ބަތަލާ ތާޕްސީ ޕަންނޫގެ "ރަޝްމީ ރޮކެޓް" ޒީ5 އިން ޕްރިމިއަ ކުރަން ނިންމައިފިއެވެ.
ކޯވިޑް-19ގެ ސަބަބުން ގިނަ ފިލްމް ތަކެއް އަންނަނީ ޑިޖިޓަލް ޕްލެޓްފޯމްތަކުގައި ޕްރިމިއާ ކުރަމުންނެވެ.
އަންނަމަހު 15 ގައި މި ފިލްމް ޕްރިމިއާ ކުރުމަށް ނިންމައި މިހާރުވަނީ އިއުލާން ވެސް ކޮށްފައެވެ. ތާޕްސީ ވަނީ އޭނާގެ ސޯޝަލް މީޑިއާ އެކައުންޓް ތަކުން ފިލްމްގެ ޕޯސްޓަރު ހިއްސާ ކޮށްފައެވެ.
Get ready to run with Rashmi in this race on and off the track. She will need you in this one ??♀️?#RashmiRocket ready to take off on 15th October 2021 only on @zee5 pic.twitter.com/spUVDap0SH
— taapsee pannu (@taapsee) September 20, 2021
މީގެ އިތުރުން އިއްޔެ އާންމުކޮށްފައިވާ ފިލްމުގެ ޓްރެއިލަރުން އެކަނިވެސް ފިލްމުގެ ވަރުގަދަކަން ހާމަކޮށްދެއެވެ.
މި ފިލްމުގައި ތާޕްސީ ދައްކުވައިދީފައި ވަނީ ކާމިޔާބީތައް ހޯދަމުން ބާރުމިނުގައި ކުރިއަރާ، ގުޖުރާތަށް ނިސްބަތްވާ އަންހެން އެތުލީޓެއްގެ ރޯލެވެ. އަދި އޭނާއަށް ކުރިމަތިލާންޖެހޭ ޖެންޑަރ ޓެސްޓާއިއެކު، އޭނާއަކީ އޮޅުވާލައި މަކަރުހަދައިގެން އަންހެން އެތުލީޓެއްގެ ގޮތުގައި ކުރިއަރާ މީހެއްކަމަށް ބަލައި ގައުމީޓީމުން ބާކީކޮށްލައެވެ.
އެއަށްފަހު ގާނޫނީ ވަކީލެއްގެ އެހީގައި އެތުލެޓިކްސް އެސޯސިއޭޝަނާއި ދެކޮޅަށް ހިއުމަން ރައިޓްސް ވައިލޭޝަންގެ މައްސަލައެއް ކޯޓަށް ހުށަހަޅައި ކުރިއަށްދާ ކަންތައްތަކެއް ފިލްމުން ދައްކުވައިދެއެވެ.
އާކާޝް ކުރާނާ ޑައިރެކްޓްކޮށްފައިވާ މި ފިލްމު ޕްރޮޑިއުސް ކޮށްފައިވަނީ ރޯނީ ސްކްރޫވާލާ، ނޭހާ އަނަންދު އަދި ޕްރަންޖަލް ޚަންދިޔާއެވެ.
ތާޕްސީގެ އިތުރުން ޕްރިޔާންޝޫ ޕެއިންޔޫލީ، އަބީޝެކް ބަނާޖީ އަދި ސުޕްރިޔާ ޕާޓަކް މި ފިލްމުގެ މުހިންމު ރޯލުތަކުން ފެނިގެން ދާނެއެވެ.
ކޮމެންޓު ފޮނުވާ