ކެލާދާއިރަގެ މެމްބަރު އިބްރާހިމް ޝަރީފް މިއަދު ފިއްލަދުއަށް ދިއުމުން އެރަށު ޒުވާނުން ނިކުމެ އޭނާގެ އިސްތިއުފާއަށް ގޮވައި މުޒާހަރާ ކޮށްފިއެވެ.
ޝަރީފް މިއަދު ފިއްލަދުއަށް ދިއުމުން ފިއްލަދޫ ޒުވާނުން ވަނީ ދައްޕަރު މައްސަލާގައި ވަރަށް ބޮޑަށް ފާޑުކިޔާފައެވެ. ފާޑުކުޔުންތައް އަމާޒުކޮށް ޒުވާނުން ކިޔަމުންދިޔަ އެއްވެސް އެއްޗަަށް އޭނާ އެއްޗެއް ބުނެފައި ނުވެއެވެ. ޒުވާނުން ގޮވަމުން ދިޔައީ މަޤާމުން އިސްތިއުފާ ދެއްވުމަށާއި، ވެފައިވާ ވައުދުތަކާއި ޚިލާފް ވެފައިވާކަމަށެވެ. އަދި ދައްޕަރަކީ ފިއްލަދޫ އިހްތިޞާޞްގައި ހިމެނޭ ރަށަކަށްވާއިރު، އެރަށް ފިއްލަދޫގެ އިހުތިސާސުޔން ވަކި ކުރުމަކީ ގަބޫލު ކުރެވޭނެ ކަމެއް ނޫންކަމަށެވެ.
ފިއްލަދޫގެ އިހުތިޞާސުން ދައްޕަރު ވަކި ނުކުރެނެ. އެރަށް ވިއްކާލަން އުޅެނީ އިބްރާހިމް، އިސްތިއުފާދީ، ތިއީ ޚާއިނެއް. އިސްތިއުފާދީ.
– ފިއްލަދޫ ޒުވާނުން ގޮވަމުން ގޮސްފައިވެއެވެ.
Filladhoo Uthuru Dhapparu sarahadhu Filladhoo ihthisasun vakikoh vikkalumuge enme Adeega huree Kelaa dhaaira ge MP Ibrahim Shareef kamah Filladhoo zuvaanun thuhumathu koh MP Shareef eh rashah dhiyumun nuruhun faalhu koffi.https://t.co/KPYtkgJWYZ pic.twitter.com/W0Fe81uZHf
— #MvCrisis (@MvCrisis) September 19, 2021
2010 އަހަރު ހއ.ދައްޕަރަކީ ފަޅުރަށެއްގެ ގޮތުގައި ކަނޑައަޅައި، އެރަށުގައި ރިސޯޓެއް ތަރައްޤީކުރުމަށް ބަޔަކާއި ހަވާލުކުރިއެވެ. ނަމަވެސް ރިސޯޓް ތަރައްޤީކުރުން އެރަށުގައި ކުރިއަށް ގެންގޮސްފައެއް ނުވެއެވެ. އޭގެ ފަހުން މިދޔަ އަހަރުގެ މާރިޗް 18 ގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވަނީ ފިއްލަދޫގެ އިހުތިޞާސްގެ ތެރޭގައި ދައްޕަރު ހިމަނުއްވާފައެވެ. ނަމަވެސް ފަހުން ރައީސް އޮފީހުން ނެރުނު ގަރާރެއްގައި ވަނީ ފިއްލަދޫގެ އިދާރީ ދާއިރާގެ އިހުތިޞާސްގެ ތެރެއިން ދައްޕަރު ވަކިކޮށްފައެވެ.
ދައްޕަރަކީ ހއ.ފިއްލަދޫގެ އުތުރުން އެރަށާގުޅިފައި އޮންނަ ރަށެކެވެ.ފިއްލަދޫގެ އިހްތިސާސްގެ ތެރޭގައި އޮތް ދައްޕަރު އެރަށުގެ އިގްތިސާސް އިން ވަކިކުރުމާ ގުޅިގެން ޓްރާންސްޕޭރެންސީ މޯލްޑިވްސްއިންވެސް ވަނީ ކަންބޮޑުވުން ފާޅުކޮށްފައެވެ.
