ސުޕްރީމް ކޯޓުގައި ކުރިއަށްދާ ކުރީގެ ރައިސް ޢަބްދުﷲ ޔާމީން ޢަބްދުލްޤައްޔޫމްގެ އިސްތިއުނާފީ މައްސަލާގައި އެމަނިކުފާނުގެ ފަރާތްޕުޅުން ހުށައަޅާ ނުކުތާތައް ހުށައަޅައި ނިންމާލައިފިއެވެ.
ރައީސް ޔާމީންގެ މައްޗަށް ކްރިމިނަލް ކޯޓުން އިއްވާ އަދި ހައިކޯޓުން ތާޢީދުކޮށްފައިވާ ފަސް އަހަރު ދުވަހަށް ޖަލަށްލައި ފަސް މިލިއަން ޑޮލަރުން ޖޫރިމަނަކުރި ހުކުމުގެ އިސްތިއުނާފްގެ މައްސަލާގައި އިސްތިއުނާފީ ނުކުތާތައް މިއަދު ނިންމާލީ ފަސް އަޑުއެހުމުންނެވެ. މި ނުކުތާތައް ހުށައަޅާ ނިންމާލިއިރު އޮތީ އެ ނުކުތާތައް ފާހަގަކުރުމަށް ދިން ވަގުތުގައި ބާކީ ފަނަރަ މިނެޓެވެ. ރައީސް ޔާމީންގެ ފަރާތްޕުޅުން ވަނީ 22 ނުކުތާއެއް ތަފްސީލްކޮށް ހުށައަޅުއްވާފައެވެ.
ރައީސް ޔާމީންގެ ފަރާތްޕުޅުން ހުށައަޅާ ނުކުތާތައް ހުށައަޅާ ނިންމާލުމާއި ގުޅިގެން ދެން އޮންނާނީ ދައުލަތުގެ ފަރާތުން ޖަވާބުދާރީވުމެވެ. މި މައްސަލާގައި ދެން އަޑުއެހުމެއް އޮންނާނީ އަންނަ ބުރާސްފަތި ދުވަހުއެވެ.
މި މައްސަލައިގެ އަޑުއެހުންތައް ފަށާފައިވަނީ މިދިޔަ މަހުގެ 12 ވަނަ ދުވަހުއެވެ. މިއަދު ބޭއްވި އަޑުއެހުމުގައި މައިގަނޑު ގޮތެއްގައި ވާހަކަދައްކާފައި ވަނީ މަނީލޯންޑަރިންގެ ކުށް ދައުލަތުން މާނަކޮށްފައި ވަނީ ގޯސްކޮށް ކަމަށް ހުށަހެޅި ނުކުތާ އާއި ޔާމީންގެ މައްޗަށް ތުހުމަތުކޮށްފައިވާ ކުށް ޝައްކެތް ނެތް މިންވަރަށް ސާބިތު ނުވާ ކަމަށް ބުނެ ހުށަހަޅާފައިވާ ނުކުތާތަކަށެވެ.
ރައީސް ޔާމީން ވިދާޅުވީ، އިސްލާމިކް ބޭންކުގައި އޮތް އެމަނިކުފާނުގެ ކަރަންޓު އެކައުންޓަކުން އިންވެސްޓް މަންޓް އެކައުންޓަކަށް އެފައިސާ ޓްރާންސްފަރ ކުރުމަކީ ލޯންޑަރ ކުރުންކަމަށް ނުބެލެވޭނެކަމަށެވެ.
އެމަނިކުފާނު ބޭޏުންފުޅުވީ ސީޔާސީ މަސައްކަތްތަކަށް ފުދޭވެރެއްގެ ފައިސާ އަތަށް ލިބިފައި ހުރުމުން އެފައިސާ ޑޮލަރަށް ހަދައި ރަނގަޅު އިންޓްރެސްޓް ރޭޓެއް ލިބޭ އެކައުންޓެއްގައި ބެހެއްޓުމަށްކަމަށާއި، އެފައިސާގައި އަތްނުލުމަށް ޤާނޫނީ އެއްވެސް އިދާރާއަކުން އަންގާފައި ނުވާކަމަށެވެ.
