ރަޝިއާގެ ސިޓީއެއް ކަމުގައި ޕާރމްގައި ހުރި ޔުނިވަރސިޓީއެއްގައި، ބަޑި ހިފައިގެން ހުރި މީހަކު ހަލަމާދީ، ޔުނިވަރސިޓީގެ 6 ކުއްޖަކު މަރާލައިފިއެވެ.
މިޑިއާ ރިޕޯޓުތައް ބުނާ ގޮތުގައި، ބަޑި ހިފައިގެން ހުރި މީހާ ރަޝިއާގެ ގަޑިން ހޯމަ ދުވަހުގެ ހެނދުނު ވަނީ ޔުނިވަސިޓީ ކެމްޕަހަށް ވަދެ ހަމަލާ ދޭން ފަށާފައެވެ. އަދި އޭނާ ދަރިވަރުންނަށް އަމާޒުކޮށް ހަމަލާ ދޭން ފެށުމާއެކު، ކްލާސްރޫމުތަކުގެ އެތެރޭގައި ތިބި ޓީޗަރުންނާއި ދަރުވަރުންވަނީ، ކްލާސް ރޫމްތައް މޭޒާއި ގޮޑިފަދަ ތަކެތި ބޭނުންކޮށްގެން ބަންދުކޮށް ކްލާސްރޫމްތަކުގެ އެތެރެއަށް ވަދެ އަމިއްލައަށް ބަންދުވެގެން ފައެވެ. އަދި އަނެއްބައި ދަރިވަރުން ފިލުމަށްޓަކާ ވަނީ، ޔުނިވަސިޓީގެ ކުޑަ ދޮރުތަކުންނާއި އަދި ފާރުމަތިން ބޭރަށް ފުއްމާލައިގެން ފިލަން މަސައްލަތް ކޮށްފައެވެ.
ރަޝިއާގެ ފުލުހުން ފަހުން މަޢުލޫމާތު ދީފައިވާ ގޮތުގައި ހަމަލާދިންމީހާ ވަނީ ހައްޔަރު ކޮށްފައެވެ. އަދި އޭނާ ހައްޔަރު ކުރަން އުޅުމުގެ ތެރޭގައި އޭނާ ޒަޚަމް ވެފައިވާ ކަމަށްވެސް ފުލުހުން ބުނެފައި ވެއެވެ. އަދި ފުލުހުން ބުނެފައި ވާގޮތުގައި ހަމަލާ ދީފައިވަނީ ޔުނިވަރސިޓީގެ ދަރިވަރެކެވެ.
ހަމަލާ ދިން މީހާ ބަޑި ހިފައިގެން ވަދެ، ޔުނިވަރސިޓީގައި އެވަގުތު ތިބި ދަރިވަރުންނަށް ހަމަލާ ދޭން ފެށިއިރު ޔުނިވަރސިޓީގެ ކެމްޕަހުގައި އެވަގުތު 3،000 ދަރިވަރުން ތިބިކަމަށް ރަޝިއާގެ ލޯކަލް މީޑިއާތަކުން ރިޕޯޓު ކޮށްފައި ވެއެވެ. އަދި މި ޔުނިވަރސިޓީއަކީ 12،000 ދަރިވަރުން ތައުލީމު ހާސިލްކުރަމުންދާ ޔުނިވަރސިޓީއެކެވެ.
ރަޝިއާގެ ވެރިރަށް މޮސްކޯގެ އިރުން 1،300 ކިލޯ މީޓަރު ދުރުގައި އޮންނަ އުރާލްސްގައި ހުން ޕާރން ޔުނިވަރސިޓީގައި މި ހާދިސާ ހިގާފައިވަނީ، ރަޝިއާގެ ގަޑިން ހޯމަ ދުވަހުގެ ހެނދުނު 11:00 ގައެވެ. އޮފިޝަލުން އެންމެ ފުރަތަމަ މައުލޫމާތު ދިނީ މި ހަމަލާގައި 8 ދަރިވަރަކު މަރުވެފައިވާ ކަމަށް ނަމަވެސް، ފަހުން މިއަދަދު ވަނީ 6 އަށް ބަދަލު ކޮށްފައެވެ.
Очевидцы сообщают о стрельбе в Пермском государственном университете. Студенты покидают здание через окна. pic.twitter.com/TFDpTR0rGV
— РЕН ТВ | Новости (@rentvchannel) September 20, 2021
ބައެއް ރަސްމީ ފަރާތްތަކާ ހަވާލާދީ މީޑިއާތަކުން ރިޕޯޓު ކޮށްފައިވާ ގޮތުގައި، މިހަމަލާ ދިން މީހާ، މިހަމަލާ ދީފައިވަނީ ގިނިކަންޏާއެވެ. އަދި އޭނާއަކީ އެއްވެސް ސިޔާސީ މަގުސަދެއް އޮތް، ނުވަތަ ދީނީ އެއްވެސް މަގުސަދެއް އޮތް މީހެއް ނޫންކަމަށް ވެއެވެ.
ސޯޝަލް މީޑިއާގައި އޭނާ ޝާއިއުކޮށްފައިވާ ބައެއް ޕޯސްޓްތަކުގައި އޭނާ ބުނެފައިވަނީ، އޭނާ ކުރިކަމެއް ކޮށްފައިވަނީ، އަނެއްކުންގެ މައްޗަށް އޮންނަ ރުޅިވެރި ކަމެއްގެ ސަބަބުން ކަމަށާއި، އަދި އޭނާގެ ހަމަ އެކަނި މަގުސަދަކީ އަނެކުންނަށް ގެއްލުން ދިނުން ކަމުގައެވެ.
މިހާދިސާ ތަހުގީގު ކުރަމުންދާ ފަރާތްތަކުން ބުނެފައިވަނީ، ހަމަލާ ދިން މީހާއަކީ ޕާރން ޔުނިވަރސިޓީގެ ދަރިވަރެއް ކަމުގައެވެ.
