އެމްޑީޕީގެ ދާއިރާތަކުގެ އިންތިހާބުގެ ވޯޓުލުން ރ. އިނގުރައިދޫ އާއި ތ. ގުރައިދޫގައި މިއަދު ކުރިއަށް އެބަދެއެވެ.
ވޯޓުލުން ކުރިއަށް ދަނީ މިއަދު ހެނދުނު 9.00 ން ހަވީރު 5.00 އަށެވެ. އެގޮތުން ވޯޓުލުން ކުރިއަށްދަނީ ރ. އިނގުރައިދޫ ދާއިރާގެ ފައިނު، އިނގުރައިދޫ، އިންނަމާދޫ، ކިނޮޅަސް އަދި ރަސްމާދޫ ސްކޫލް ގައެވެ.
އެމްޑީޕީގެ ދާއިރާތަކުގެ އިންތިހާބު ރާއްޖޭގައި މީހުން ދިރިއުޅޭ ހުރިހާ ރަށަކު ބޭއްވީ މިދިޔަ މަހުގެ 25 ވަނަ ދުވަހުއެވެ. އެ އިންތިހާބުގައި އިނގުރައިދޫ ދާއިރާގެ ވޯޓާއި ގުޅޭ ޝަކުވާތަކެއް، ޝަކުވާ ހުށަހަޅާ ކޮމިޓީން ބެލުމަށްފަހު އިންތިހާބާއި ބެހޭ ކޮމިޓީން އެ ދާއިރާގެ ވޯޓު އަލުން ނެގުމަށް ނިންމީ އެވެ.
އަދި ކޮވިޑާއި ގުޅިގެން ބަންދުގައި ތ. ގުރައިދޫ އޮތުމުން ވޯޓުލުން މިދިޔަ މަހުގެ 25 ގައި ކުރިއަށް ނުގެން ދެވުނީ އެވެ.
