ކޯވިޑް-19 ގެ ދަތި ހާލަތުން އަރައިގަތުމުގައި ދިވެހިރާއްޖެއިން ކޮށްފައިވާ މަސައްކަތަށް ޔޫ.އެން.ޑަބްލިއު.ޓީ.އޯގެ ސެކްރެޓަރީ ޖެނެރަލް ޒޫރަބް ތައުރީފް ކުރައްވައިފިއެވެ.
އޮކްޓޫބަރު 05 ން 07 ނިޔަލަށް ކުރިއަށް ގެންދިއުމަށް ހަމަޖެހިފައިވާ 15 ވަނަ ޔޫ.އެން.ޑަބްލިއު.ޓީ.އޯގެ އޭޝިއާ/ ޕެސިފިކް އެގްޒެކެޓިވް ޓްރެއިނިންގް ޕްރޮގްރާމް އޮން ޓޫރިޒަމް ޕޮލިސީ އެންޑް ސްޓްރެޓަޖީގެ ހުޅުވުމުގެ ރަސްމިޔާތު މިއަދު ވަނީ ޕެރެޑައިސް އައިލެންޑް ރިޒޯޓް އެންޑް ސްޕާގައި ކުރިއަށް ގެންގޮސްފައެވެ.
ހައިބްރިޑް ފޯމެޓަށް ކުރިއަށް ގެންދާ މި ް ޓްރެއިނިންގ ޕްރްގްރާމްގައި ޔޫ.އެން.ޑަބްލިއު.ޓީ.އޯގެ އޭޝިއާ/ޕެސިފްިކްގެ 07 ޤައުމަކުން 11 ބައިވެރިން ވަނީ އަމަލީ ގޮތުން ބައިވެރިވެފައެވެ. އަދި 18 ގައުމަކުން 37 ބައި ެވރިން އޮންލައިންކޮށް ބައިވެރިވެފައިވެއެވެ. މިރަސްމިއްޔާތު ޝަރަފުވެރިކޮށްދެއްވީ ޔޫ.އެން.ޑަބްލިއު.ޓީ.އޯގެ ސެކްރެޓަރީ ޖެނެރަލް ޒޫރަބް ޕޮލޮލިކަޝްވިލީ އަދި ޓޫރިޒަމް މިނިސްޓަރ ޑރ. އަބްދުالله މަޢުސޫމްއެވެ.
މިޓްރެއިނިންގް ޕްރޮގްރާމު ހުޅުވުމުގެ ރަސްމިއްޔާތުގައި ވާހަކަފުޅު ދައްކަވަމުން ޔޫ.އެން.ޑަބްލިއު.ޓީ.އޯގެ ސެކްރެޓަރީ ޖެނެރަލް ޒޫރަބް ވަނީ ކޮވިޑް-19 ގެ ދަތި ހާލަތުން އަރައިގަތުމުގައި ދިވެހިރާއްޖެއިން ކޮށްފައިވާ މަސައްކަތަށް ތައުރީފް ކުރައްވާފައެވެ. އަދި ދުނިޔޭގެ ފަތުރުވެރިކަން ކުރިއެރުމަށްޓަކައި ދިވެހިރާއްޖެ އާއި އެހެނިހެން ޤައުމުތަކުގެ އިސްވެރިން ކުރަމުންދާ މަސައްކަތްތަށް ވަރަށް ގާތުން ބަލަމުންދާ ކަމާއި ޔޫ.އެން.ޑަބް.ލިއު.ޓީ.އޯގެ ފުރިހަމަ އެއްބާރުލުން އަބަދުވެސް ލިބެމުންދާނެ ކަމަށްވަނީ ވިދާޅުވެފައެވެ.
މީގެ އިތުރުން މި ޓްރޭނިންގް ޕްރޮގްރާމްގެ ތެރެއިން ލިބޭ މަޢުލޫމާތުގެ ސަބަބުން ހުރިހާ ބައިވެރިންނަށްވެސް ޑޮމެސްޓިކް ފަތުރުވެރިކަން މެދުވެރިކޮށް ފަތުރުވެރިންނަށާއި ރަށްވެހިންނަށް ލިބޭ މަންފާ އިތުރު ކުރެވޭނެ ގޮތްތ ެ ައް އެނގިގެންދާނެކަންވެސް ސެކްރޓަރީ ޖެނެރަލް ވަނީ ފާހަގަކޮށްފައެވެ.
މިނިސްޓަރ ޑރ. އަބްދުالله މަޢުސޫމްގެ ވާހަކަފުޅުގައި ދިވެހިރާއްޖޭ ޓޫރިޒަމް ޕްރޮޑަކްޓް "ވަން އައިލެންޑް ވަން ރިޒޯޓް" ކޮންސެޕްޓުގެ ސަބަބުން އެހެން ޤައުމުތަކާއި ވާދަކުރުމުގައި ލިބޭ ބޮޑެތި ފައިދާތަކާއި، އެހެން މާކެޓްތައް ރާއްޖެ ގެނައުމަށްޓަކައި ޓޫރިޒަމް ސިންދަފާތުކޮށް ފަތުރުވެރިކަމުގެ ދާއިރާގައި އަންހެނުން ބާރުވެރި ކުރުމާއިއެކު، ރަށުފަތުރުވަރިކަން ކުރިއަރުވައި މާކެޓްކުރުމުގެ މުހިއްމުކަމުގެ މައްޗަށް އަލިއަޅުވާލާފައިވެއެވެ.
