މާލެ ސަރަޙައްދުގައި ތަރައްޤީކުރާ ޕިކްނިކް އައިލެންޑްގެ މަސައްކަތް ކުރުމަށް ސައިޓް މޮބިލައިޒްކޮށްފިއެވެ.
އެމްޓީސީސީގެ ސީއީއޯ އާދަމް އާޒިމް ވިދާޅުވީ މާލެ ސަރަހައްދުގައި ދިރިއުޅޭ ރައްޔިތުން ޕިކްނިކް ދިއުމަށް ހިއްކަމަށް ކަނޑައަޅާފައިވާ ރަށް ހިއްކުމަށް މޮބިލައިޒްކޮށްފައިވާކަމަށެވެ. އަދި އެ ރަށުގެ މަސައްކަތް އަންނަ އަހަރުގެ އޭޕްރީލްގެ ކުރިން ނިންމާ ރައީސް އިބްރާހީމް މުޙައްމަދު ޞާލިޙްގެ ވަޢުދުފުޅު ފުއްދޭނެކަމަށް އާޒިމް ވިދާޅުވިއެވެ.
@MTCCPlc in miadhuvanee Male’ sarahahdhuga dhiriulhey raiyyithun Picnic dhiumah hihkkumah kada alhaafavaa Rah hihkumah mobilize kohffa. Allah ge heyo rahumathun Raees @ibusolih ge mi vaudhu April 2022 ge kurin fuhdhaadhinumah ves MTCC in masaiykaiy kuramun dhaane. pic.twitter.com/SNPTQ76nlK
— Adam Azim (@adamazim) November 6, 2021
މާލެ ސަރަޙައްދުގައި ދިރިއުޅޭ ރައްޔިތުން މުނިފޫހިފިލުވުމަށް ދަތުރު ދާނެ ރަށެއްގެ ގޮތުގައި ކ.ކުޑަގިރީ ހެދުމުގެ މަސައްކަތުގެ ދަށުން އެސަރަޙައްދުން 8 ހެކްޓަރުގެ ބިން ހިއްކުމަށް ވަނީ ހަމަޖެހިފައެވެ. ބިން ހިއްކުމުގެ މަސައްކަތް އެމްޓީސީސީއާއި ޙަވާލުކޮށްފައިވަނީ 5 މަސް ދުވަހުގެ ތެރޭގައި ނިންމާގޮތަށެވެ. މިމަޝްރޫޢުގެ ދަށުން ކުޑަގިރީގައި 8 ހެކްޓަރުގެ ބިން ހިއްކާ 397 މީޓަރުގެ ބޮޑު ހިލައިގެ ބޭރުތޮއްޓަކާއި 428 މީޓަރުގެ ބޮޑުހިލައިގެ ފައިކައްޓެއް ޖެހުމަށްވަނީ ހަމަޖެހިފައެވެ.
ކޮމެންޓު ފޮނުވާ