ބަތަލާ ޕަރީނިތީ ޗޯޕްރާ ޗުއްޓީ ހޭދަކުރުމަށް ރާއްޖެ އަތުވެއެޖެއެވެ.
މި ދަތުރުގައި ޕަރީނިތީ އާއެކު އޭނާގެ މަންމަ އާއި ބައްޕަ އަދި ބޭބެވެސް ވަނީ ރާއްޖެ އައިސްފައެވެ.
ކޯވިޑް-19 އަށް ފަހު ހާލަތު ރަނގަޅުވަމުން ދިއަ ވަރަކަށް ބޮލީވުޑްގެ ތަރިން ރާއްޖެ އަންނަ ވަރުވެސް ވަނީ އިތުރު ވެފައެވެ. މަޝްހޫރު ގިނަ އަދަދެއްގެ ތަރިން ފަހަކަށް އައިސް ރާއްޖޭގައި ޗުއްޓީ ހޭދަކޮށްފައެވެ.
ޕަރީނިތީ އާއިލާއާއެކު ޗުއްޓީ ހޭދަކުރަނީ އިންޓަކޮންޓިނެންޓަލް މޯލްޑިވްސް މާމުނަގައު ރިސޯޓްގައެވެ. ރާއްޖެ އަކީ ޕަރީނިތީއަށް އާތަނެއް ނޫނެވެ. މީގެ ކުރިން ވެސް އޭނާ ވަނީ ރާއްޖޭގައި ޗުއްޓީ ހޭދަކޮށްފައެވެ. ބުދަ ދުވަހު އޭނާ ވަނީ ރާއްޖެ އައިސް ނަގައިފައިވާ ފޮޓޯއެއް ޓްވީޓުކޮށްފައެވެ.
Fam jam, took out our cam! ?? Missing youuuu stoopidd boiii #SahajChopra ?? #NCSTravels @TransMaldivian @icmaamunagau #TMA pic.twitter.com/Ql5NYrY0ZH
— Parineeti Chopra (@ParineetiChopra) September 22, 2021
އޭގެ ފަހުން ޗުއްޓީގެ ގިނަ ފޮޓޯތަކެއް އޭނާ ދަނީ ސޯޝަލް މީޑިއާގައި ހިއްސާކުރަމުންނެވެ.
— Parineeti Chopra (@ParineetiChopra) September 23, 2021
32 އަހަރުގެ ޕަރީނިތީ ބޮލީވުޑަށް ނުކުމެފައިވަނީ 2011 ވަނަ އަހަރު، ރަންވީރު ސިންގްގެ ދެވަނަ ފިލްމް "ލޭޑީސް ވާސަސް ރިކީ ބޭލް" އިންނެވެ.
މި އަހަރަކީ ޕަރީއަށް ވަރަށް ބިޒީ އަހަރެކެވެ. އެގޮތުން މިއަހަރު މިހާތަނަށްވެސް އޭނާގެ ތިން ފިލްމްއެއް ވަނީ އާންމުންނާ ހަމައަށް އައިސްފައެވެ.
އޭނާގެ ކުރިއަށް ހުރި ފިލްމްތަކަށް ބަލާއިރު "އެނިމަލް" ފާހަގަކޮށްލެވެއެވެ. މި ފިލްމުން ޕަރިނީތީ އާއެކު ފެނިގެން ދާނީ ރަންބީރު ކަޕޫރެވެ.
