އިންޑިއާސިފައިންގެ އެހީގައި އުތުރު ތިލަފަޅުގައި ކުރިޔަށްދާ ތަރައްގީގެ މަޝްރޫއު ކުރިޔަށް ގެންދިއުމަށްޓަކާ ވެވުނު އެއްބަސްވުން ވެގެން ގޮސްފައިވަނީ، ފަހުގެ ތާރީޚެއްގައި ރާއްޖެއާއި ބޭރުގެ ގައުމަކާ ދެމެދު ވެވުނު އެންމެ އާދަޔާ ޚިލާފް އެއްބަސް ވުމަށެވެ. ސަބަބަކީ، މި އެއްބަސްވުމުގައި ހުރި މާއްދާތައް ހާމަކުރުމަށް ސަރުކާރުން ތަކުރާރުކޮށް ދެކޮޅު ހެދުމުގެ އިތުރުން، މި އެއްބަސްވުމަކީ އިދިކޮޅު ފަރާތްކުން އެހާތަނަށް ކުރިޔަށް ގެންދަމުންއައި އިދިކޮޅު ސިޔާސީ ހަރަކާތްތައް އާއުސްމިނަކަށް ގެންދިއުމަށް ލިބިގެންދިޔަ ރަނުގެ ފުރުސަތަކަށްވެސް ވެގެން ގޮސްފައި ވާތީއެވެ.

މިގޮތުން، އުތުރު ތިލަފަޅު ތަރައްގީ ކުރުމުގެ އިތުރުން އިންޑިއާއާއި ރާއްޖެއާއި ދެމެދު ވެވިފައިވާ ދިފާޢީ އެއްބަސްވުންތަކުގެ ނަތީޖާއެއްގެ ގޮތުން އިންޑިއާ ސިފައިން ރާއްޖޭގައި ތިބޭ ތިބުމާއި ދެކޮޅަށް އިދިކޮޅު ފަރާތްތަކުން ކުރަމުންދާ މުޒާހިރާތައް ދަނީ މެދު ނުކެޑި ކޮންމެ ހަފްތާ ބަންދެއްގައިވެސް މިހާރު މާލޭގެ މަގުތަކުގައި ބާއްވަމުންނެވެ.

"އިންޑިއާ އައުޓު" ޝިއާރުގެ ދަށުން ކުރިޔަށް ގެންދާ މުޒާހިރާތައް ފުޅާވެ، މި މުޒާހިރާތަކުގައި މިހާރު ގިނަ އަދަދެއްގެ އާންމު ރައްޔިތުން ބައިވެރިވާން ފަށާފައިވާއިރު، މިމުޒާހިރާތަކުގެ އަޑު ރާއްޖޭގެ ހަފޮޅުން ބޭރުވެ، ބައިނަލް އަގުވާމީ މީޑިއާތަކުގެ ސަމާލުކަން މި މުޒާހިރާތަކަށް އަމާޒުވެގެން ދިޔަދިއުން ގިނަ ބަޔަކު ސިފަކުރުމުންދަނީ މިއީ އިންޑިއާ އައުޓު މުޒާހިރާތައް އާ އުސްމިނަކަށް ދަތުރުކުރި ކުރުމުގެއްގެ ގޮތުގައި ކަމަށެވެ.

އިންޑިއާ އައުޓް މުޒާހިރާގެ ކަވަރޭޖަ އަލްޖަޒީރާއިން!

މިހަފްތާ ބަންދުގައި، އިދިކޮޅު ޕީޕީއެމްއިން އިންތިޒާމްކޮށްގެން ބޭއްވި އިންޑިއާ އައުޓް މުޒާހިރާއަކީ، އިންޑިއާ ސިފައިން ރާއްޖެ ދޫކޮށް ދިއުމަށް ގޮވާލާ، ފަހަކަށް އައިސް ގިނަ ބަޔަކު ބައިވެރިވި، އެންމެ ބޮޑު އެއްމުޒާހިރާގެ ގޮތުގައި ވަނީ ފާހަގަވެގެން ގޮސްފައެވެ. އަދި މި މުޒާހިރާއަށް ގިނަ އަދަދެއްގެ އާންމު ރައްޔިތުން ހާޒިރުވެފައި ވާއިރު، މިމުޒާހިރާ ވެގެން ގޮސްފައިވަނީ، ބައިނަލް އަގުވާމީ ޚަބަރުތައް ފަތުރާ އެންމެ ވަރުގަދަ އެއް ނިއުސް ނެޓްވާރކް ކަމަށްވާ އަލްޖަޒީރާއިންވެސް ކަވަރުކުރި މުޒާހިރާއަކަށެވެ.

