މުޖްތަމަޢަށް ނުރައްކާތެރި ފަރާތްތައް ބަންދުގައި ބޭތިއްބޭނެ ގޮތައް ޓެރަރިޒަމް މަނާކުރުމުގެ ޤާނޫނުގެ ތެރެއިން ޖާގަ އެބައޮތްކަމަށާއި، އެފަދަ ފަރާތްތައް ހިފާ ހައްޔަރުކޮށް، މޮމިކޮމް އަމުރު ނެރުމުގެ ބާރު ޤާނޫނުން ލިބިދީފައިވާކަމަށް ބަންޑާރަ ނާއިބް އިބްރާހިމް ރިއްފަތު ވިދާޅުވެއްޖެއެވެ.
މުޖްތަމަޢަށް ނުރައްކާތެރި ފަރާތްތައް ބަންދުގައި ބޭތިއްބޭނެ ގޮތެއް ޓެރަރިޒަމް މަނާކުރުމުގެ ޤާނޫނުގެ ތެރެއިން އަދިވެސް މަގުދައްކައި ނުދޭކަމަށާއި، އެފަރާތްތައް ބަންދުން ދޫކޮށްލައި ރީހެބިލިޓޭޝަން ޕްރޮގްރާމެއް ހިންގުމަށް ދައުލަތުގެ ބެލުމުގެ ދަށުގައި ބައިތިއްބާކަށް ޖާގަނުދޭކަމަށް ހޯމް މިނިސްޓަރ ވިދާޅުވެފައިވާކަމަށްބުނެ އުނގޫފާރު ދާއިރާގެ މެންބަރު މުޙައްމަދު ވަޙީދު، އެޓަރނީ ޖެނެރަލް އަލްއުސްތާޛު އިބްރާހީމް ރިފްޢަތަށް ކުރެއްވި ސުވާލުގައި ބަންޑާރަ ނާއިބް ވިދާޅުވީ ނުރައްކާތެރި މީހުން ހިފާ ހައްޔަރު ކުރުމަށް ޤާނޫނީ ގޮތުން އެއްވެސް ހުރަހެއް ނެތްކަމަށެވެ.
މުޖުތަމައަށް ނުރައްކާތެރި މީހުންގެ މައްސަލަ ހައްލުކުރުމަށް ޓެރަރިޒަމް މަނާކުރުމުގެ ގާނޫނުގެ ދަށުން ދެ އިޖުރައާތެއް އޮތް ކަން ވެސް ބަންޑާރަ ނައިބު ފާހަގަ ކުރެއްވި އެވެ. އެގޮތުން ވިދާޅުވީ މޮނިކޮން އަމުރު ނެރެގެން މީހުން ހައްޔަރު ކުރަން ހޯމް މިނިސްޓަރަށް ބާރު ލިބިގެންވާ ކަމަށާއި އަދި އާންމު ހާލަތުގައި މީހުން ހައްޔަރުކުރާ އުސޫލުން ހައްޔަރު ކޮށްގެން ބަންދުގައި ބައިތިއްބައިގެން މީހުން ރިހިބިލިޓޭޓް ކުރުމުގެ ފުރުސަތު ވެސް ގާނޫނުގައި އެބައޮތް ކަމަށެވެ.
ބަންޑާރަ ނާއިބް ވަނީ ޓެރަރިޒަމް މަނާ ކުރުމުގެ ޤާނޫނުގެ ދަށުން ހޯމް މިނިސްޓަރަށާއި، ފުލުހުންނަށް ލިބިދީފައިވާ ބާރުތައް ހިއްސާ ކޮށްދެއްވާފައެވެ. ބަންޑާރަ ނާއިބް ވިދާޅުވީ، ޤާނޫނުގެ ތެރެއިން ޓެރަރިޒަމްގެ ކުށުގެ ގޮތުގައި 12 ކުށެއް ކަނޑައަޅާފައިވާކަމަށެވެ. މުޖުތަމައަށް ނުރައްކާތެރި މީހުންނަށް ހިފާ ހައްޔަރުކޮށް އެފަދަ މީހުންގެ މައްޗަށް މޮނިކޮމް އަމުރުނެރުމުގެ ބާރު ހޯމް މިނިސްޓަރަށް ޤާނޫނުން ލިބިދީފައިވާކަމަށެވެ. އަދި އެފަދަ މީހުންގެ މައްޗަށް މޮނިކޮމް އަމުރު ނެރުމަށް ހައިކޯޓަށް ގޮސްފިނަމަ މިހާތަނަށް އެއަމުރު ނެރެދީފައިވާކަމަށް ބަންޑާރަ ނާއިބް ވިދާޅުވިއެވެ.
