ބޮލީވުޑްގެ ޕްރޮޑޮއުސަރ އަދި ކޮރެއޯގްރާފަރ ފަރާ ޚާން ވެކްސިންގެ ދެ ޑޯޒް ފުރިހަމަ ކުރި ފަހުން ކޯވިޑް-19 އަށް ޕޮޒިޓިވް ވެއްޖެއެވެ.
ފަރާ ވަނީ މިކަން އިންސްޓަގްރާމް ސްޓޯރީގައި ހިއްސާކޮށްފައެވެ. ފަރާ ބުނެފައިވަނީ ދެ ޑޯޒް ފުރިހަމަ ކުރިފަހުން ވެސް ކޯވިޑް ޖެހިފައި ވާކަމަށެވެ. އަދި ކޮންޓެކްޓް ވެފައިވާ އެންމެންވެސް އަވަހަށް ޓެސްޓު ކުރުމަށް އޭނާ ވަނީ އިލްތިމާސް ކޮށްފައެވެ.
View this post on Instagram
ބޮލީވުޑްގެ ގިނަ ތަރިންތަކަކާއި އެކު ފަރާ ވަނީ މަސައްކަތް ކޮށްފައެވެ. އޭނާ އަކީ ކާމިޔާބު ފިލްމް ޑައިރެކްޓަރެއްގެ އިތުރުން ޕްރޮޑިއުސަރެއް އަދި ކޮރެއޯގްރާފަރެއް ވެސް މެއެވެ.
ފަރާ ކޯވިޑަށް ޕޮޒިޓިވް ވެފައިވާއިރު އޭނާ ވަނީ ސޮނީ ޓީވީ ގެ ރިއަލިޓީ ޝޯވް "ސުޕަޑާންސަރ ޗެޕްޓާރ 4″ އިން ގެސްޓެއްގެ ގޮތުގައި ފެނިގެން ގޮސްފައެވެ. އަދި އޭނާ ވަނީ އަމީތާބް ބައްޗަން ގެނެސްދޭ " ކޯން ބަނޭގާ ކަރޯރްޕަތީ" އިން ވެސް ހާއްސަ ފެނިލުމަކުން ފެނިގެން ގޮސްފައެވެ.
ފަރާ ޚާނަކީ ޒީގެ ކޮމެޑީ ޝޯވްގެ ޖަޖެއްވެސް މެއެވެ.
