ކޮމަންވެލްތް ކްލައިމެޓް ފައިނޭންސް އެކްސެސް ހަބް (ސީސީއެފްއޭއެޗް) ގެ މެމްބަރަކަށް ވަރަށް އަހަށް ރާއްޖެ ވާނެ ކަމަށް މިނިސްޓްރީ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީން ބުނެފިއެވެ.
އެމިނިސްޓްރީން މިކަން ހާމަކޮށްފައިވަނީ ކޮމަންވެލްތުގެ ރަސްމީ ޓްވިޓާއިން ކޮށްފައިވާ ވީޑިއޯ މެސެޖެއްގައި އެ މިނިސްޓްރީގެ ސްޓޭޓް މިނިސްޓަރ ޚަދީޖާ ނަސީމްއެވެ. އޭނާ ވިދާޅުވީ ސީސީއެފްއޭއެޗްގެ މެމްބަރެއްގެ ގޮތުގައި ރާއްޖެ އޮތުން މުހިންމުވަނީ ރާއްޖެއަކީ މޫސުމަށް އަންނަ ބަދަލުތަކުން އެންމެ ބޮޑު ނޭދެވޭ އަސަރެއްކުރާ ޤައުމަށްވާތީކަމަށެވެ. އެހެންކަމުން މޫސުމީ ބަދަލުތަކުން ލިބޭ ގެއްލުމުން އަރައިގަތުމަށް ރާއްޖެއަށް މާލީ އެހީތެރިކަން ވަރަށް ބޮޑަށް ބޭނުންވާކަން ސްޓޭޓް މިނިސްޓަރ ފާހަގަކުރެއްވިއެވެ.
ކްލައިމެޓް ފައިނޭންސް އަކީ ރާއްޖެއަށް އެމަޖެންސީ ހާލަތެއްގައި ބޭނުންވެފައިވާ ވަރަށް މުހިންމު އަސާސެއްކަމަށާއި، ކުރިއަށް އޮތް މަސްތަކުގެ ތެރޭގައި ވަރަށް އަވަހަށް ސީސީއެފްއޭއެޗްގެ އައު މެންބަރަކަށް ރާއްޖެވާނެކަމަށްވެސް ޚަދީޖާ ވިދާޅުވިއެވެ.
"The Maldives is going to be the newest member of the #CommonwealthCFAH in the coming months. It's so important to us because we are one of the most vulnerable countries to climate change." – Khadeeja Naseem, Minister of State for Environment @MoEnvmv in the #Maldives???????? #COP26
— The Commonwealth (@commonwealthsec) November 12, 2021
ސްޓޭޓް މިނިސްޓަރ ވަނީ ކޮމަންވެލްތުގެ އެހީތެރިކަމާއެކު ކްލައިމެޓް ފައިނޭންސަށް ރާއްޖެއަށް އަރަށް ފަސޭހައި ވާސިލްވެވޭނެކަމަށް ޤަބޫލުކުރައްވާކަމަށްވެސް ވިދާޅުވެފައެވެ.
ސީސީއެފްއޭއެޗް އަކީ ކުދި ޖަޒީރާ ގައުމުތަކަށް ކްލައިމެޓް ފައިނޭންސް ހޯދުމަށް ދިމާވާ ދަތިތަކަށް ހައްލު ހޯދައިދިނުމަށް މަސައްކަތްކުރުމަށް 2016 ވަނަ އަހަރުން ފެށިގެން ހަރަކާތްތެރިވާ ޖަމާއަތެެވެ. މިހާތަނަށް ހަ ގައުމަކަށް ކްލައިމެޓް ފައިނޭންސްގެ ގޮތުގައި 43.8 މިލިއަން އެމެރިކާ ޑޮލަރުގެ ޕްރޮޖެކްޓްތައް ހިންގަން އެޖަމްޢިއްޔާއިން ފައިސާ ހޯދައިދިފައިވެއެވެ.
