ފަލަސްޠީނުގެ މައްސަލަތަކަށް ހައްލު ގެނައުމަށް ގޮވާލައްވާ މިނިވަން ދައުލަތަކަށް ފުރުޞަތު ދިނުމަށް އދ.ގެ ޢާންމު މަޖިލީހުގައި ރައިސް އިބްރާހީމް މުޙައްމަދު ޞާލިޙް ގޮވާލެއްވި ގޮވާލެއްވުމަށް ފަލަސްޠީނުން ރާއްޖެއަށް ޝުކުރު އަދާކުރައްވައިފިއެވެ.
އދގެ ޢާންމު މަޖިލީހުގައި ރައީސް ދެއްވި ތަގްރީރްގައި ވަނީ، ދިވެހި ސަރުކާރާއި ދިވެހި އެންމެހައި ރައްޔިތުން މިތިބީ ފަލަސްޠީނު ރައްޔިތުންނާއެކުކަމަށް ވިދާޅުވެފައެވެ. އ.ދ.ގެ އެތައް އަހަރެއްގެ މަސައްކަތުންވެސް އެމީހުންގެ ޙައްޤުތައްވަނީ ކަށަވަރުކޮށްނުދެވިކަމަށާއި، އިޒްރޭލުން ފަލަސްޠީނުގެ އަންހެން ފިރިހެން، ކުދިބޮޑު އެތައް ބައެއްގެ ޙައްޤު ތަކުރާރުކޮށް ނިގުޅައިގަނެފައިވާކމަށް ރައީސް ވިދާޅުވިއެވެ.
ފަލަސްޠީންގެ ރައްޔިތންގެ ދިފާޢުގައި ރައީސް ދެއްކެވި ވާހަކަފުޅަށް ޝުކުރު އަދާކުރައްވާ އދ.އަށް ފަލަސްތީނުން ކަނޑައަޅާފައިވާ މިޝަން އިންކުރި ޓްވީޓެއްގައި ވަނީ ރައީސްގެ ތަގްރީރްގެ ވީޑިއޯ ހިމަނުއްވާފައެވެ. އަދި ރައީސްގެ ތގްރީރްގައި ދުނިޔެއަށް ވަރުގަދަ މެސެޖެއް ދެއްވިކަންވެސް ފާހަގަކޮށްފައިވެއެވެ.
#LIVE: The high-level General Debate starts today 21 Sept. at @UN. The President of the Republic of #Maldives @MVPMNY @foreignMV uses his platform to address the unjust and illegal #occupation of #Palestine. When will our time come for freedom? Thank you Maldives. #UNGA #UNGA76 pic.twitter.com/46WcI7owGG
— State of Palestine (@Palestine_UN) September 21, 2021
ރައީސްގެ ވާހަކަފުޅުގައި އަދުގެ ހޭލުންތެރި ޒުވާން ޖީލުގެ އެތައް ބަޔަކު، އެތައް ޤައުމަކުން ފަލަސްޠީނުގެ ޙައްޤުގައި ނުކުންނަނީ، ބޭއިންސާފާއި ލާއިންސާނިއްޔަތަށް ނޫނެކޭ ބުނަމުންކަމަށް ވިދާޅުވިއެވެ. އ.ދ.ގެ ޢާންމު މަޖިލީހާއި، ސެކިއުރިޓީ ކައުންސިލުން ފަލަސްޠީނުގެ ޙައްޤުގައި ނެރުނު ޤަރާރުތަކާއި، ނިންމުނު ނިންމުންތައް ގިނަކަމަށާއި، މަދުވަނީ ފަލަސްޠީންގެ ހައްގުކަމަށް ރައީސް ވިދާޅުވިއެވެ.
އ.ދ.ގެ ޢާންމު މަޖިލީހާއި، ސެކިއުރިޓީ ކައުންސިލުން ފަލަސްޠީނުގެ ޙައްޤުގައި ނެރުނު ޤަރާރުތަކާއި، ނިންމުނު ނިންމުންތައް ގިނަ. މަދު އެއްޗަކީ، އަމުދުން ނުވެސް ނެތް އެއްޗަކީ ފަލަސްޠީނުގެ ޙައްޤު. ކުޑަ ދައުލަތެއް ތަމްސީލުކުރާ މީހެއްގެ ހައިސިއްޔަތުން މިއަދު މިތާހުރެ މި ވާހަކަ އަޅުގަނޑަށް ދެއްކޭ ސަބަބެއް އެބަވޭ. އެއީ، ދުނިޔެއިން އަޅުގަނޑުމެން ދިވެހިރާއްޖެ ބަލައިގެންފައިވުން. މިލިއަނުން ޢަދަދު މަތި ފަލަސްޠީނުގެ ރައްޔިތުން ބަލައިގަތުމުން، ދުނިޔެއަށް އުނިވާ އެއްޗަކީ ކޮބައިތޯ. އެބަޔަކު އަޅުގަނޑު މިތާހުރެ ތަމްސީލުކުރާ ދިވެހިން ބޭނުންވަނީ އ.ދ.އިންނާއި، މުޅި ދުނިޔެއިން މިނިވަން ޤައުމެއްގެ ގޮތުގައި ފަލަސްޠީނު ބަލައިގަތުން.
ރައީސްގެ ވާހަކަފުޅުގައި ފަލަސްޠީނުގެ ރައްޔިތުންނަށް އެމީހުންގެ މިނިވަންކަމާއި، ޙައްޤުތަކާއި، އިމްތިޔާޒާއި، އިޚްތިޔާރުތައް ދޫކޮށްލުމަށް ގޮވާލެއްވިއެވެ. އަދި ފަލަސްޠީނުގެ މިނިވަން ދައުލަތަކަށް ވަކާލާތު ކުރުމުގައި ދިވެހިން އަބަދުވެސް ދެމިތިބޭނެކަމުގެ ޔަޤީންކަން ދެއްވިއެވެ.
