ޖެންޑަރ މިނިސްޓްރީން ދައުލަތުގެ ބެލުމުމުގެ ދަށުގައި ތިބޭ ކުދިންނަށް އިހުމާލުވަމުންދާކަމަށް ބުނެ މާދަމާރޭ މާލޭގައި އިހުތިޖާޖުކުރަން ނިންމައިފިއެވެ.
ޕީޕީއެމް އޮފީހުގައި ނޫސްވެރިންނާއި ބައްދަލުކުރައްވާ ޕީޕީއެމް ހަރަކާތް ކޮމިޓީގެ ޗެއަރ އަދި ހޯރަފުށީ ދާއިރާގެ ކުރީގެ މެންބަރު މުޙައްމަދު އިސްމާޢީލް ވިދާޅުވީ މުޒާހަރާ އޮންނާނީ މާދަމާ ރޭ 830ގައި ކަމަށެވެ. މިއީ ފިޔަވަތީގައި ހިނގާ ހާދިސާތަކާއި ދެކޮޅަށް އަޑުއުފުލުމަށް ގޮވާލާ ބާއްވާ އިހުތިޖާޖެއްކަމަށާއި، ޖެންޑަރ މިނިސްޓްރީގެ އިހުމާލުން ހިނގާ ކަންކަމާއި ގުޅިގެން އަޑުއުފުލުމަށް ވީހާވެސް ގިނަ ބަޔަކު ބައިވެރިވުމަށް އޭނާ ވަނީ އެދިވަޑައިގެންފައެވެ. މިއީރާއްޖޭގެ ޤާނޫނުތަކާިއ އިސްލާމީ އުސޫލްތަކުގެ ތެރެއިން ހިންގާ ހަރަކާތަކަށްވާނެކަމަށާއި، މިއީ ހަމަނުޖެހުމެއް ހިންގަން ކުރާ ކަމެއް ނޫންކަމަށް މުޙައްމަދު އިސްމާޢީލް ވިދާލުވިއެވެ. އޭނާ ވަނީ ފުލުހުންވެސް މި އިހުތިޖާޖަށް ހުރަސް ނާޅައި، އިހުތިޖާޖުގެ ބައިވެރިންނަށް ހިމާޔަތް ދިނުމަށް ގޮވާލައްވާފައެވެ.
އެއްގޮތަކަށްވެސް ޕީޕީއެމް ޕީއެންސީ ޕްލެޓްފޯމްގައި ތިއްބަސް މިއީ ސިޔާސީ މަޤްޞަދެއްގައެއްނޫން. ރާއްޖޭގައި ގެއްލެމުންދާ އަސާސްތައް ނެގެހެއްޓުމަށް މި އަޅުގަނޑުމެން މަސައްކަތްކުރަނީ.
– މުޙައްމަދު އިސްމާޢީލް
މި އިހްތިޖާޖު ފެށުމަށް ހަމަޖެހިފައިވަނީ ޕީޕީއެމް އޮފިސް ދޮރުމަތިންނެވެ. މުޙައްމަދު އިސްމާޢީލް ވިދާޅުވީ އައު ސިޔާސީ ޕާޓީތައް ހަދައިގެން ޤައުމުގެ ހައްގުގައި މަސައްކަތްކުރާނެކަމަށް ބުނެ، ޤާނޫނީ ހައިސިއްޔަތު ލިބޭ އެއްވެސް މަސައްކަތެއް ނުކުރާކަމަށްވެސް އޭނާ ވިދާޅުވިއެވެ. އެެއީ ޖޯކެއްކަމަށްވެސް މުޙައްމަދު އިސްމާޢީލް ސިފަކުރެއްވިއެވެ. އޭނާ ވިދާޅުވީ، ޤައުމުގެ އަސާސްތައް ހިފަހައްޓަވާ ހަމައެކަނި ލީޑަރަކީ ރައީސް ޔާމީންކަމަށެވެ.
އިދިކޮޅުން އިސްނަގައިގެން މާދަމާ ބާއްވާ އިހުތިޖާޖަކީ ސިލްސިލާކޮށް ބާއްވާނެ ހަރަކާތްތަކެއްކަމަށްވެސް ވަނީ އިއުލާންކޮސްފައެވެ.
"ފިޔަވަތި" ގައި މައްސަލަތައް ފުނިޖެހި ބޮޑުވަމުންދާތާ އެތައް ދުވަހެއް ވަނީ ވެފައެވެ. އެ ތަނުގައި ތިބޭ ކުދިންގެ ފަރާތުން އަހުލާގީ ވަަރަށް ގިނަ މައްސަލަތައް ފާހަގަވެ އެ ކުދިންގެ އުޅުން ވަނީ ވަރަށް ބޮޑަށް ގޯސްވެފައެވެ. އެތަނުގައި ތިބި ކުރިން ފުރާޅަށް އަރައި ތަނުގައި ހުޅުޖަހައި ގިނަ ރައްޔިތުން ތަކެއް އެސަރަހައްދަށް ޖަމާވެ، މީޑިއާތަކުގެ ފާޑުކިޔުން އަމާޒުވުމުން މިނިސްޓްރީ އަށް އަމާޒުވުމުން ޖެންޑާއިން ވަނީ ބަޔާނެއް ނެރަފައެވެ.
މިބަޔާނުގައި ޖެންޑާ މިނިސްޓްރީން ބުނެފައިވަނީ ވޭދުވެދިޔަ 3 ދުވަހު އެމަރުކަޒުގައި ބައެއްކުދިންގެ ފަރާތުން ފެންނަ ކަންތަކާއި ގުޅިގެން މިނިސްޓްރީ އޮފް ޖެންޑަރ، ފެމެލީ އެންޑް ސޯޝަލް ސަރވިސް އާއި ޗައިލްޑް އެންޑް ފެމިލީ ޕްރޮޓެކްޝަން ސަރވިސްގެ ޓީމެއް ގުޅިގެން މަސައްކަތްތަކެއް ފަށާފައިވާކަމަށެވެ. އަދި މިވަތުގުވެސް މިނިސްޓްރީ އާއި ޗައިލްޑް އެންޑް ފެމިލީ ޕްރޮޓެކްޝަން ސަރވިސްގެ މުވައްޒަފުން އެމަރުކަޒުގެ ކުދިންނާއި މުވައްޒަފުންނާއި އެކު މަސައްކަތްކުރަމުން ދާކަމަށެވެ،
