ސައުދީ އަރަބިއާގެ ހުރިހާ އެއަރޕޯޓެއް ފުލް ކެޕޭސިޓީގަ ބޭނުން ކުރުމުގެ ހުއްދަ އެގައުމުގެ ޖެނެރަލް އޮތޯރިޓީ އޮފް ސިވިލް އޭވިއޭޝަން (GACA)އިން އާދީއްތަ ދުވަހު ދީފިއެވެ.
#GACA issues instructions to all airlines regarding the operation of the Kingdom of Saudi Arabia’s airports at full capacity. pic.twitter.com/nX8zRvNUAT
— هيئة الطيران المدني (@ksagaca) October 17, 2021
ސައުދީ ޕްރެސް އޭޖެންސީން ރިޕޯޓު ކޮށްފައިވާ ގޮތުގައި، އެގައުމުގެ އިންޓީރިއަރ މިނިސްޓްރީން މިހާރުވަނީ ކޯވިޑް19އާއި ގުޅިގެން އަޅާފައިވާ ފިޔަވަޅުތަކަށް ލުއި ދިނުމުގެ ހުއްދަ ދީފައެވެ.
އިންޓީރިއަރ މިނިސްޓްރީން ހާމަ ކޮށްފައިވާ ގޮތުގައި، ވެކްސިންގެ ދެ ޑޯޒް ފުރިހަމަ ކޮށްފައިވާ ފަރާތްކުން ތަންތަނަށް އެއްވެ އުޅުން ހުުއްދަ ކުރަންފެށުމާއި އަދި މާސްކު އެޅުންވެސް މަޖުބޫރު ކޮށްފައި އޮންނަ އޮތުން ދޫކޮށްލުމަށްވެސް މިހާރުވަނި ހަމަޖެހިފައެވެ.
މި ހަފްތާގެ އާދީއްތަ ދުވަހުން ފެށިގެން މާތްވެގެންވާ ދެ ހަރަމްގައިވެސް ޖާގައިގެ އެންމެ ފުލް ކެޕޭސިޓީގައި އަޅުކަން ކުރަން ސައުދީ ސަރުކާރުން ވަނީ ހުޅުވާލާފައެވެ. މިއީ ކޯވިޑް19 ކާރިސާ ދުނިޔެއަށް އާންމު ވާންފެށި ފަހުންވެސް މި ދެމިސްކިތުގައި ކޮނޑާ ކޮނޑު ޖައްސައިގެން އަޅުކަން ކުރުމުގެ ފުރުސަތު ލިބިގެންދިޔަ ފުރަތަމަ ފަހަރެވެ.
ސައުދީގެރަސްމީ ޕްރެސް އޭޖެންސީއިން އާދީއްތަ ދުވަހު ރިޕޯޓު ކޮށްފައިވާ ގޮތުގައި، އެގައުމުގެ ކުޅިވަރު ކުޅޭތަންތަންވެސް މިހާރުވަނީ ދެޑޯޒް ފުރިހަމަ ކޮށްފައިވާ ފަރާތްތަކަށް އެއްވެސް ހުރަހެއް ނެތި ހުޅުވާލެވިފައެވެ.
ކޮމެންޓު ފޮނުވާ