ނުސީދާކޮށް ގަޅިނުއުކައި އިހަށް ތިމާއާއި ތިމާ ބާގައިގެ މީހުން އިސްލާޙުވުމަށް ގޮވާލައްވާ ހޯމް މިނިސްޓްރީގެ ކުރީގެ ސްޓޭޓް މިނިސްޓަރ ޝިފާޤް މުފީދު (ހިސްޓޯ) ޢިލްމުވެރިޔާ ޝައިޚް ޢަލީ ޒައިދުއަށް ރައްދުދެއްވައިފިއެވެ.
ހިސްޓޯ މިފަދައިން ރައްދު ދެއްވާފައިމިވަނީ، އެއްވެސް ކަމެއްގައި މުސްލިމަކަށް ކަމަކަށް ޝަރުތުކޮށްފިނަމަ، އެކަމަކަށް އިޚްތިރާމް ކުރުމަކީ ވަރަށް މާތް ސިފައެއް ކަމުގައި ޝައިޚު އަލީ ޒައިދު ވިދާޅުވުމާއި ގުޅިގެންނެވެ. ކުރީގެ ރައީސް އަބްދުﷲ ޔާމީން ގޭބަންދުގައި ހުރި މުއްދަތުގައި ވެފައިވާ ޝަރުތުތަކާއި ޚިލާފްވުމުން އެކަން ބަލާނެކަމަށް ކަރެކްޝަނުން ބުނުމާއި ގުޅިގެން ޝައިޚު ޒައިދު ވިދާޅުވީ މުސްލިމުންނަށް ކުރެވޭ ޝަރުތުތަކަށް ތަބާވެ އެކަމެއްގައި ދެމި ތިބުމަށް ނަބަވީ އިރުޝާދުންވެސް އެގެން އެބައޮތްކަމަށެވެ. ޝަރުތެއް ކުރެވޭ ހާލަތެއްގައި ކޮންމެ މުސްލިމަކުވެސް އެކަމަކަށް އިޚުތިރާމު ކުރުމަކީ ވަރަށްމާތް ސިފައެއްކަމަށް ޝައިޚު ޒައިދު ވިދާޅުުވިއެވެ.
ޝައިޚް ޒައިދުގެ އެވާހަކަފުޅައް ރައްދު ދެއްވަމުން ހިސްޓޯ ވަނީ،، ނުސީދާކޮށް ގަޅިނުއުކައި އިހަށް ތިމާއާއި ތިމާ ބާގައިގެ މީހުން އިސްލާޙު ވުމަށް ގޮވާލައްވާފައެވެ.އަދި އެއަށްފަހު އެހެން މީހުނަށް އިނގިލި ދިއްކުރުމަށް ހިސްޓޯ ގޮވާލެއްވިއެވެ.
އެހެން ނޫނީ ތިޔަ އިނގިލި ދިއްކުރެވެނީ ތީމާގެ އަމިއްލަ ނަފުސާދިމާއަށް ކަމުގައި ނޫނީ ނުވެއެވެ.
– ޝިފާޤް މުފީދު
ނުސީދާކޮށް ގަޅިނުއުކައި އިހަށް ތިމާއާއި ތިމާ ބާގައިގެ މީހުން އިސްލާޙު ވާށެވެ. އެއަށްފަހު އެހެން މީހުނަށް އިނގިލި ދިއްކުރާށެވެ. އެހެން ނޫނީ ތިޔަ އިނގިލި ދިއްކުރެވެނީ ތީމާގެ އަމިއްލަ ނަފުސާދިމާއަށް ކަމުގައި ނޫނީ ނުވެއެވެ. https://t.co/QKrbFKcW71
— Histo (@ShifaqMufyd) September 11, 2021
އިއްޔެ އިދިކޮޅުން ބޭއްވި "އިންސާފު ކޮބާ" ހިނގާލުމުގެ ބައިވެރިން ޕީޕީއެމް އޮފީސް ކައިރިޔަށް އެއްވި ވަގުތު ރައީސް ޔާމީން ދިރިއުޅުއްވާ ހ. ދޫވެހި ގެ ކުޑަދޮރަކުން އާންމުންނަށް ހަނާއަޅުއްވައި، ޕީޕީއެމްއަށް ނިސްބަތްވާ ދިދަ އަކާއި ޤައުމީ ދިދަ ނަންގައިވައި ހޫރުވާތަންވަނީ ފެނިގެންގޮސްފައެވެ. އަދި ހިނގާލުމުގެ ބައިވެރިންނަށް އެމަނިކުފާނުވަނީ ހިތްވަރު ދެއްވާފައެވެ.
ގޭ ބަންދުގައި ތިބޭ މީހުން ސިޔާސީ އަދި އެނޫންވެސް އެފަދަ އެއްވެސް ހަރަކާތެއްގައި ބައިވެރިވުމަކީ ޤާނޫނީ ގޮތުން މަނާކަމެކެވެ. އަދި އެއީ ގޭ ބަންދުގެ އިޤުރާރާވެސް ޚިލާފު ކަމެކެވެ. ރައީސް ޔާމީން ގޭ ބަންދަށް ބަދަލުކުރައްވާފައިވަނީ ރާއްޖޭގެ ޖަލުތަކުގައި ކޯވިޑް-19ގެ ނުރައްކާ އިތުރުވުމާ ގުޅިގެން، ހައި ރިސްކު ގައިދީން ގޭ ބަންދަށް ބަދަލުކުރި އުސޫލުގެ ތެރެއިންނެވެ.
ކުރީގެ ރައީސް ޔާމީންގެ މައްޗަށް މަނީ ލޯންޑަރިން ކުށް ސާބިތުވެ ފަސް މިލިއަން ޑޮލަރުން ޖޫރިމަނާކޮށް ފަސް އަހަރަށް ޖަލަށްލުމަށް ކްރިމިނަލް ކޯޓުން ހުކުމްކުރީ 2019ވަނަ އަހަރުގެ ނޮވެމްބަރު މަހުގެ 28 ވަނަދުވަހުއެވެ. ރައީސް ޔާމީން 5 އަހަރަށް ޖަލަށް ލައި ފަސް މިލިއަން ޑޮލަރުން ޖޫރިމަނާކުރީ ގއ. ވޮޑަމުލާ ދޫކޮށްގެން ދައުލަތަށް ލިބެން ޖެހޭ އެއް މިލިއަން ޑޮލަރު ލޯންޑާ ކުރިކަން ކްރިމިނަލް ކޯޓުގައި ސާބިތު ވުމުންނެވެ. ކްރިމިނަލް ކޯޓުން ކުރި ހުކުން ހައިކޯޓުގައި އިސްތިއުނާފްކުރުމުން، ދަށުކޯޓުގެ ޙުކުމް ދަމަހައްޓަން ހައިކޯޓުން ނިންމާފައިވަނީ މިދިޔަ ޖެނުއަރީ މަހުގެ 21ވަނަ ދުވަހުއެވެ.
ކޮމެންޓު ފޮނުވާ