މިގޮތުން، އެންމެ ފަހުން ބޭއްވުނު އިންޑިއާ އައުޓް މުޒާހިރާ ކަވަރު ކުރުމުގެ ގޮތުން އަލްޖަޒީރާއިން ގެނެސްދިން ސެގްމަންޓަށް މައުލޫމާތު ދީފައިވަނީ، ރާއްޖޭގައި ހިންގަމުންދާ ސަރުކާރާ ދެކޮޅު ނޫހެއް ކަމުގައިވާ ދިޔަރެސް ނޫހުގެ ޖާނަލިސްޓް އަހުމަދު އަޒާން މަރުޒޫގެވެ. އިންޑިއާ އައުޓު މުޒާހިރާ ކަވަރު ކުރުމަށް އަލްޖަޒީރާއިން ގެނެސްދިން މި ސެގްމަންޓުގައި، އިއްޔެ މާލޭގެ މަގުތަކުގައި ބޭއްވިގެންދިޔަ މިމުޒާހިރާގެ މަންޒަރުތައް އަލްޖަޒީރާ ނިއުސް ނެޓްވާކުން ދައްކަމުން ދިޔައިރު، މި އެއްވުމާއި ގުޅުންހުރި މައުލޫމާތު އަލްޖަޒީރާ ނިއުސް ޗެނަލަށް ޖާނަލިސްޓު އަޒާން ދެމުން ގޮސްފައެވެ.

އަލްޖަޒީރާ ނިއުސްއަށް މައުލޫމާތު ދެމުން އޭނާ ވިދާޅުވެފައިވަނީ އިންޑިއަން އޯޝަންއަށް “އިންޑިއަން އޯޝަން”މިނަން ކީކަމުގައި ވީނަމަވެސް، އެއީ އިންޑިއާގެ އަމިއްލަ ކަނޑެއް ނޫންކަމަށާއި އެހެންނަމަވެސް މި ކަނޑުގެ ސަރަހައްދުގައި އިންޑިއާގެ ޚާއްސަ މަސްލަހަތުތަކެއް ވާކަމަށެވެ. އަދި ރާއްޖެއަކީ، މިހާތަނަށް ބައިނަލް އަގުވާމީ މައްސަލަތަކުގައި ވަކިފަރާތަކަށް ޖެހިފައިވާ ގައުމެއް ނޫންކަމަށާއި އެހެންނަމަވެސް، މިސަރުކާރުން އިންޑިއާގެ މަސްލަހަތުތަކަށް ޚާއްސަ އިސްކަމެއް ދިނުމުގެ ނަތީޖާއެއްގެ ގޮތުން، އެމެރިކާ، ޗައިނާ އަދި އޮސްޓްރޭލިއާފަދަ ގައުމުތަކުގެ މެދުގައި އޮތް ބައިނަލް އަގުވާމީ ބޮޑެތި މައްސަލަތަކުގެ ތެރެއަށް ރާއްޖެއަށް ވަންނަން މިހާރު މަޖުބޫރުވެގެން ގޮސްފައިވާ ކަމަށެވެ.

އަދި އިންޑިއާއަކީ އެއްވެސް އިރަކު ރާއްޖެއަށް ހެޔޮއެދިގެން ކަންކަން ކޮށްދީފައިވާ ގައުމެއް ނޫންކަން ފާހަގަ ކުރަމުން އޭނާ އަލްޖަޒީރާއަށް މައުލުމާތު ދީފައިވާ ގޮތުގައި، އިންޑިއާއިން ޑޯނިއަރ ބޯޓުތައް ދުއްވާނެ ޕައިލެޓުން ތަމްރީނު ކޮށްދީފައިވަނީވެސް، ހެލިކޮޕްޓަރެއް އިންޑިއާއިން ރާއްޖެއަށް ހަދިޔާ ކޮށްދިންތާ 12 އަހަރު ފަހުންނެވެ.

އަދި އަލްޖަޒީރާއިން ގެނެސްފައިވާ މި ކަވަރޭޖްގައި އެ ނިއުސް ޗެނަލް އިން ބުނެފައިވަނީ، ރާއްޖޭގައި މިހާރު ކުރިޔަށްދާ އިންޑިއާ އައުޓުް ކެމްޕޭނަށް ޗައިނާ އަދި ޕާކިސްތާނުން އެހީތެރިކަން ފޯރު ކޮށްދެމުންދާކަމުގެ ތުހުމަތު އިންޑިއާ ސަރުކާރުން ކުރަމުންދާ ކަމުގައެވެ.

ތުހުމަތުތަކަށް ޖަވާބުދާރީ ވާނެ މާބޮޑު ސިޔާސަތެއް ނުފެނޭ! ސަރުކާރު ހިމޭނުން!

