހޯދުންތޯ؟

– ޑރ.ޖަމީލް ވިދާޅުވިއެވެ.

ޑރ.ޖަމީލް ވިދާޅުވީ ރާއްޖޭގައި މިއަދު އޮތް ސަރުކާރުން ކަންކަން ކުރަމުންދާ ގޮތުން ރައްޔިތުން މިހާރަށްވުރެއް ބޮޑަށްު ކުރަމުންދާ މަސައްކަތްތައް އިތުރު ނުކޮށްފިނަމަ، މިބޭފުޅުންގެ އިއްޒަތާއި ކަރާމަތް ގެއްލިދާނެކަމަށެވެ. ރައްޔިތުން މިހާރު ކުރަމުންދާ މަސްވެރިކަމާއި ދަނޑުވެރިކަން އިތުރުކޮށް، މުއްސަދިން ބެލެހެއްޓޭގެ ގޮތެއް ފަހި ކުރަން ޖެހިފައިވާކަމަށް ޖަމީލް ވިދާޅުވިއެވެ.

ރަދުންނާއި ޢާންމުންގެ ތަފާތު ދައްކާލަނީ. މިރަދުން ބެލެހެއްޓުމުގެ ބުރަވެސް ރައްޔިތުންނަށް. ގިނަމީހުން މަސްވެރިކަމާއި ދަނޑުވެރިކަން އަދި އެހެން މަސައްކަތް ކުރުން އިތުރުކޮށްގެން ނޫނީ ރަދުންގެ ހުރިހާ ޟަރޫރަތެއް ހަމައެއްނުޖެއްސޭނެ.

– ޑރ.ޖަމީލް ވިދާޅުވިއެވެ.

މުރައިދޫގެ ސަރަހައްދުގައި ރަތް ރޮނގު ސިޓީ ކައުންސިލުން ދަމާފައިވަނީ އެމްއެންޑީއެފް އިން އަންގައިގެންނެވެ. މުރައިދޫގެ ސަރަހައްދު ރެޑް ޒޯނަކަށް ބަދަލުކޮށްފައ ވީނަމަވެސް ކަމާގުޅޭ އެއްވެސް އިދާރާއަކުން އެއްވެސް އެއްޗެއް އަދި މިހާތަަނށް ބުނެފައެއް ނުވެއެވެ. ރައްޔިތުންގެ މަޖިލީހުގެ ރައީސްއަށް ރަސްމީ ދާއިމީ ގެކޮޅެއް އެޅުމަށް ކަނޑައަޅަފައިވަނީ ސުޕްރީމް ކޯޓު ކުރިމަތީ އޮތް ބިމެވެ. ނަމަވެސް އޭގެ ކުރިން ވަގުތީ ގޮތުން ހުންނަވާނީ މުރައިދޫ ގޭގައެވެ.

ނަޝީދު ދިރިއުޅުއްވާ މުރައިދޫގެ ސަރަހައްދު ރެޑް ޒޯނަކަށް، މަޑުކުރުން މަނާ

ރައީސް ނަޝީދަށް ދައުލަތުން ބޮޑު ޚަރަދެއް ކުރާތީ ގިނަ ބައެއްގެ ފާޑުކިޔުން ވަނީ އަމާޒުވެފައެވެ. އެގޮތުން މިއަހަރުގެ މެއި މަހުގެ 6 ވަނަ ދުވަހު ރައީސް މުހައްމަދު ނަޝީދަށް ދިން ނުރައްކާތެރި ޓެރަރިސްޓް ހަމަލާއަށްފަހު ރާއްޖޭގައި ބޭރުގައި ކުރެއްވި ބޭސްފަރުވާއަށް 1.6 މިލިޔަން ރުފިޔާ ދައުލަތުން ޚަރަދުކޮށްކޮށްފައިވެއެވެ.

މީގެ އިތުރުން ރައީސް ނަޝީދު ޖެންގައި 21 ދުވަހު (ތިން ހަފުތާ) ގައި ނަޝީދު ހުންނެވުމަށް މިހާތަނަށް 698،168ރ. ވަނީ ހޭދަވެފައިވެއެވެ. މިއީ ބޭސްފަރުވާއަށް ފަހު އެމަނިކުފާނު ރާއްޖެ އިން ބޭރުން ވަޑައިގެންނެވި ފަހުން މިހާތަނަށް ހިނގާފައިވާ ހަރަދެވެ.