ވަރަށް ދަތި އުނދަގޫ ދުވަސްތަކެއްގައި ސަރުކާރުން ބޮޑު ކާމިޔާބިއެއް ހޯދާފައިވާކަމަށް ވިދާޅުވެ ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުޙައްމަދު ނަޝީދު ސަރުކާރަށް މަރުހަބާ ވިދާޅުވެއްޖެއެވެ. ނަޝީދު މިފަދައިން ވިދާޅުވީ، ސަރުކާރަށް މިއަދު ތިން އަހަރު ފުރުމާއި ގުޅިގެން ކުރެއްވި ޓްވީޓެއްގައެވެ.
ރައީސް ނަޝީދު ވިދާޅުވީ. ސަރުކާރުގެ 3 އަހަރަށް ރައީސް އިބްރާހީމް މުޙައްމަދު ޞާލިޙަށާއި އެމްޑީޕީ އަދި ސަރުކާރަށް މަރުހަބާ ވިދާޅުވާކަމަށެވެ. ނަޝީދު ވިދާޅުވީ، ވަރަށް ދަތި އުނގަދޫ ދުވަސްތަކެއްގައި ސަރުކާރުން ވަނީ ބޮޑު ކާމިޔާބީއެއް ހޯދާފައިކަމަށެވެ.
Sarukaaruge 3 aharah Raees @ibusolih ashai MDP adhi sarukaarah varah marhaba.????????????????. Varah dhathi udhagoo dhuvas thakehgai sarukaarun mivanee bodu kaamiyaabeh hoadhaafa
— Mohamed Nasheed (@MohamedNasheed) November 17, 2021
ރައީސް ނަޝީދު ސަރުކާރަށް ތާޢީދުކޮށް ވާހަކަ ދައްކަވާފައިމިވަނީ، މިސަރުކާރާއި ރައީސް ޞަލިހާއެކު ސިޔާސީ މަސައްކަތް ނުކުރާނެކަމަށް ވިދާލުވެ ކުރިން ފާޑުވިދާޅުވުމަށްފަހުއެވެ. ނަމަވެސް މެއި6 ގެ ހަމަލާގައި ލިބިވަޑައިގެންނެވި ޒަޚަމްތަކަށް ފަރުވާ ހޯއްދެވުމަށް ރާއްޖެއިން ބޭރަށް ކުރެއްވި ދަތުރުފުޅަށްފަހު ރާއްޖެ ވަޑައިގެން ނަޝީދު ވަނީ ރައީސް ޞާލިޙައި ބައްދަލުކުރައްވާފައެވެ. އަދި ދެބޭފުޅުންގެ ގުޅުން ގޯސް ނޫންކަން ވަނީ ހާމަކުރައްވާފައެވެ. ރައީސް ސާލިހުއާއި ނަޝީދު ބައްދަލު ކުރައްވާފައިވާއިރު، އެންމެ ފަހުން ނަޝީދު ދެއްވި ނޫސްވެރިންގެ ބައްދަލު ވުމުގައި ވިދާޅުވެފައިވަނީ، ވެރިކަމުގެ ނިޒާމު ބަދަލު ކުރުމާ ގުޅޭގޮތުން އިތުރު މައުލޫމާތު ދެއްވާނީ، ރައީސް ސާލިހުއާއި ބައްދަލު ކުރައްވާ، މަޝްވަރާ ކުރެއްވުމަށް ފަހުގައި ކަމުގައެވެ.
އެހެންނަމެވެސް، ވެރިކަމުގެ ނިޒާމް ބަދަލު ކުރުމާ ގުޅޭގޮތުން މީގެ ކުރިން ރައީސް ސާލިހު ވިދާޅުވެފައިވަނީ، ވެރިކަމުގެ ނިޒާމު ބަދަލު ކުރުމާ ގުޅޭގޮތުން ވިސްނުމަށްވުރެ ބޮޑަށް އިސްކަން ދެއްވާނީ ތަރައްގީގެ މަޝްރޫއުތައް 2023ގެ ކުރިން ނިންމެވުމަށް ކަމުގައެވެ. އަދި އެއަށްފަހު ރައީސް އޮފީހުގެ ތަރުޖަމާން ވިދާޅުވެފައިވަނި، ނިޒާމް ބަދަލު ކުރުމަކީ މިހާރު ވެރިކަން ކުރަމުންދާ ކޯލިޝަން މެނިފެސްޓޯގައި އޮތް ވައުދެއް ނޫންކަމަށާއި، ވެރިކަމުގެ ނިޒާމު ބަދަލު ކުރުމަކީ ސަރުކާރުގެ ސިޔާސަތުގެ ތެރޭގައި ހިމެނޭ ކަމެއް ނޫން ކަމުގައެވެ.
ރައީސް ޞާލިޙްގެ ސަރުކާރަށް މިއަދު 3 އަހަރު ފުރިފައިވާއިރު، އެމަނިކުފާނު ރާއްޖޭގެ ވެރިކަމަށް ވަޑައިގަތީ 2ވަނަ ޖުމުހޫރިއްޔާގެ 6ވަނަ ރައީސްގެ ގޮތުގައެވެ. ވެރިކަމުގެ ހުވާ ކުރެއްވީ 2018ވަނަ އަހަރުގެ ނޮވެމްބަރުމަހުގެ 17ވަނަ ދުވަހުއެވެ.
ރައީސް ސާލިހުގެ ވެރިކަމަށް 3 އަހަރު ފާއިތުވެގެން ދިޔައިރު، ގިނަބަޔަކު ރައީސް ޔާމިންގެ ވެރިކަމާއި ރައީސް ސާލިހުގެ ވެރިކަމާ އަޅާކިޔަމުންދާ އެއްކަމަށް ވެގެން މިދިޔައީ ގައުމީ ތަރައްގީއެވެ.
ކޮމެންޓު ފޮނުވާ