ކޯޓު ތަކުގެ ފަނޑިޔާރުން ހުކުމް ކުރާއިރު، ކުރާ ހުކުމަކީ އަދުލުވެރިކަމާއި އިންސާފުވެރިކަމާއިއިކު އެއްވެސް ރައްޔިތެއްގެ ހައްޤަކަށް އުނިކަން ނާންނާނެހެން ކުރާ ހުކުމަކަށް ވާންޖެހޭ ކަމުގައި ދިވެހި ރާއްޖޭގެ އުއްތަމަ ފަނޑިޔާރު އަލްއުޘްތާޒު އަހްމަދު މުއުތަސިމް އަދުނާނު ވިދާޅުވެއްޖެއެވެ.
ފަނޑިޔާރުން ހުވާކުމަށް އިއްޔެ ޖޭއެސްސީގައި ބޭއްވި ރައްމިއްޔާތު ޝަރަފްވެރިކޮށްދެއްވައި ވާހަކަފުޅު ދައްކަވަމުން އުއްތަމަ ފަނޑިޔާރު ވިދާޅުވީ ފަނޑިޔާރުންނަކީ ރާއްޖޭގެ އުދުލުވެރިކަމާއި އިންސާފު ގާއިމްކުރުގެ އެންމެ މަތީ ޒިންމާ އޮތް ފަރާތްތައްކަމަށެވެ. ފަނޑިޔާރުންނަކީ ކޯޓުން ބޭރުގައިވެސް އިސްލަމީ އުސޫލު ހިފަހައްޓައި، ޤާނޫނު އަސާސީއާއި ޤާނޫނަށް ފުރިހަމައަށް ބޯލައި އިހުތިރާމް ކުރަންޖެހޭނެ ބައެއް ކަމަށެވެ.
އަދުލުއިންސާފު ޤާއިމްކުރުމުގެ ޒިންމާއަކީ ބޯމަތރީގައި އޮތް އުޑުގެ ބަރުދަނަށް ވުރެ ބަރު މިން ކުޑަވާނެ އެއްޗެކޭ އަޅުގަނޑު ނުދައްނަވާނަން. ތެދުވެރިވާންޖެހޭނެ. ދެހަސްމުން ދޭތެރޭގައި ތަފާތުވުމެއް އޮވެގެން ނުވާނެ. ހަސްމުންނަށްވެސް ޝަރީއަތުގެ މަޖިލިސް އަޑުއަހާ މީހުންނަށްވެސް އަދި އަޅުގަނޑުމެންގެ ހުކުމް ކިޔާ މީހުންނަށްވެސް އެކަން އެގެން ޖެހޭނެ.
– އުއްތަމަ ފަނޑިޔާރު ވިދާޅުވިއެވެ.
މީގެ އިތުރުން އުއްތަމަ ފަނޑިޔާރު ވިދާޅުވީ ރާއްޖޭގެ ގާނޫނުތައް ދެމެހެއްޓުމުގައި ވެސް ފަނޑިޔާރުން އިސްކަންދޭންޖެހޭކަމަށެވެ. އަދި އެއީ ހަމަހަމަކަމާއި އެއްގޮތްކަން ކޯޓުތަކުގެ ހުކުމްތަކުގައި ގެނެސްދިނުމަށްޓަކައި މުހިންމުކަމެއްގެ ގޮތުގައި ވެސް އުއްތަމަ ފަނޑިޔާރު ސިފަކުރެއްވިއެވެ. އަދި ހުކުމްކުރާއިރު އެ ހުކުމް ރައްދުވާ ފަރާތަށް ސާފުކޮށް އެނގޭނެހެން ހުކުމް ބައްޓަންކުރުމަށް އުއްތަމަ ފަނޑިޔާރުވަނީ ނަސޭހަތްތެރިވެވަޑައިގެންފައެވެ. މީގެ އިތުރުން ހުކުމް ލިޔާއިރު އެ ހުކުމް ގިނަ ބަޔަކާ މަޝްވަރާކޮށްގެން ލިޔުމަކީ ވެސް އެންމެ އެދެވިގެންވާކަމެއް ނޫންކަމަށް ވެސް ވިދާޅުވިއެވެ.
ކޯޓުތަކުން ކުރާ ހުކުމަކީ އޭގެ ސަބަބުން އެއްވެސް މީހެއްގެ ހައްގަކަށް އުނިކަން އަންނާނޭގޮތަކަށް ކުރެވޭ ހުކުމަކަށް ވެގެން ނުވާނެކަމަށް އުއްތަމަ ފަނޑިޔާރު ވިދާޅުވިއެވެ. ހުކުމްތައް ވާންޖެހެނީ ޤާނޫނާއި އެގޮތްވާ ގޮތުގެ މަތީން ތެދުވެރިކަމާއި އަމާނާތް ތެރިކަމައިއެކު، ކުރެވޭ ހުކުމަކަން ވާންޖެހޭކަމަށެވެ. ފަނޑިޔާރުންނަކީ އަމިއްލަ ދިރިއުޅުމުގައިވެސް ރީތި އަޚުލާގައި، އިސްލާމީ އަދަބުތަކަށް އިޚުތިމާރް ކުރަންޖެހޭ ބައެއްކަމަށް އުއްތަމަ ފަނޑިޔާރު ވިދާޅުވިއެވެ.
One Response
ﷲއަންގަވާފައިވަނީ ތިހެން،، ތިގޮތަށް ކަންތައް ނުކުރެވޭތީ ނޭގި ޙުކުމްކުރާކުރާ މީހާއާއި އެނގިގެން ނުބައިކޮށް ޙުކުމްކުރާ މީހާއަށް ނަރަކަ ވާޖިބުވަނީ. ޢަދުލުވެރިކަން ގެއްލޭކަން އެނގޭއިރުވެސް ވެރިމީހާގެ ޒިންމާއަކީ ކޮބައިކަން ނޭނގިގޭ ވެރިން އުޅޭތީ މައްަަލައަކީ.