އިންޑިއާ އައުޓު މުޒާހިރާތައް ފުޅާވަމުން ގޮސް، މިމުޒާހިރާތަކުގައި ގިނަ އަދަދެއްގެ އާންމު ރައްޔިތުން ބައިވެރިވެ، އަދި "އިންޑިއާ އައުޓު" އަޑުތައް ބައިނަލް އަގުވާމީ މީޑިއާތަކާއި ހަމައަށް ފޯރާފައިވާއިރު، "އިންޑިއާއަށްޓަކާ ރާއްޖޭގެ މިނިވަންކަން ގުރުބާން" ކޮށްފައިވާ ކަމަށް ސަރުކާރުގެ މައްޗަށް ކުރެވޭ ތުހުމަތުތަކަށް ޖަވާބުދާރީ ވުމަށް ސަރުކާރުން މާބޮޑު ސިޔާސަތެއް ގެންގުޅެމުން ދާތަނެއް ފެންނާކަށް ނެތެވެ.

އިދިކޮޅު ފަރާތްތަކުން، ސަރުކާރުގެ މައްޗަށް ކުރަމުންދާ ސީރިއަސް އަދި މި ބޮޑު ތުހުމަތުތަކުގެ ވާހަކަަތައް ބައިނަލް އަގުވާމީ މީޑިއާތަކުން ގެނެސް ރިޕޯޓު ކުރަމުން ފަށާފައި ވާއިރު، ސަރުކާރުގެ ހިމާޔަތުގައި ދައުލަތުގެ ވަޒީރުންވެސް ވާހަކަ ދައްކާ މަންޒަރު ފެންނަމުންނެއް ނުދެއެވެ. ސިޔާސީ އިސް މަގާމްތަކުގައި އެތައް ބަޔަކު ތިބި އިރުވެސް، އިންޑިއާއާއި ރާއްޖެއާއި ދެމެދުއޮތް ގާތް ގުޅުން ހިމާޔަތްކޮށް، ސިޔާސީ ވަޒީފާތަކުގައި ތިބި ގިނަ މުވަޒަފުން ބަސް ބުނަމުންނެއް ނުދެއެެވެ. އަދި މި ސަރުކާރުން، ދިވެހިރާއްޖޭގެ މިނިވަންކަން އިންޑިއާށް ގުރުބާން ކޮށްފައިވާކަމުގެ އެތައް ތުހުމަތެއްކޮށް، ގިނަ ބައެއްގެ ވިސްނުމަށް ގަބޫލުކުރެވޭ މިންވަރަށް މިހަރަކާތް ފުޅާކޮށްފައި ވާއިރުވެސް، އިދިކޮޅު ފަރާތްތަކުގެ މި ކެމްޕޭނާއި ދެކޮޅަށް ސަރުކާރަށް މާބޮޑު މަސައްކަތެއް ކުރެވޭތަނެއް އަދި ފެންނާކަށް ނެތެވެ.

ހަމައެފަދައިން، ދައުލަތުގެ މީޑިއާއާއި، އަދި އަމިއްލަ ބައެއް މީޑީއާތައްވެސް ސަރުކާރުގެ ބާރުގައި ދަށުގައި އޮވެމެ، "އިންޑިއާ އައުޓް" ކެޕްމޭނުން ސަރުކާރުގެ މޫނުމަތި ކިލަނބުވަމުންދާ ދިއުން ކޮންޓްރޯ ކުރުމަށް މީޑިއާގެ ބޭނުންކޮށް، ސަރުކާރުން މާ ހާރުދަނާ ސިޔާސަތެއް ތަންފީޒުކުރާ ތަނެއްވެސް ފެންނާކަށް ނެތެވެ.

އެހެންކަމުން ދައުލަތުގެ ވަޒީރުންނާއި އަދި ސިޔާސީ އިސް މަގާމްތަކުގައި ތިބި ފަރާތްތަކުން "މަގާމްތަކުގައި ހަނު" ތިބޭތިބުން ނިމުމަކަށް ގެނެސް، އިންޑިއާ އައުޓް ކެމްޕޭނުން ސަރުކާރަށް ލިބޭ ބަދުނާމްތަކަށް ޖަވާބު ދާރީވާން ޖެހޭކަމަށް ގިނަ ބަޔަކު ދަނީ ދެކެމުންނެވެ.

އަދި މި ކެމްޕޭން ގާދޫކޮލުން ބޭރުކޮށް، ބައިނަލް އަގުވާމީ ބޮޑެތި ބައެއް މީޑިއާތަކާ ހަމައަށް އިދިކޮޅު ފަރާތްތަކުން ގެންގޮސްފައިވާއިރު، މިއީ އިދިކޮޅު ހަރާތުގެ މި ކެޕްޕޭނަށް ލިބިގެންދިޔަ ބޮޑު ކުރިއެރުމެއްގެ ގޮތުގައި މިއަދު ދަނީ ސިފަކުރެވެމުންނެވެ. އަދި މިއީ ސަރުކާރުން އޭގެ އަޑު އަހަންޖެހޭ "ނުރައްކަލުގެ ރަގަބީލެއް"ކަމީވެސް ކަށަވަރުވެ ޔަގީންވާ ކަމެކެވެ.