ވެރިކަން ކުރާ މައި ޕާޓީ އެމްޑީޕީގެ ޗެއާޕާސަން ހަސަން ލަތީފްގެ ވާހަކަތަކުން އިންޑިއާއާއިއެކު ދިވެހި ސަރުކާރުން ވެފައިވާ އެއްބަސްވުންތަކަކީ ޤައުމީ ސަލާމަތަށް ނުރައްކާ އޮތް އެއްބަސްވުންތަކެއްކަން ހާމަވެގެން ގޮސްފައިވާކަމަށް އިދިކޮޅު ޕީޕީއެމްގެ ނައިބް ރައީސް އަހުމަދު ޝިޔާމް ވިދާޅުވެއްޖެއެވެ.
ދިވެހި ސަރުކާރާއި އިންޑިއާ ސަރުކާރާއި ދެމެދު ހަދާފައިވާ އެއްބަސްވުންތަސް ހާމަކޮށް އެކަންކަމުގެ މައުލޫމާތު ދިވެހި ރައްޔިތުންނާއި ހިއްސާ ކުރުމަށް އެމްޑީޕީގެ ޗެއާޕާސަން ހަސަން ލަތީފް ވަނީ ސަރުކާރަށް ގޮވާލާފައެވެ. ހަސަންގެ ވާހަތަކާއި ގުޅިގެން ޝިޔާމް ކުރެއްވި ޓްވީޓުގައި ވިދާޅުވީ ހަސަންގެ ވާހަތަކުން އެއްބަސްވުންތަކުގެ ނުރައްކާތެރިކަން ރައްޔިތުންނަށް މާބޮޑަށްވެސް ހާމަވެއްޖެކަމަށެވެ.
ސަރުކާރުން ދެންވެސް އެގްރީމަންޓް ތަކުގައި ބަގުޑި ނުބައްދައި، ރައްޔިތުންގެ މަޖިލީހުގެ 241 ކޮމެޓީއާއި ހިއްސާ ކުރަންޖެހޭކަމަށާއި، އަދި އެއްބަސްވުންތަކުގައި ބަގުޑި ބައްދައިގެން އުޅޭ ސަބަބުން ދެނެގަތުމަށް ގިނަ މަސައްކަތްތަކެއް ކުރަންވެސް ޖެހިފައިވާކަމަށެވެ. މިއަދު ވެރިކަން ކުރާ އެމްޑީޕީގެ އިސްބޭފުޅުން އެގްރީމަންޓްތައް ހާމަކުރަން ގޮވާލާނީ އޭގައި ގޯސްކަންތައްތަކެއް އެކުލެވޭތީކަމަށް ޝިޔާމް ވިދާޅުވިއެވެ.
އެމްޑީޕީގައިވެސް އެބަތިއްބެވި އެއްބަސްވުންތަކުގެ ނުރައްކާތެރިކަން އިހުސާސް ކުރެވޭ ބޭފުޅުން. ސަރުކާރުން އެއްބަސްވުންތަކުގައި ބަގުޑި ނުބައްދާ ހާމަކުރޭ. ސަރުކާރުން އެގްރީމަންޓް ތަކުގައި ބަގުޑި ބައްދައިގެން އުޅޭ ސަބަބެއްވެސް 241 ކޮމެޓީ އިން ހޯދައި ދެނެގަތުން މުހިންމު. މިއަދު އެނގި ހާމަވާކަމަކީ ތިޔަ އެގްރީމަންޓްތައް ސިއްރު ކުރުމަކީ ޤައުމީ ސަލާމަތަށް އޮތް ނުރައްކަލެއްކަން.
– ޝިޔާމް ވިދާޅުވިއެވެ.
އިދިކޮޅު ކޯލިޝަނުން ރާއްޖޭގެ އެކި ކަންކޮޅުތަކުގައި ކުރަމުންދާ މުޒާހަރާތަކާއި އެއްވުންތަކުގެ މައުލޫމާތު ބައިނަލް އަގުވާމީ ފަރާތްތަކުގެ ސަމާލުކަމަށް އައިސް އެވާހަތައް ދައްކަމުންދާއިރު ސަރުކާރުން އޮތީ ހަމަހިމޭނުންނެވެ. އިންޑިއާއާއިއެކު ދިވެހި ސަރުކާރުން ވެފައިވާ އެއްބަސްވުންތައް ހާމަކުރުމަށް ގޮވާލައި ހަސަން ލަތީފް ވިދާޅުވީ ރައްޔިތުންގެ ހިތުގައި ޝައްކު އުފެދޭ ހުރިހާ އެއްބަސްވުނަތަކެއް ހާމަކޮށް، އެއްބަސްވުންތަކުގައި ހުރި ކަންކަން ދިވެހި ރައްޔިތުންނަށް ހާމަކޮށް ދިނުމަކީ ސަރުކާރުގެ ޒިންމާއެއްކަމަށެވެ.
އެއްވެސް އެއްބަސްވުމެއް ފޮރުވައިގެން ސިއްރުކުރަން ނޫޅޭކަމާއި، އަދި އިންޑިއާއާއިން ހޯދަމުންދަނީ ކޮން ބާވަތްތަކުގެ އެހީތަކެއްކަމެއް ދިވެހި ރައްޔިތުންނަށް ހާމަކޮށްދޭންޖެހޭ ކަމަށްވެސް ހަސަން ވިދާޅުވިއެވެ. މިއީ ވެރިކަން ކުރާ ކޯލިޝަން އަދި އެމްޑީޕީގެ އިސްބޭފުޅަކު މިހާ ފާޅުކަން ބޮޑުކޮށް އެއްބަސްވުންތައް ހާމަކުރުމަށް ސަރުކާރަށް ގޮވާލި ފުރަތަމަ ފަހަރެވެ.
One Response
މާރިޔާ އަޅެ ތިޔަ ހީކުރަނީ މިގައުމުގައި ތިބި ދިވެހިންނަކީ ބޯގަމާރު ބައެއް ކަމަށްތަ..ތިޔަކަހަލަ ވާހަކަ ދެއްކީމާ ތިމާގެ ގާބިލުކަން ނެތްކަމާއި ބޯ ހަމަނުޖެހޭކަން ނޫންކަމެއް ނުފެންނާނެ.މި ގައުމުން 10ވަރަކަށް ޕައިލެޓުންނަށް މުސާރަ ދެވެން ނެތް ވާހަކަ ބުނީމާ ތިޔައީ ކަނޑު ކޮހެކޭ ބުނެ ނިންމާލަން ޖެހޭނީ..އެހެންވީމާތާ ޤާނޫނަށް ފައިން އަރައި ޤައުމުގެ ސަލާމަތީ ބާރުތަކަށް ހަޑިހުތުރު ބަހުން އަވަގުރާނަގޮވައި އެމީހުންގެ ފަހަތުން ހޯއްގޮވަމުން ދުވީ.