ހުޅުމާލޭގައި ހުންނަ ރޯ ހައުސްއެއްގައި އަލިފާން ރޯވެއްޖެއެވެ.
އެމްއެންޑީއެފުން ވިދާޅުވީ ހުޅުމާލޭ ހިތިގަސް މަގުގެ 6 ވަނަ ގޯޅީގެ ރޯ ހައުސްއެއްގައި ރޯވެގެން ފަޔާ ޓީމުން ހަރަކާތްތެރި ވަމުންދާކަމަށެވެ.
ބޭރުން ފެންނަ ގޮތުގައި ރޯވެފައި ވަނީ ތިން ބުރިއަށް ހުރި އިމާރާތުގެ މަތީ ބުރީގަ އެވެ. އެތަން ނިއްވުމުގެ މަސައްކަތް ކުރާއިރު މިހާރުވެސް އަލިފާން ފެނެ އެވެ. އަދި ބޯކޮށް ދަނީ ދުން އަރަމުންނެވެ.
ސިފައިންނާއި ފުލުހުން އެ ސަރަހައްދަށް މިހާރު ވަނީ އެ އިމާރާތުންނާއި ކައިރީގައި ހުރި އިމާރާތްތަކުން ވެސް މީހުން ހުސްކޮށްފައެވެ.
އެމްއެންޑީއެފުން ވިދާޅުވީ މިހާރު އަލިފާން ކޮންޓްރޯލް ކުރެވިފައިވާކަމަށެވެ. މިހާދިސާގައި އެއްވެސް މީހަކަށް ގެއްލުމެއް ލިބިފައި ނުވާކަމަށް އެމްއެންޑީއެފްއިން ވިދާޅުވިއެވެ.