އަޅުގަނޑަށް ލިބިފައި ހުރި ފައިސާ މާރުކޮށްފައި ދެތިން ހަތަރު ފަހަރެއްގެ މަތިން ޑިޕޮސިޓްތަކެއް ހެދީ. އެއީކީ ލޭޔަރިންއެއްނޫން. ލޭޔަރިންއަށް ނުވާނީ ކޮންމެ ފަހަރަކުވެސް އަލުގަނޑުމިކުރަނީ ވަކި ޑިޕޮސިޓެއް، ވަކި ޗެކެއް. ފުރަތަމަ އެސްއޯއެފްގެ ޗެކެއް އިސްކާމިކް ބޭންކުގައި ހުރި އަޅުގަނޑުގެ އެކައުންޓަކަށް ދެން އެެހެން ޗެކެއް. ހަމަ އެޗެކު ވިތްޑްރޯ ކުރިގޮތަށް އެތަނުގައި އެބަހުރި.
– ރައީސް ޔާމީން ވިދާޅުވެފައިވެއެވެ.
ރައީސް ޔާމީންގެ މި މައްސަލާގައި އިސްތިއުފާގެ ނުކުތާތައް ހުށައަޅަ ނިންމާލާފައިވާއިރު، އިސްތިއުނާފު މައްސަލައިގެ އަޑުއެހުންތައް ދިގު ދެމިގެންދާތީ އުނގަނޑުގައި މައްސަލަ ހުންނާތީ، ކުރުކޮށްދިނުމަށް އެދުނުގޮތަށް އެކަން ކޮށްދިނުމަށް ސްޕްރީމް ކޯޓުން މިއަދު ނިންމާފައިވެސްވެއެވެ.
މިއަދުގެ ޝަރީއަތް ފަށަމުން ރިޔާސަތުގައި އިންނެވި ފަނޑިޔާރު މަހާޒް އަލީ ޒާހިރު ވިދާޅުވީ، ޔާމީންގެ ފަރާތްޕުޅުން ހުށަހަޅުއްވާފައިވާ ޑޮކްޓަރުންގެ ލިޔެކިއުންތާއި ސިއްޚީ ލިޔެކިއުންތަކަށް ރިއާޔަތް ކުރެއްވުމަށް ފަހު، މިއަދުގެ ޝަރީއަތް މެންދުރުފަހުން ކުރިއަށް ނުގެންދަވަން ނިންމަވާފައިވާ ކަމަށެވެ. ނަމަވެސް ސުޕްރީމް ކޯޓުގެ ޝެޑިއުލް އިން ޖާގަ ނުލިބިއްޖެނަމަ ކުރިއަށް އޮތްތަނުގައި މިމައްސަލައިގެ ޝަރީޢަތް މެންދުރުފަހު ވެސް ކުރިއަށް ގެންދަން ޖެހިދާނެކަމަށް ފަނޑިޔާރު މަހާޒް އަލީ ޒާހިރު ވިދާޅުވިއެވެ.
ގއ. ވޮޑުމުލާ ކުއްޔަށް ދޫކޮށްގެން ލިބުނު ކަމަށް ބުނާ އެއް މިލިއަން ޑޮލަރުގެ މައްސަލައިގައި ރައީސް ޔާމީންގެ މައްޗަށް އުފުލި މަނީ ލޯންޑަރިންގެ ދައުވާ ސާބިތުވެ، އެމަނިކުފާނު ފަސް އަހަރު ދުވަހަށް ޖަލަށް ލުމަށާއި ހަ މަސް ދުވަހުގެ ތެރޭގައި ފަސް މިލިއަން ޑޮލަަރު މީރާއަށް ދެއްކުމަށް ހުކުމް ކުރީ ނޮވެމްބަރު 28، 2019 ގައެވެ. ދަށު ކޯޓުގެ ހުކުމަށް ހައިކޯޓުން ތާއީދުކޮށް މައްސަލަ ނިންމީ މިދިޔަ ޖެނުއަރީ މަހުގެ 21 ވަނަ ދުވަހުއެވެ.
މި މައްސަލައިގައި އިސްތިއުނާފް އަޑުއެހުންތައް ފަށައިފައި ވަނީ މިދިޔަ އާދީއްތަ ދުވަހު އެވެ. މިއަދުގެ 12:00 އާއި ހަމައަށް ކުރިއަށް ގެންގޮސްފައި ވަނީ މި މައްސަލައިގެ ތިން ވަނަ އަޑުއެހުމެވެ. އަދިވެސް ހުށަހަޅަމުން ދަނީ ރައީސް ޔާމީންގެ ފަރާތްޕުޅުން ހުށަހަޅާފައިވާ 22 އިސްތިއުނާފީ ނުކުތާތަކެވެ.
