ކެލާ ދާއިރާގެ މަޖިލިސް މެންބަރު އިބްރާހީމް ޝަރީފް، އެމްޑީޕީ ޤައުމީ މަޖިލީހުގައި މާލެ ދާއިރާއަށް ވާދަކުރައްވާ ސިފާ މުޙައްމަދަށް ގުޅުއްވާ ޖެއްސުންކުރާކަމުގެ ތުހުމަތު ސިފާކުރައްވައިފިއެވެ.
މިއަދު ކުރިއަށްދަ އެމްޑީޕީގެ ޤައުމީ މަޖިލީހުގެ އިންތިޚާބު ދަނީ ވަރަށް ވާދަވެރިކޮށެވެ. ޚާއްޞަކޮށް ރައީސް ޞާލިހުގެ ފެކްޗަނާއި، ރައީސް ނަޝިދުގެ ފެކްޝަންގެ ވާދަވެރިކަން ބޮޑުވެ އެއްބަޔަކު އަނެއްބަޔަކަށް ތަފާތު އިލްޒާމްތައް ދަނީ އަޅުއްވަމުންނެވެ. މި އިންތިޚާބުގައި އެންމެ ވާދަވެރީވެސް އެމްޑީޕީ މާލެ ދާއިރާގެ ރައީސްގެ ގޮނޑިއެވެ. މި ދާއިރާއަށް ވާދަކުރައްވަނީ މާލެ ސިޓީގެ ކުރީގެ މޭޔަރު ސިފާ މުޙައްމަދާއި، ޕްލޭނިން މިނިސްޓްރީގެ ސްޓޭޓް މިނިސްޓަރ އަކްރަމް ކަމާލުއްދީންއެވެ. އަކްރަމަކީ މިހާރުވެސް އެމްޑީޕީ ޤައުމީ މަޖިލީހުގެ މާލެ ދާއިރާގެ ރައީސްއެވެ.
މި އިންތިޚާބުގައި ސިފާއަށް ތާޢީދުކުރަނީ ރައީސް ނަޝިދުގެ ފެކްޝަނެވެ. އަދި އަކްރަމަށް ތާޢީދުކުރަނީ ރައީސް ޞާލިޙްގެ ފެކްޝަނެވެ. އިންތިޚާބުގެ ވާދަވެރިކަން ބޮޑުވެފައިވާއިރު، ސިފާ ކުރެއްވި ޓްވީޓެއްގައި ވިދާޅުވީ، ކެލާ ދާއިރާގެ އެމްޑީޕީ މެންބަރު އިބްރަހީމް ޝަރީފް، އޭނަގެ ފޯނަށް ގުޅުއްވާ ޖެއްސުންކުރަމުން ގެންދަވާކަމަށެވެ. ސިފާ ވިދާޅުވީ ކުރަންވާ ކަންކަމާއި ނުކުރަންވީ ކަންކަން ހުންނާނެކަމަށެވެ. އޭނާ ވަނީ މިއީ ވަރަށް ލަދުވެތިކަމެއްގެ ގޮތުގައިވެސް ސިފަކުރައްވާފައެވެ.
Kelaa Dhaaira ibrahim Shareef alhugadu phonah gulhuhvaa thiya kuraa jehsun huhtaalumah dhannavan . Alhuganduge number thiya beyfulhaku yah angivadaigannavaane . Kuran vaa kankamaai nukurani vaa kankan egen vaane. @ibusolih @RaeesNasheed @MDPSecretariat . Kadhuvethi
— Shifa Mohammed??? (@SifaMohammed) September 25, 2021
އެމްޑީޕީގެ ޤައުމީ މަޖިލީހުގެ އިންތިޚާބުގެ ވޯޓުލުން ފަށާފައިވަނީ މިއަދު ހެނދުނު 9 ޖެހިއިރުގައެވެ.
އިންތިހާބުގައި ޕްރޮވިންސްތަކާއި ސިޓީތަކާއި ދާއިރާތަކަށް 455 ބޭފުޅުން އިންތިހާބު ކުރުމަށް ހަމަޖެހިފައިވާއިރު، އިންތިހާބުގެ ވޯޓް ނެގުުމުގެ ކުރީން 165 ކެންޑިޑޭޓަކު ވަނީ ހޮވިފައެވެ. މި އިންތިޚާބުގައި 92،743 މީހުނަށް ވޯޓް ލެވޭނެ ކަމަށް އެޕާޓީން ވަނީ ބުނެފައެވެ.
މިދިޔަ މެއި މަހުގެ ހަވަނަ ދުވަހުގެ ރޭ ނަޝީދު އަވަހާރަކޮށްލަން ދިން ބޮމުގެ ހަމަލާއަށް ފަހު އެމްޑީޕީގެ އެތެރޭގެ މަސްރަހު ވަރަށް ބޮޑަށް ހޫނުވެގެން ދިޔައެވެ. އަދި މިއިންތިޚާބަކީ ދެބޭފުޅުންގެ ތެރެއިން އެމްޑީޕީގެ ރިޔާސީ ޓިކެޓް ހޯދުމަށް ކުރެވޭ ހަނގުރާމައިގެ ނިމުންކަމަށް ގިނަ ބަޔަކު ދެކެއެވެ.