މޮނިކޮން އަމުރަކީ ދިވެހިރާއްޖޭގެ ޓެރަރިޒަމް މަނާކުރުމުގެ ގާނޫނުގައި ކަނޑައަޅާފައިވާ ކުށް ކުރާކަމަށް ތުހުމަތު ކުރެވޭ މީހުންގެ ތެރެއިން، އެކަށީގެންވާ ތުހުމަތެއްގެ މައްޗަށް ބިނާކޮށް، މުޖުތަމައުއަށް ނުރައްކަލެއް ކުރިމަތިކޮށްފާނެ ކަމަށް ހޯމް މިނިސްޓަރަށް ފެންނަ މީހުން 'މޮނިޓަރކޮށް ކޮންޓްރޯލްކުރުމަށް' ކޯޓުން ނެރޭ އަމުރެކެވެ.
ބަންޑާރަ ނާއިބް ވިދާޅުވީ މިނިކޮމް އަމުރަކީ ޤާނޫނުގައި އެއްއަހަރު ދުވަހަށް ނެރެވޭ އަމުރެއްކަމަސް ބުނެފައިވީނަމަވެސް އެއަށްވުރެއް ދިގު މުއްދަތަށްވެސް އަމުރު ނެރެވޭގޮތަށް ޤަނޫނުން ޖާގަ ދީފައިވަކަމަށެވެ. އަދި އަމުރު ނެރޭ މީހާގެ މައްޗަށް އެއްފަރަށްވުރެއް ގިނަ ފަހަރަށްވެސް އަމުރު ނެރެވިދާނެކަމަށެވެ.
ހަމައެހެންމެ ޤާނޫނުގެ ތެރެއިން ޓެރަރިސްޓް ހަނގުރާމަތަކާއި، އެފަދަ ފަރާތްތަކުގެ ގޮތުގައި ބެލެވޭ މީހުންނަށް ރިހިބިލިޓޭޝަން ޕްރޮގުރާމު ހިންގުމުގެ ބާރުވެސް ހޯމް މިނިސްޓަރަށާއި، ފުލުހުންނަށް ލިބިދީފައިވާކަމަށެވެ. ބަންޑާރަ ނާއިބް ވިދާޅުވީ ޤާނޫނީ މިހާރު އަމަލު ކުރަމުންދާ ޓެރަރިޒަމް މަނާ ކުރާ ޤާނޫނުގައި ހުރި ކަންބޮޑުވުންތަކަށް ހައްލު ގެނައުމަށް ފުލުހުންނާއި ހޯމް މިނިސްޓްރީއާއި އެކު ކުރެވުނު މަޝްވަރާތަކަށްފަހު މިހާރު މަޖިލީހަށް ބިލެއް ފޮނުވާފައިވާނެކަމަށެވެ. މިއާއިއެކުވެސް އެ އިދާރާތަކުގެ ހުރި ކަންބޮޑުވުންތަކަށް ހައްލުތަކެއް ލިބިގެންދާނެކަމަށެވެ.
މިއަދުގެ ޖަލްސާގައި މެމްބަރުންވަނީ މުޖުތަމައުގައި ނުރައްކާތެރި ކުށްވެރިން މިހާރުވެސް އުޅެމުންދާތީއާއި، އަދި ޚާއްސަކޮށް، ޓެރަރިޒަމަށް ތުހުމަތު ކުރެވޭ ގިނަ މީހުން އުޅެމުންދާތީ ވަރަށް ބޮޑަށް ކަންބޮޑުވުން ފާޅު ކޮށްފައެވެ.
