ވ. ފުލިދޫ ގޮނޑުދޮށް ހިމާޔަތް ކުރުމުގެ މަޝްރޫޢުގެ ދަށުން، ބޭރުތޮށީގެ ރޮކް ޕްރޮފައިލިންގެ މަސައްކަތް ފަށައިފިއެވެ.
ފުލިދޫ ގޮނޑުދޮށް ހިމާޔަތްކުރުމުގެ މަޝްރޫޢުގެ އަމަލީ މަސައްކަތް ފަށާފައިވަނީ މިއަހަރުގެ އޭޕްރީލް މަހުގެ ތެރޭގައެވެ.
އެމްޓީސީސީން ބުނެފައިވަނީ ފުލިދޫ ގޮނޑުދޮށް ހިމާޔަތް ކުރުމުގެ މަޝްރޫޢުގެ ދަށުން، ބޭރުތޮށީގެ ރޮކް ޕްރޮފައިލިންގެ މަސައްކަތްތައް މިދިޔަ މަހުގެ 29 ވަނަ ދުވަހު ފެށިފައިވާކަމަށެވެ.
ވ. ފުލިދޫ ގޮނޑުދޮށް ހިމާޔަތް ކުރުމުގެ މަޝްރޫޢުގެ ދަށުން، ބޭރުތޮށީގެ ރޮކް ޕްރޮފައިލިންގ ގެ މަސައްކަތްތައް 29 އޮކްޓޯބަރ 2021 ވަނަ ދުވަހު ފެށިއްޖެ. #MTCCProjects #RayyithungeKunfuni pic.twitter.com/yN8RFpJxPR
— MTCC Plc (@MTCCPlc) November 2, 2021
މި މަޝްރޫޢުގެ ދަށުން ވ.ފުލިދޫ ގިރާ ސަރަޙައްދުން 1.2 ހެކްޓަރުގެ ސަރަޙައްދަކަށް ވެލިއަޅާ ހިއްކުމަށް ވަނީ ހަމަޖެހިފައެވެ. އަދި 210 މީޓަރުގައި ގްރޯއިންސް ޖެހުމާއި 270 މީޓަރުގެ ބޭރު ތޮށިލުމަށްވެސް ވަނީ ހަމަޖެހިފައެވެ. 16.94 މިލިއަން ރުފިޔާގެ މިމަޝްރޫޢުގެ މަސައްކަތް ހަވާލުކޮށްފައިވަނީ އެއް އަހަރު ދުވަހުގެ ތެރޭގައި ނިންމާގޮތަށެވެ.
