ސަރުކާރު ހިއްސާވާ ކުންފުނިތަކުން ހިންގާ ބޯހިޔާ ވަހިކަމުގެ މަޝްރޫޢުތައް ބައްލަވައި ލެއްލުމަށް ރައްޔިތުންގެ މަޖިލީހުގެ ސްޓޭޓް އޯންޑް އެންޓަރޕްރައިޒަސް ކޮމިޓީއިން ސައިޓްތަކަށް ޒިޔާރަތް ކޮށްފިއެވެ.
ރައްޔިތުންގެ މަޖިލީހުގެ ސްޓޭޓް އޯންޑް އެންޓަރޕްރައިޒަސް ކޮމިޓީ އަކީ ސަރުކާރުގެ ކުންފުނިތަކުގެ މަސައްކަތްތައް ހިނގާ ނުހިގާގޮތް ގާތުން ބެލުމަށް 19 ވަނަ މަޖިލިސް އައިފަހުން މުޅިން އަލަށް އެކުލަވާލި ކޮމެޓީއެކެވެ. މިކޮމެޓީން މިހާރުވެސް ފްލެޓްތަކުގެ މަސައްކަތް ކުރިއަށްދާގޮތް ދަނީ ދިރާސާ ކުރަމުންނެވެ. ބޮޑަށް ބެލެވޭ ގޮތުގައި ކޮމެޓީން މިކުރި ޒިޔާރަތަކީ ދިރާސާ ކުރަމުންދާ ރިޕޯޓެއް ނިންމުމަށްޓަކައި ކުރި ޒިޔާތަކެވެ.
ސަރުކާރު ހިއްސާވާ ކުންފުނިތަކުން ހިންގާ ބޯހިޔާވަހިކަމުގެ މަޝްރޫޢުގެ ދަށުން އަޅާ ފްލެޓްތަކުގެ މަސައްކަތް ކުރިއަށް ދާގޮތް ބެއްލެވުމަށް، ރައްޔިތުންގެ މަޖިލީހުގެ ސްޓޭޓް އޯންޑް އެންޓަރޕްރައިޒަސް ކޮމިޓީއިން ފްލެޓް ސައިޓްތަކަށް ޒިޔާރަތްކުރުން pic.twitter.com/ih2mb1ZhL6
— People's Majlis (@mvpeoplesmajlis) October 28, 2021
މި ޒިޔާރަތުގައި ކޮމެޓީގެ ގިނަ މެމްބަރުން ވަނީ ބައިވެރި ވެފަައެވެ. ސަރުކާރު ހިއްސާވާ ކުންފުނިތަކުގެ ތެރެއިން ގިނަ ކުންފުނިތަކުގެ ފްލެޓްތައް މިހާރުވަނީ ނިމުމާއި ގާތަށް ގޮސްފައެވެ. އެންމެ ބޮޑަށް މިހާރު މަސައްކަތް ނިމިފައިވާ އެއް ފްލެޓަކީ އެމްއޭސީއެލްގެ ފްލެޓްތަކެވެ. އެފްލެޓްތަކުގެ މަސައްކަތުގެ 90 އިންސައްތަ މަސައްކަތް ވަނީ ނިންމާލާފައެވެ.
މީގެ އިތުރުން ސްޓެލްކޯގެ ފްލެޓްތަކުގެ މަސައްކަތްވެސް ވަރަށް ބާރަށް ދެއެވެ. އެކުންފުނީގެވެސް އަމާޒަކީ ވީހާވެސް އަވަހަށް ފްލެޓް ނިންމައި، ހައްގުވެރިންނަށް ފްލެޓް ހަވާލު ކުުރުމެވެ. އެމްޕީއެލްގެ ފްލެޓްތަކުގެ މަސައްކަތްވެސް އެކުންފުނިން ދަނީ ކުރަމުންނެވެ. އެމްޕީއެލްއިން އަމާޒު ކޮށްފައިވަނީ އަންނަ އަހަރުގެ ކުރީކޮޅު ނުވަތަ އަންނަ އަހަރުގެ މެދު ތެރޭގައި ފްލެޓްތަކަށް މީހުން ވެއްދޭ ވަރު ކުރުމެވެ.
